Juan 16:20 - La'aqtaqa Ñim Lo'onatac 'Enauacna 2013

²⁰ Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.

Nuevo Testamento Toba Sur

²⁰ Qaq ÿataqta 'eesa de'eda qami' sa'axatema nagui, da qami' qome qanoÿiñiitac, qataq qauaquicoita, qaq nam shiÿaxauapi mayi huetalec ana 'alhua, namayipi qome machiguiñi. Qalaxayi nai'ctaxa qome da qami' ÿataqta qauaquicoita, qalaxayi de'eda qadaquicoqoi, damayi naigui ca qantonaxaqui.

Nuevo Testamento Toba Sombrero Negro

²⁰ Eja da'me ami ja'aĝatema: da'me ami cha'li anoyeñitac qomle nataq'aen da'me 'uo da'me adachoĝodequi, qalaĝaja joga'me aleua laje'pi cha'li 'uo da'me lamaic. Da'me ami, te'me 'uo da'me adachoĝodequi, qalaĝaja ja cop'a da'me male neleguemaĝata da'me adamaiqui.

Juan 16:20 Referans Kwoze

Santiago 1:2

Qami' ỹaqaỹa't maye qaua'amaqchiñiitac So Cristo, qami' iuen da ỹataqta qauamaichiguiñi da ivita da qaviyeeguet na ỹotta'a't lqalaiguesat.

Mateo 5:4

Ñim Lo'onatac 'Enauacna ỹaalec da nqouagaxa nam huo'o da nque'eenaxac nagui, cha'aye Ñimaye ỹami' da lamaicỹaxac namayepi.

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

Marcos 16:10

Qaq soua lapaxaguenataqa ñaq daquicota'ape qataq nỹeeta'ape souaxat da l-leuaxa So Jesús, nache ivireuo asomaye, nache da'aqtaxanema soomaye da So Jesús nca'altauec.

Jeremías 31:25

Cha'aye sanem qome ca aloq qataq ca laquip, nache ỹataqta qaica qome ca iueetaique nam nasamtañi qataq nam qaica ca la'añaxac.»

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Lucas 24:21

Qaq qomi' huo'o da qanaquitaxac da nacheso Somaye, som nca'alaxatec taxa na Israel le'ecpi. Qaq nagui mashe ivi' naua tres na'axa'te da qanayeuaigui de'era.

Salmos 30:11

Cha'aye da ñenoinaxac nmeneguet 'anqa'en da ỹasotaxac, qataq 'anqa't soua ỹasouaxaqui' aỹogo nache aỹem 'aỹa'anguilo soua no'o'n aỹogo.

Salmos 30:5

Cha'aye da layeloxo Ñimaye sa qaỹauec, qalaxaye da no'on ltaunaxanaxac ivittec naqa'en da achaalataxac. Cha'aye da huo'o da noinaxac ye pe, qalaxaye ye lỹa na'a'q qaltaq huo'o da namaicỹaxac.

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Romanos 5:11

Nataqa'en Ñim Lo'onatac 'Enauacna qomi' ỹo'oteque da lta'araic da qaramaicỹaxac, cha'aye mashe souaqtaigui da nlagaxayec da sonaqto'ot Ñimaye, chegoqchigui So Qarataxala' Jesucristo.

Lucas 24:17

Nache So Jesús inatta'ape soomaye, 'eeta': –¿Negue't cam qana'aqtaxañeetapigui nam nqa'aic? Qataq ¿ta'ainco' ye qauaquicoita?

