Juan 17:11 - La'aqtaqa Ñim Lo'onatac 'Enauacna 2013

¹¹ Qaq Aỹem mashe yaqta'a da saishet da soota'a ana 'alhua, cha'aye Aỹem saỹa cam qoueta'a. Qalaxaye naamaye ñaq huetralec ana 'alhua. Qaq ỹoqo'oye 'am seỹaxanot da 'antela'alo, qataq 'anema da 'ara'añaxac dam Aỹem 'aỹa'anem co'ollaxa, da yaqto' naamaye nache 'eetai' da na'atta'a't, 'eeta'am da 'eetec 'Am qataq Aỹem.

Nuevo Testamento Toba Sur

¹¹ Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

Nuevo Testamento Toba Sombrero Negro

¹¹ “Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Juan 17:11 Referans Kwoze

Mateo 6:9

Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

Proverbios 18:10

Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Hebreos 9:24

Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.

Efesios 4:4

Ỹataqta 'eesa da 'oonolec da no'ocỹaxac, qataq 'oonolec So Saqcha'a Na'añaxac Qui'itta. Cha'aye Ñim Lo'onatac 'Enauacna qami' iỹaxanalo co'ollaxa, da yaqto' 'oonolec naqa'en da qanaquitaxaqui.

Filipenses 2:9

Qaq ỹoqo'oye Ñim Lo'onatac 'Enauacna, ỹanem Somaye da qaica ca 'ena'am la'amaqchec, qataq dam le'enaxat maye napacalec 'enauac na laỹepi da 'enec,

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Juan 14:20

Nache que'eca na'a'q qami' qauaỹachiñi da Ñim Ita'a qataq Aỹem 'oonolec da qarataxac. Qataq nataqa'en qami' qataq Aỹem 'oonolec da qarataxac.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

1 Juan 5:19

Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

Hechos 3:21

Qalaxaye So Jesucristo nagui iuen da ñaq neta'ague da piguem, nato' qom ivita ca na'a'q da Ñim Lo'onatac 'Enauacna naralaxat 'enauac na lo'onatacpi. Qaq 'era dam 'enapec Ñimaye co'ollaq ỹa'aqtaxanaxan som hua'au la'aqtaxanaxanecpi maye qui'itta.

Isaías 64:2

'eeta'am ca norec da ỹavigaxat aca qo'oipaq, huo'otaq da nacham naqa'en ca 'etaxat. Qaq huaña taxa nache na 'ampa'aguenaxauapi ỹauatton da 'are'enaxat, qataq na ỹotta'a't shiỹaxauapi iviloxol taxa souaxat da 'arviraxac.

Salmos 79:9

'Am Atamnaxala', maye 'am qarca'alaxaqui, ña qomi' 'autaua'n, qomi' huesochiyiñi 'anqa'en, qataq 'auapalaxat na qarasouaxashetpi, souaxat da llo'oxoyec da 'are'enaxat.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

1 Corintios 1:10

Qami' ỹaqaỹañicpi, qami' seroleguete da le'enaxat So Qarataxala' Jesucristo da qami' ñachoxoreetoiguilo da ỹataqta qanaỹaañeta't. Saishet da qaucolaqaitagui. Nachaqrata da qaica ca ỹaqpegueuga, 'oonolec ca qarhuennataqai qataq ca qoñiitapeguec.

Romanos 12:5

Qaq shenaqta'am qomi' maye sa'amaqtenaqtac So Cristo, nache qomi' qalotoiguilo, qataq ña'araqtaua'a da lo'ocỹaxac So Cristo, qalaxaye ñi 'oonolec huo'o da maiche lo'onataxanaxac.

Romanos 9:17

Ana nere maye huetalec na la'aqtacpi Ñim Lo'onatac 'Enauacna maye setaxaỹaxanaqtac nanettalec co'ollaq Ñimaye, 'enapega so nta'a maye ilotague' ye Egipto, 'eeta': «'Am sanagui da 'am nta'a, cha'aye sauotaique da sachaxan da ỹa'añaxac sachegoqchigui 'enauac nam 'am so'otec yaqto' 'enauac na shiỹaxauapi ana 'alhua aỹem ỹauatton.»

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

Juan 7:33

Nache So Jesús 'enapeco': –Aỹem ñaq cara'acolec da qami' soota'agueta. Qaq qom ime, nache Aỹem she'eguelaxa Ñim Aỹem namaq.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Mateo 5:48

Ỹoqo'oye qami' iuen da ỹataqta nalochiguiñi da qarataxaqui, qoñiita'am Ñim Lo'onatac 'Enauacna maye Qarta'ai maye neta'ague da piguem da ỹataqta nalochiguiñi da lataxac.

Ezequiel 20:44

Qami' nhuo' Israel le'ecpi qom so'onataxan da qami' setaua'n, qaq saishet da chegoqchigui ñaqa'en dam qauem qarataqui qataq dam qauem maye qauo'ocheetac, maye nacherata da so'ot damaye souaxat da la'amaqchec da ỹe'enaxat, qaq huaña qome nache qauaỹacheñi da Aỹem nachaỹem Nataxala'. Qaq 'era da ỹa'aqtac Aỹem Nataxala'.»

Ezequiel 20:22

qalaxaye sha'axaneguet co'ollaxa damaye, souaxat dam la'amaqchec da ỹe'enaxat, yaqto' saishet da saiyacnapec da ỹe'enaxat nam ỹotta'a't shiỹaxauapi, maye ỹauaachigui co'ollaq ñeqateeguesop ye Egipto namayepi.

Ezequiel 20:9

Qalaxaye souaxat da la'amaqchec da ỹe'enaxat, qataq yaqto' saishet da qauem da na'aqtaguec namayepi da ỹalectaigui na ỹotta'a't shiỹaxauapi, cha'aye nache ỹalecta'aguet co'ollaxa ne'ena ỹotta'a't shiỹaxauapi co'ollaq ñachaxana namayepi, qataq co'ollaq sachaxanapeguem da ñeqateeguesop ye Egipto.

Jeremías 14:21

¡Qaq souaxat da la'amaqchec da 'are'enaxat, nache saishet qome da qomi' sa 'auaconegueta, saishet qome da 'auo'otan nam huaqta'a't nỹecpi maye netaña añim huo'o da llo'oxoyec 'anso'onaxaqui! ¡Ñaq 'auennata'a qome so 'anaỹamaxataxac co'ollaq qomi' 'anaỹamaxateto, qaq no'on da 'aupaqueelec qome somaye!

Jeremías 14:7

¡'Am Nataxala', na'aictaxa na qarasouaxashetpi da qomi' ỹa'aloqche't, qaq no'on da huo'o ca 'auo'ot souaxat da llo'oxoyec da 'are'enaxat! Qalota naxa da saishet da 'am salaxasoxoguet, qaq huo'o da qarasouaxashet 'am hueto'ot.

Isaías 27:3

Aỹem Nataxala', nache aỹem maye ñeteltega, qataq saishet da she'emaxat da secottalec. Ñepaxattalec ye na'a'q qataq ye pe, da yaqto' saishet da qaỹo'otec qauem.

Apocalipsis 19:12

Qaq naua la'ai'te 'eeta'ama na le'eraxa na norec; qaq na lqaic netagui ana ỹataqta qalota naro'o na nta'a, qataq nanettalec so ne'enaxat maye chaqsota Somaye da ỹaỹaten.

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Juan 17:6

Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.