Juan 16:5 - La'aqtaqa Ñim Lo'onatac 'Enauacna 2013

⁵ Qalaxaye nagui Aỹem she'eguelaq da yaqto' soota'aguet Ñim Aỹem namaq; qaq saishet da huo'o ca 'oonolec da qoñiita da Aỹem inattac da chaq hua'ague ca saigue.

Nuevo Testamento Toba Sur

⁵ Qalaxayi nagui aÿim ashic da ñoqo'ona ñim aÿim namaq; qaq sa ishit da huo'o ca 'oonolec da qoñiita da aÿim inattac da chaq hua'ague ca sataigue.

Nuevo Testamento Toba Sombrero Negro

⁵ Qalaĝaja nayi male jec qaedi jona'ajop joñe'me jo'ne jayem namaĝaquena, qama'le da'me ami qaya'te gamachaqaega jayem yenatec ga'me jo'ne jajoyi.

Juan 16:5 Referans Kwoze

Juan 13:36

Nache so Simón Pedro inat So Jesús, 'eeta': –'Am Ỹataxala', ¿chaq hua'ague ca 'aigue? Nache So Jesús 'enapeco': –Cam saigue nagui, 'am saishet da 'auañoxot da 'aigue. Qalaxaye qom mashe lcopa'a, nache 'am ishet da Aỹem qoquegue.

Juan 7:33

Nache So Jesús 'enapeco': –Aỹem ñaq cara'acolec da qami' soota'agueta. Qaq qom ime, nache Aỹem she'eguelaxa Ñim Aỹem namaq.

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Juan 16:16

Qaq mashe yaqta'a da qami' saishet da Aỹem qauloỹa'a. Qalaxaye saqaỹaloq da qaltaq Aỹem qauloỹa'a.

Juan 14:28

Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am.

Juan 6:62

Qaq ¿hua'ago' ca qoñiitec qone' da huo'otaq qami' qauloỹa'a na Shiỹaxaua Llalec da ỹe'eguelaxasheguema yem hueta'a co'ollaxa?

Juan 17:13

Qaq nagui ñeqo'ona cam qoueta'a. Qalaxaye shenapec de'era nagui da ñaq sootalec ana 'alhua, yaqto' naamaye ỹataqta nlaqchiguilo da ntonaxa'c, 'eeta'am Aỹem.

Juan 16:17

Nache soua lapaxaguenataqa huo'oi soua maiche nnattega't, 'eetra': –¿Chaq negue't ca naigui de'era? Da 'eetega da saqaỹaloq da sa selaqa'a, qalaxaye nataqa'en saqaỹaloq da qaltaq selaqa'a. Qataq 'eetega da 'enauac de'era qome ipacchigui, cha'aye souaxat da taigue da neta'ague Ñim Lo'onatac 'Enauacna maye Lta'a.