Juan 16:2 - La'aqtaqa Ñim Lo'onatac 'Enauacna 2013

² Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Nuevo Testamento Toba Sur

² Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Nuevo Testamento Toba Sombrero Negro

² Qa'a male ami qoyamaĝadegue qomle jogaa'me tamenaĝaiqui', nataq'aen yovida'a qomle da'me 'uo ga'me ami yala't queda'me eetedapega naq'aeta da'me loequenataĝanaĝac joñe'me Dios.

Juan 16:2 Referans Kwoze

Juan 9:22

Qaq 'enapec de'era soua lta'al, souaxat da ñe'etrega na lataxala'pi na judiopi, cha'aye namayepi mashe nasachigui da saishet da ỹalegoigui naqa'en nam tategueua'a aso napaxaguenaxaqui nam judiopi, 'enauac nam ỹa'amaqten qataq 'eetega da So Jesús, nacheso So Lca'aguishec Ñim Lo'onatac 'Enauacna.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Apocalipsis 6:9

Qaq se'eso Qagueta Llalec can qaltaq ivita da nqat aso cinco soua na'anaxanaqtel, nache sela'a da som qaỹalauatpi co'ollaxa, souaxat da ỹa'axattac da la'aqtac Ñim Lo'onatac 'Enauacna, hueto'ot aso nca'atoxonaxalate.

Juan 12:42

Qalaxaye ñaqaiyeta ỹataqta qalota na judiopi na ỹa'amaqten So Jesús, ivira'a nam ỹataqta 'amaqtaqaicpi. Qalaxaye namayepi saishet da ỹataqta nachaxaata, souaxat da ñe'etega na fariseopi da huo'otaq ỹamaqauec namayepi da huaigui ana napaxaguenaxaquipi,

Lucas 6:22

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

1 Corintios 4:13

Qomi' qaỹasaxaleguete naua ntaxaỹaxaco sa ỹaỹamaxaayiñi, qalaxaye da sasataxaguet qalaq seroxoguet da ỹaỹamaqchiguiñi. Qaq nagui ñaq 'eetalec da qomi' qaỹe'enaxatteguema ca lasogoñi, huo'otaq na lte nam ỹasaxauec na shiỹaxauapi.

Hechos 7:56

Nache somaye 'enapeco': –¡Ña qauloỹa! Aỹem sela'a da nauatoigui na piguem qataq sela'a da Shiỹaxaua Llalec, damaye nachattañi neta'ague da aloic Ñim Lo'onatac 'Enauacna.

Mateo 24:9

Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'.

Juan 9:34

Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

Isaías 65:5

Nache 'enapec naxa: «Nache qoueta'acna saishet qome da aỹem 'anquigueua'a, cha'aye aỹem ỹataqta aỹem qui'itta nache saishet da aỹem 'apottegueua'a.» Ne'ena shiỹaxauapi 'eeta'am ca norec maye imauec ye na'a'q da 'ettaigui, nache ỹataqta aỹem saỹalemaxat, 'eeta'am ca lmala'q da taiguilo naua imic lauaco.

Hechos 5:33

Qaq co'ollaq hua'axaỹa de'era so nta'alpi maye 'amaqtaqaicpi qataq so lataxala'pi na judiopi, nache somayepi ỹataqta dalemata, nache huotaique da ỹalaua't soomaye.

Juan 4:21

Nache So Jesús 'enapeco': –'Am 'alo, Aỹem 'aua'amaqten nagui, ten anacta ca na'a'q da qami' saishet da iuen da qanqo'oñiisheguemec añi qaỹoqotcheguemec 'alhua, huo'otaq da qanqo'oñiỹa ye Jerusalén, da qavio'oxoyiñi Ñim Lo'onatac 'Enauacna.

Filipenses 3:6

Qaq ỹataqta huo'o da iuogoxo da sepaqueelec co'ollaxa na namaxasoxonaxacpi, ỹoqo'oye sevira'a da secaatac nam ỹa'amaqten so Jesús. Qaica ca ishet da ỹauo'o ca ỹasouaxashet da 'eetega da sa sepaguelec na namaxasoxonaxacpi.

Daniel 11:33

Qaq ca ỹaanaxanaxaicpi qalota qome ca ỹapaxaguen shiỹaxauapi, qalaxaye ime nache qaỹalauat camayepi, nache qaỹavigaxat, qataq qaiuotaxanec cam hueto'ot logoxoshetpi, qataq huo'o ca qaỹauega ca ỹaqa'a 'alhua da yaqto' nlatacpi. Qaq camaye, saqaỹauec qome.

Juan 4:23

Ñim Lo'onatac 'Enauacna saqcha'a, ỹoqo'oye cam ỹo'oxoren Ñimaye qalaq iuen da chegoqchigui da ltaunaxanaxac So Saqcha'a La'añaxac Ñimaye. Yaqto' da ỹo'oxoren qalaq ipacchigui da lataxac maye ỹaỹamaxareeta Ñimaye. Mashe nayeetai' ca laloqo' da nam ỹo'oxoren Ñim Lo'onatac 'Enauacna maye Nta'a, ipagaqchiichigui dam ỹataqta lataxac da qaỹo'oxoren Ñimaye, chegoqchigui da ltaunaxanaxac som saqcha'a la'añaxac, cha'aye Ñim Nta'a huotaique da, nache 'eetec da qaỹo'oxoren. Qaq yi'iye laloqo' mashe ivita.

Juan 16:25

Qaq qami' sa'axatema 'enauac ne'ena, qalaxaye sauota'alo naua ỹaloqnaxanaqa'ate. Qalaxaye nayeetai' ca laloqo' da saishet qome da sauota'aisalo naua ỹaloqnaxanaqa'ate, nachaqrata da ỹataqta qami' sa'axattema Ñim Ita'a.

Juan 16:32

Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.

Jueces 6:30

«¡Ña 'anqatec ca 'aỹa'alec, yaqto' salauataq, cha'aye camaye nlaxaañi aso qarca'atoxonaxalate da ñatamnaqot so Baal, qataq iquesoq so na'attañi 'epaq maye lqui'i aso Aserá maye huaqta'ai' aso nca'atoxonaxalate!»