Juan 16:21 - La'aqtaqa Ñim Lo'onatac 'Enauacna 2013

²¹ Aca 'alo da deco'otac, qalaq ỹataqta dachetata qataq lta'araic da nqui'ic. Qalaxaye da mashe ñiguiñi ca llalec, nache acamaye icoua'ai so nqui'ic, nache ndota't da ntonaxac, cha'aye nviraxata ca nogotolec ana 'alhua.

Nuevo Testamento Toba Sur

²¹ Aca 'alo da ivita yi laloqo' da deco'o, qalaq ÿataqta dachitata, cha'ayi mashi ivita yi laloqo' da nqui'ic. Qalaxayi da mashi ñiguiñi ca llalec, nachi acamayi icoua'ai so nqui'ic, souaxat da ntonaxac da ñiguiñi so nogotolec ana 'alhua.

Nuevo Testamento Toba Sombrero Negro

²¹ Qom 'uo jaga'me yauo jo'ne c'oe, male 'uo da'me lemalaqataĝanaĝac q'aen yovita ga'me mach'e laloqo', qalaĝaja qom yem da'me niyiñe ga'me notolec, qama'le ja yitaĝa uenate'ta da'me lachoĝodec, queda'me 'uo da'me lamaic da'me male 'uo ga'me c'oĝot jo'ne niyi'ña jenjo' aleua.

Juan 16:21 Referans Kwoze

Salmos 113:9

Qataq Ñimaye ỹo'ot da huo'o ca lma' aca 'alo maye sa deco'o, qataq ỹanem da ntonaxac da ishet da nate'e acamaye. ¡Qaỹo'oxoren qome Ñim Nataxala'!

Isaías 13:8

Nache nlaxagui qome da lcolanaxa, qataq lta'araic da lachetataic qataq da nqui'ic, nache ncocateguiñi 'eeta'am aca 'alo da deco'otapigui', qaq ñi 'oonolec da ilota'a ñi lỹa qalaq ỹe'elaq, qataq napaqhuec na lashec souaxat da la'agaxa.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Miqueas 4:10

Qaq 'am huaqta'a't nỹecpi na Sión, 'ancogañi qome, qataq 'ana'alaxañe, qoneta'am 'aca 'alo da deco'otapigui', cha'aye nache 'am chegaqaigui qome na shiỹaxauapi, da tauga na no'onaxa da yaqto' nalec, nache ivitta'a ye Babilonia. Qalaxaye nache huaña qome yemaye da Ñim Nataxala', isouec na lalamaxat nhuo' le'ecpi, qataq nca'alaxateeguesop da lhuaqỹaxac na npa'aguenaxauapi.

Gálatas 4:27

Cha'aye naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna, 'eeta': «¡Ỹataqta 'auamachiguiñi 'am 'alo, 'am maye saishet da 'auco'o! ¡Ỹataqta 'aua'alaq 'am 'alo souaxat da 'antonaxac, 'am maye sa 'anauane' ca lqui'ic da nco'oxoc! ¡Aca 'alo maye qaỹalat ỹataqta ỹactec qome ca llalaqpi, qaq saishet da 'eeta'am acam 'alo maye huo'o ca lhua!»

Génesis 3:16

Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

Isaías 21:3

Na ỹo'oc qalaq ỹataqta imauec da daỹalli, qataq ỹataqta ñeviitiguiñi da ñiqui'ic, sheeta'am aca 'alo da deco'otapigui', da ỹachetataic qalaq ỹo'ot da sa sa'aqa, qataq da ỹi'iỹaxa ỹo'ot da sa ñauaañi.

Isaías 66:7

«Ye Sión ñiguiñi so llalec co'ollaq saxanaxa da ivita da huo'o da lqui'ic da lco'oxoc.

Miqueas 4:9

Qaq nagui, ¿ta'ainco' da ỹataqta 'ana'alaqtapiguiñi, qoneta'am aca 'alo da deco'otapigui'? ¿Peta'a qaico' ca 'am ilotague' nta'a, qalqo' mashe ileu cam 'auachegoxottacot nam nqataxacpi?

Da na'aqtaguec so Job 11:16

Huaña, nache 'aucoua'ai da 'anque'eenaxac, qaq da 'auennate damaye, qalaq 'eeta'am 'anqa'en ca 'etaxat maye mashe ỹoxogue.