Juan 16:33 - La'aqtaqa Ñim Lo'onatac 'Enauacna 2013

³³ Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Nuevo Testamento Toba Sur

³³ Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Nuevo Testamento Toba Sombrero Negro

³³ Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Juan 16:33 Referans Kwoze

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

1 Juan 5:4

Qaq ỹoqta 'eesa da 'enauac nam llalaqpi Ñim Lo'onatac 'Enauacna, namayepi nauec nam qauemsat maye huetalec ana 'alhua, qataq 'enauac nam pi'iỹa'a So Jesucristo, namayepi dauegaxan.

2 Ts 3:16

Qaq So Qarataxala' Jesús maye chegoqo'ot da nlagaxayec, Somaye qami' ỹanema qome da l-lagaxayec 'enauaque naua na'axa'te qataq, nache 'eetai' da qami' nnaictagueto.

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

Filipenses 4:7

Yaqto' Ñim Lo'onatac 'Enauacna qami' ỹanema da l-lagaxayec, qaq de'era nlagaxayec damaye sa ivi' da ỹaỹaten na shiỹaxauapi maye huetalec ana 'alhua, qaq damaye npaxattalec da lquiyaqteỹaxac, qataq da lhuennataxac nam mashe lalamaxatpi So Cristo Jesús.

1 Pedro 5:9

Qanachaachiỹa'aguet da lcanaxanaxac, qataq qauauo'oi ca qarpi'iỹaxaqui Ñim Lo'onatac 'Enauacna qataq saishet da huo'o ca huaña da qauqolectaxañi. Cha'aye mashe qauaỹaañi da 'enauac ana 'alhua da huo'o nam quetague' So Cristo da nataqa'en huo'o da nque'eenaxac 'eeta'am da qoñiita.

Juan 14:1

Saishet da huo'o ca tatapigui qarvilli. Nachaqrata da qaupi'iỹa'ai Ñim Lo'onatac 'Enauacna, nataqa'en Aỹem.

2 Timoteo 3:12

Qaq ỹataqta 'eesa da 'enauac na nshetaique da nañanot da quetague' So Cristo Jesús, nataqa'en nque'etaxangui qome da ncanaguec.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Hebreos 11:25

Qataq saishet da ỹaỹamaxaren da nque'etaxaachigui nam ishet da ỹo'otpi qataq nam ishet da ỹaconeguet da neto'ot asomaye, cha'aye damaye huetaigui da nqopitaxanaqtaic qataq da ñe'etaxaloxo. Nachaqrata da lca'aua'a da na Egipto le'ecpi sa iyacnapec somaye da 'eeta'am so laỹepi nhuo' le'ecpi maye lalamaxatpi Ñim Lo'onatac 'Enauacna.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

1 Ts 3:7

Ỹoqo'oye qami' qarqaỹa't, na'aictaxa da qomi' souaqtangui 'enauac na lqalaiguesat qataq na qanque'eenaxaguesat, qalaxaye selagaqchiguiñi can saỹaanaq da qoñiita da ñaq qoquiito'ot da qarpi'iỹaxaqui.

Apocalipsis 12:11

Cha'aye da l-leuaxa Ñi Qagueta Llalec, qataq da na'aqtaguec Ñimaye, nachera da iqallem. So qarqaỹañicpi saishet co'ollaxa da ñe'etac, nachaqrata da ỹan da nachaalataxac da qaỹalauat.

Colosenses 1:20

Qataq nataqa'en ỹachegoxotchigui So Cristo da 'enauac nam huetalec ana 'alhua huo'o da l-lagaxayec. Qaq ỹo'ot de'era nlagaxayec, ỹachegoxotchigui naqa'en da l-leuaxa Somaye co'ollaq qaiuaxaneguet so npe'enaxaqui.

2 Corintios 1:3

¡Sanaqtacot da qana'achecỹaxac Ñim Lo'onatac 'Enauacna maye Lta'a So Qarataxala' Jesucristo! Cha'aye Ñimaye ỹataqta soxoraic qataq huotaxanaqtaqaic qataq nache 'eetai' da qomi' itauaata'ape.

2 Corintios 13:11

Nachaqrata de'era, qami' ñauochaxau' ỹaqaỹa't. Qami' sequiita'ape qataq qami' seỹaxanoiguilo da nache 'eetai' da qauamaichiguiñi. Qanpogoxoiñiỹapegue' da qanquigaxachiitasheguem da no'on qarataxaqui. Aỹem qaualaqaiguet qome. Qataq qanaỹamaxayiñeeta't qataq qavi'imaqaitac. Qaq Ñim Lo'onatac 'Enauacna Ñim qomi' lauotaqa'ate qataq qomi' ỹanema da qarlagaxayec, Ñimaye qami' hueta'agueta.

1 Ts 3:4

Cha'aye co'ollaq ñaq qami' souaqta'agueta, qalaq qami' sa'axataqtapeguema da saxaigui na qalota qanque'eenaxaguesat. Qaq ipacchigui da seviraxaguet. Qaq de'era mashe qauaỹaañita.

Gálatas 6:14

Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu.

