Juan 16:25 - La'aqtaqa Ñim Lo'onatac 'Enauacna 2013

²⁵ Qaq qami' sa'axatema 'enauac ne'ena, qalaxaye sauota'alo naua ỹaloqnaxanaqa'ate. Qalaxaye nayeetai' ca laloqo' da saishet qome da sauota'aisalo naua ỹaloqnaxanaqa'ate, nachaqrata da ỹataqta qami' sa'axattema Ñim Ita'a.

Nuevo Testamento Toba Sur

²⁵ Qaq qami' sa'axatema 'enauac ne'ena, qalaxayi sauota'alo naua ÿaloqnaxanqa'te. Qalaxayi natai' ca laloqo' da sa ishit qome da sauota'ai naua ÿaloqnaxanqa'te, chaqdata da ÿataqta qami' sa'axattema ñi ita'a.

Nuevo Testamento Toba Sombrero Negro

²⁵ “Ja'aĝate'tape naa'me naajo' uo'oe nataq'aen da'me uo'oe gaa'me yaloqotenaĝanaĝaiqui'; qalaĝaja yovita jo' qomle ga'me nolo' qom jen di'yoq da'me ja'aĝatetac joñe'me Taĝadena'.

Juan 16:25 Referans Kwoze

Juan 16:12

Qaq Aỹem qalota na ỹa'aqtacpi da qami' sa'axatema, qalaxaye saishet da qauaỹaañi nagui.

Juan 10:6

Qaq So Jesús ỹo'ot de'era laloqnaxanaxat, qalaxaye nam na'axaỹaxaatega Somaye saishet da ỹaỹaten dam 'eetega.

Marcos 4:13

So Jesús 'enapeco': «Da sa qauaỹaañiguet aso saloqnaxaatega nañiguishe ala, nache ¿ca 'eeteco' da ishet da qauaỹaañiteguet na laỹepi ỹaloqnaxanaxatpi?

Salmos 78:2

Aỹem setaqa qalaxaye sauota'aisalo naua ỹaloqnaxanaqa'ate, ñanoldec naua na'aqtaqa maye saqcha'alo, maye huetoiguilo soua ỹoxoguelo vi'iye.

Salmos 49:4

Aỹem ñasaxarec qome naua na'aqtaqa ỹaanaxanaxaiqa, qataq sa'axat na saqcha'a iuennataxacpi da ñaq qaivictapigui ana nvique.

2 Corintios 4:2

Saishet da huo'o ca qomi' ỹa'aloqche't, qataq saishet da huo'o ca soxotaqtañi. Saishet da satenachetaqtac na shiỹaxauapi qataq saishet da ñaralaxataq da la'aqtaxanaxac Ñim Lo'onatac 'Enauacna. Nachaqrata da Ñim Lo'onatac 'Enauacna qomi' ỹaỹateete' da qara'aqtaxanaxac da ỹataqta 'eesa. Ỹoqo'oye 'enauac na shiỹaxauapi ishet da pi'iỹa'alo qomi'.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Proverbios 1:6

da yaqto' qaỹaỹateete' naua la'aqtaqa ca ỹaanaxanaxaic, qataq naua lleco naua la'aqtaqa, qataq na laloqnaxanaxatpi, huo'otaq naua ỹoxottrañi, la'aqtaqa.

Ezequiel 20:49

Nache aỹem Ezequiel sasat, sheeta': «¡Aicoue 'Am Nataxala', 'enauac na shiỹaxauapi aỹem na'aqtaxaatapigui da nam sa'axattacpi qaica ca ỹaỹaaneguet!»

Marcos 4:34

Qaica ca la'aqtaxanaxac Somaye da huo'otaq saqca ca daloqnaxana. Qalaxaye da nda'ai'salo naxa soua lapaxaguenataqa, nache npottegueto da ỹataqta da'aqtaxaatema qataq ỹataqtegue naqa'en.

Marcos 8:32

Qaq souaxat da So Jesús ye ỹataqta ỹa'axatta de'era taỹa'a, nache so Pedro iỹotauga Somaye, nache nlaxa souaxat de'era la'aqtaxanaxac.

Juan 10:24

nache na shiỹaxauapi laponeua'a Somaye, nache qainattac, qoỹeeta': –¿Chaq laguio', qaq qomi' 'anqateeguesopa de'era qarqolectaxanaxac? Ñaq qomi' 'aua'aqtaxanemactaxa da nache 'am, maye 'am Lca'aguishec Ñim Lo'onatac 'Enauacna.

Juan 16:32

Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.