Juan 16:30 - La'aqtaqa Ñim Lo'onatac 'Enauacna 2013

³⁰ Qaq nagui mashe saỹaanaq da 'am 'auaỹaten 'enauac na lataxaguesat, qaq saishet da 'auen da huo'o ca 'am inat. Qaq ỹoqo'oye sa'amaqtenaq da 'am 'auachegoqtot Ñim Lo'onatac 'Enauacna.

Nuevo Testamento Toba Sur

³⁰ Qaq nagui mayi saÿajnaq da 'am 'auaÿaten 'enauac na lataxaguesat, qaq sa ishit da 'auen da huo'o ca 'am inat. Qaq ÿoqo'oyi sa'amaqtenaq da 'am 'auachigoqtot ñi Dios.

Nuevo Testamento Toba Sombrero Negro

³⁰ Nayi male jauanaĝa da'me auayaten yema naa'me naajo' uo'oe nataq'aen ja auouetaque ta'le 'uo ga'me ya'uo ga'me lenataĝanaĝac. Chane'eja chiyaqayi da'me dojo' nayi ja'amaqatenaq da'me auachiyaqaje'ma ñe'me Dios.

Juan 16:30 Referans Kwoze

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 16:17

Nache soua lapaxaguenataqa huo'oi soua maiche nnattega't, 'eetra': –¿Chaq negue't ca naigui de'era? Da 'eetega da saqaỹaloq da sa selaqa'a, qalaxaye nataqa'en saqaỹaloq da qaltaq selaqa'a. Qataq 'eetega da 'enauac de'era qome ipacchigui, cha'aye souaxat da taigue da neta'ague Ñim Lo'onatac 'Enauacna maye Lta'a.

Juan 5:20

Ñimaye ỹataqta Aỹem ỹauotec, ỹoqo'oye Aỹem ỹachaxana nam ỹo'otpi. Qataq Aỹem ỹachaxana na lta'araic ỹo'otpi, nam qami' ỹo'oteque da lta'araic da qara'aalaqai.

1 Reyes 17:24

Nache aso 'alo 'enapeco': Nagui, aỹem saỹateeta, da ỹoqta 'eesa da 'am nale Ñim Lo'onatac 'Enauacna, qataq cam qonapec, qalaq ỹoqta 'eesa la'aqtac Ñim Nataxala'.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Juan 16:23

Qaq que'eca na'a'q qome, nache saishet da huo'o ca Aỹem inattac da qoñiita. Qaq ỹataqta 'eesa de'era qami' sa'axatema, da Ñim Ita'a qami' ỹanema 'enauac ca qauỹaxañiỹaique, souaxat da qami' ỹapaxaguenataqa.

Juan 16:26

Cha'aye mashe ime da sa iuen da qami' ñachoxoreetapegueleguete da seỹaxanot Ñim Ita'a, nachaqrata da maiche qami' qauỹaxañiỹot Ñimaye, cha'aye qami' ỹapaxaguenataqa.

Juan 16:31

Nache So Jesús 'enapeco': –Qaq ¿'eesa peta'a da qami' qaua'amqaanataxañi nagui?