2 Corintios 7:4

Qaq ỹataqta qalota da ñaquitaxac qataq ña'amaqteetai' souaxat da qoñiita. Qataq ỹataqta samachiguiñi, na'aictaxa da qalota na seviraxaguet lqalaicpi qalaq aỹem ñanomteguet da ỹa'añaxac qataq aỹem nlaqchigui da ñetonaxac.

Hechos 27:25

Qaq ỹoqo'oye qami' ỹalleppi, qana'añaxache qome, cha'aye aỹem ỹataqta huo'o da ipi'iỹaxac Ñim Lo'onatac 'Enauacna, qataq ỹataqta 'eesa ñaqa'en da ipacchigui dam 'enapec so lamaxashec piguem le'ec.

Miqueas 5:5

Qaq camaye ndoi' qome ca qarlagaxayec. Qaq qom anac nam asiiriopi da huenoxotaua'a nam qana'alhua, qataq nam qarma' lta'araicpi, nache qomi' samaxaso'q caua siete nataxala'ate, qataq caua ocho 'amaqtaqaiqa nataxala'ate,

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Juan 12:31

Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Hechos 27:22

Qalaxaye nagui qami' shenapegalo da qana'añaxache qome saishet da qauaquicoitac, cha'aye saishet da huo'o ca 'oonolec da qoñiita da ileu, nachaqanata ana qannotaxaqui da deqat.

Lucas 19:38

Nache 'eeta': –¡Ỹataqta ỹo'oxoraq da llecỹaxac na Qarta'a, maye nactaigui da le'enaxat Ñim Lo'onatac 'Enauacna! ¡Huo'o qome da nlagaxayec na piguem! ¡Qataq 'enauac da qaỹauatton da la'añaxac Ñim Lo'onatac 'Enauacna!

Hechos 23:11

Qaq se'eso pe, nache So Qarataxala' nachaxana so Pablo, nache 'eetega, 'eeta': –Pablo, 'ana'añaxat qome, cha'aye de'era qonetec da Aỹem 'aua'axattac da huaña, na Jerusalén, qaq nataqa'en nachera qome da qonetec da Aỹem 'aua'axat, qom huaña ye Roma.

Hebreos 7:2

Nache so Abraham ỹanem so Melquisedec aso ndiezmo maye ỹachegoxotaigui nam lhuotaxanaxatpi maye ỹachegoxotaigui se'eso alaataxac. Qaq de'era ne'enaxat Melquisedec, da hua'auchiguiñi naigui 'eeta': «Nta'a maye no'on da lataxac.» Qalaxaye nataqa'en da qaiỹaxana qalaq lta'a nam netaña ye nỹecpi ye Salén, qaq damaye naigui da «Lta'a da nlagaxayec.»

Mateo 9:2

Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

2 Corintios 2:14

Qaq ỹoqo'oye qomi' sanaqot da qana'achec Ñim Lo'onatac 'Enauacna, da qomi' ỹalecnaxaneua'alo da lauegaxanaxac So Cristo Jesús qataq qomi' ỹanema da sa'axataq da na'aqtaguec So Cristo da yaqto' 'enauac da qaỹauatton.

2 Corintios 4:7

Co'ollaq Ñim Lo'onatac 'Enauacna qomi' ỹanema da no'on na'axaỹaxac, nache ỹachagui de'era nsallaxa asom qaica ca la'añaxac no'oxona 'alhuole. Yaqto' da sa'axataqtac da no'on na'axaỹaxac, nache na shiỹaxauapi ỹaỹaten da de'era na'añaxac chegoqo'ot Ñim Lo'onatac 'Enauacna, qaq saishet da nache qomi' maye shenaqta'am acatai' 'alhuole maye qaica ca la'añaxac.

2 Corintios 6:4

'Enauac nam so'otaqpi sauoqtaique da ichoxot da qomi' lo'onataxanaxanaqa Ñim Lo'onatac 'Enauacna, qataq souaxalec da qarhualaxavic. Huo'o da qanque'eenaxac, qataq qalota na seviraxaguet qarqalaic qataq na qarhuenaxanaxapi. Qataq nataqa'en qomi' qaỹalasheeta'ape.

1 Juan 2:13

Qaq qami' maye mashe qami' ỹepi, qami' samaxalo ana ỹere, cha'aye qauauattoñiita So Jesús, som nache 'eetai' da huo'o co'ollaq saxanaxa da ỹo'ot ana 'alhua Ñim Lo'onatac 'Enauacna. Qaq qami' maye qami' nsoxoppi, qami' samaxalo ana ỹere nataqa'en, cha'aye qami' 'añaxaicpi qataq qanaviqui so pa'aguenataxanaxaic, qataq huesota da qarataxaqui da qauacoñiiguet da la'aqtac Ñim Lo'onatac 'Enauacna. Qami' samaxalo 'enauac da qoñiita ana ỹere, cha'aye qauauattoñi Ñim Lo'onatac 'Enauacna.

Jueces 3:2

Qaq ỹoqo'oye Ñim Nataxala' nache 'ena'ac co'ollaxa de'era da yaqto' nam dalaxaic Israel le'ecpi, maye sa ỹauaneua'a co'ollaxa so hua'au loquiaxac, nagui ishet da ỹaỹaten da deloqui.