Juan 16:32 - La'aqtaqa Ñim Lo'onatac 'Enauacna 2013

³² Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.

Nuevo Testamento Toba Sur

³² Qalaxayi nagui mashi ivita yi laloqo', qaq nachina nagui na huetoigui, da qami' qanlagaxachiitac qome, ñi 'oonolec maichi ÿoiqueetac ca dataigue, nachi aÿim qaualachiÿa'a't qome. Qalaxayi aÿim sa ishit da aÿim 'oonolec, cha'ayi ñi ita'a aÿim hueta'aguet.

Nuevo Testamento Toba Sombrero Negro

³² Qa'a male jayem novita da'me yaloqo', nataq'aen da'me nach'ena jenjo' nolo' da'me adelagaqai ami onolqa'tape naa'me ayiyapegue'galo, qama'le jayem aueñi onolec. Qalaĝaja ja jayem 'te onolec qa'a ñe'me Taĝadena' jayem ue'tajop.

Juan 16:32 Referans Kwoze

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Mateo 26:31

Qaq co'ollaq ivildesheguemec aso qaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –Ne'ena pe qami' deqat da qarpi'iỹaxaqui Aỹem. Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta nache ana qaguetapi qome nlagaxattac.»

Juan 8:29

Cha'aye Ñim Aỹem namaq, Ñimaye Aỹem hueta'aguet; Ñim Ita'a saishet da Aỹem ndoqteetec, cha'aye Aỹem nache 'eetai' da so'ottac cam ỹaỹamaxareeta Ñimaye.

Juan 8:16

Qalaxaye da huo'otaq ñimit ca nasouaxashet, qalaq ca imitaxanaxac ỹataqta 'eesa, cha'aye saishet da ñerotec da huo'o ca ñimit. Cha'aye Ñim Ita'a maye Aỹem namaq, Ñimaye Aỹem itauan da huo'o ca ñimit nasouaxashet.

Marcos 14:27

Qaq co'ollaq ivireugalo aso saqaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –'Enauac da qoñiita deqat da qanaquitaxaqui Aỹem. Cha'aye ne'enaua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta, nache anamayepi datauec qataq ỹataqta nlagaxattac.»

Mateo 26:56

Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Juan 20:10

Nache so Pedro qataq se'eso lỹa napaxaguenatac, soomaye ỹe'eguelaxareua'a ca lma't.

Juan 16:25

Qaq qami' sa'axatema 'enauac ne'ena, qalaxaye sauota'alo naua ỹaloqnaxanaqa'ate. Qalaxaye nayeetai' ca laloqo' da saishet qome da sauota'aisalo naua ỹaloqnaxanaqa'ate, nachaqrata da ỹataqta qami' sa'axattema Ñim Ita'a.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 4:23

Ñim Lo'onatac 'Enauacna saqcha'a, ỹoqo'oye cam ỹo'oxoren Ñimaye qalaq iuen da chegoqchigui da ltaunaxanaxac So Saqcha'a La'añaxac Ñimaye. Yaqto' da ỹo'oxoren qalaq ipacchigui da lataxac maye ỹaỹamaxareeta Ñimaye. Mashe nayeetai' ca laloqo' da nam ỹo'oxoren Ñim Lo'onatac 'Enauacna maye Nta'a, ipagaqchiichigui dam ỹataqta lataxac da qaỹo'oxoren Ñimaye, chegoqchigui da ltaunaxanaxac som saqcha'a la'añaxac, cha'aye Ñim Nta'a huotaique da, nache 'eetec da qaỹo'oxoren. Qaq yi'iye laloqo' mashe ivita.

Juan 4:21

Nache So Jesús 'enapeco': –'Am 'alo, Aỹem 'aua'amaqten nagui, ten anacta ca na'a'q da qami' saishet da iuen da qanqo'oñiisheguemec añi qaỹoqotcheguemec 'alhua, huo'otaq da qanqo'oñiỹa ye Jerusalén, da qavio'oxoyiñi Ñim Lo'onatac 'Enauacna.

Juan 12:23

Nache So Jesús 'enapegalo soomaye, 'eeta': –Nagui mashe ivita ye laloqo' da 'enauac qaỹaỹaten da negue't cam ỹoqta Shiỹaxaua Llalec.

Juan 5:28

Qaq saishet qome da qami' ỹe'elaqche't de'era qami' sa'aqtaxanema, cha'aye ivita ca na'a'q qome da nataqa'en na leuaxaicpi, hua'axaỹa da ivilỹaxac,

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Marcos 14:50

Nache 'enauaque soua lapaxaguenataqa datare'c, no'onaxatchiguilo So Jesús.

Hechos 8:1

Qaq so Saulo ỹauaachigui da nalaataguec so Esteban, qataq ỹataqta ỹaỹamaxareeta. Qaq nache huetoigui se'eso na'a'q da qaicanaxangui nam ỹa'amaqten So Jesús ye Jerusalén, nache huo'o na taỹa ye 'alhua Judea qataq ye 'alhua Samaria. Qaq chaqsouate' soua Jesús lamaxa'she no'oirañi.

Juan 16:31

Nache So Jesús 'enapeco': –Qaq ¿'eesa peta'a da qami' qaua'amqaanataxañi nagui?

Juan 19:27

Ime, qataq 'enapego' so lapaxaguenatac, 'eeta': –'Ara qome ara 'arate'e. Nache chegoqchiguiña se'eso na'a'q da se'eso lapaxaguenatac ỹauegueua'a so lma' aso María.

Hechos 21:6

Huaña, nache ñeqapalaqtague' somayepi da ñecoyeguenaqtague', nache senotaxaua'a aso notaxaqui maye quiguingui na 'etaxat. Qaq somayepi ỹe'eguelaxaua'alo naua lma'ate.