Lucas 23:27

Qaq ỹataqta qalota so ỹalleppi maye ca'attaueegue So Jesús qataq qalota aso ỹalectauopi na 'alpi. 'Enauac asomayepi nỹeetagui, na'alaqtapiguiñi, souaxat da laquicoxo.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Apocalipsis 18:7

Ayemaye co'ollaxa ỹataqta ỹaguec da ño'oxonnaxac, qataq nqopita da huetaigui da lta'araic lyac da no'otaxac; ¡qaq ỹoqo'oye nagui qauauo'oi qome da nqui'ic!, ¡qaue'enaxachiichigui da 'eetec da ño'oxonnaxac co'ollaxa! Cha'aye da lhuennataxac naxa 'eeta': ‹Aỹem ñeso'ootaña ne'ena, ñeso'ootangui ana ñeso'onaxaqui da aỹem nate'e. Saishet da aỹem pa'ai, qataq saishet da ñauane' da huo'o ca ñeque'eenaxac.›

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Hechos 5:41

Nache se'esoua Jesús lamaxa'she chegoqtoiguilo so nta'alpi ỹataqta huo'o da ntonaxa'c, cha'aye Ñim Lo'onatac 'Enauacna ỹasheetegueta soomaye da huo'o da nque'eenaxa'c, huasoirelec da ỹataqta ỹalaxareguet So Jesús.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Juan 16:6

Nachaqrata da qami' qauaquicoita, souaxat da qami' sa'aqtaxaateguema de'era.

Lucas 22:62

Huaña, nache pa'auec so Pedro, nache ỹataqta lta'araic da nnoinaxac.

Lucas 22:45

Qaq co'ollaq imat da nqouagaxaunaxac, nache ñesheguem da nqo'onalo soua lapaxaguenataqa. Nache co'ollaq ivitalo, nache ilaleguete da do'ochete' soomaye, souaxat da sa nalo'ogueta da laquicoqo'.

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Marcos 14:72

Huaña, nache so 'olgaxa ỹe'eguelaxalec da nỹen. Nache so Pedro tachigui lauel da la'aqtac co'ollaxa So Jesús, co'ollaq, 'eeta': «Qom yaqta'a da dos ỹe'eguelaxalec da nỹen ca 'olgaxa, qaq mashe ivi' qome da tres da 'avi'eguelaxalec da qonetega Aỹem sa 'auauatton.» Nache somaye co'ollaq tachigui lauel de'era, nache nỹeetac, cha'aye ỹataqta ỹaguec da laquicoxo.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Isaías 12:1

Qaq que'eca na'a'q, nache 'am qonapec qome «'Am sanot da ña'achecỹaxac 'Am Nataxala', cha'aye na'aictaxa da aỹem 'aualemataỹa co'ollaxa, qalaxaye da 'aralemataic mashe vi'iiguet, nache aỹem 'avi'eguelaxatem da ilagaxayec.

Salmos 97:11

Na yo'oqchiguiñi qalaq talec ca no'on da lataxac, qataq da namaicỹaxac talec ca ỹaỹamaqchiguiñi da lquiyaqteỹaxac.

Da na'aqtaguec so Job 20:5

cha'aye da lamaicỹaxac na 'etaxaloxoic saqaỹauec, qataq da ntonaxac na qauemaic pasa'a da imeuo.

1 Ts 1:6

Qami' qoquiigue da qarataxac qataq da no'on lataxac So Qarataxala', na'aictaxa da qalota da qanque'eenaxaqui, qalaxaye co'ollaq qauacoñiiguet da na'aqtac maye qami' ỹanema So Saqcha'a Na'añaxac Qui'itta qalaq huo'o da qantonaxaqui.

Juan 20:20

Qaq co'ollaq ime da 'enapec de'era Somaye, nache ỹachaxa'n naua lhua'q qataq na laỹe. Nache soomaye ỹataqta huo'o da ntonaxa'c da iloro'ot So Qarataxala'.

Mateo 21:38

Qalaxaye co'ollaq qaila'aguet se'eso llalec, nache so 'onataxanaxaicpi detaxaỹapega't, 'eeta': «'Ena cha'aguet nam talec qome da lsallaxa so lalamaxat ne'ena nanaxanaqa'. Namaye salauataq yaqto' qomi' taleguete qome na nma'.»