Juan 16:19 - La'aqtaqa Ñim Lo'onatac 'Enauacna 2013

¹⁹ Nache So Jesús noma da soua lapaxaguenataqa huotraique da ina't Somaye, qaq ỹoqo'oye 'enapegalo, 'eeta': –¿Qanchemaxacheetague' cam naigui som ỹa'aqtac?

Nuevo Testamento Toba Sur

¹⁹ Nachi so Jesús noma'a da huotaique da qainat, nachi 'enapega somayipi, 'eeta': –Aÿim shinapec da mashi saqaÿaloq da aÿim sa qauloÿa'a, qalaxayi saqaÿaloq qome da qaltaq aÿim qauloÿa'a. Qaq ¿nachida peta'a da qannachiitapigui qami'?

Nuevo Testamento Toba Sombrero Negro

¹⁹ Qalaĝaja Jesús joote yayaten da'me jetaque 'uo ga'me qoyenatec, qama'le enaac: —Ami ja'aĝatema da'me jo'ne cha'li cada'ac da'me ja jayem 'te auañiya, qalaĝaja ja cop'a da'me yitaĝa jayem auañiya qomle. ¿Qo'li nach'ena jo'ne auenataĝañetapec da'me ami?

Juan 16:19 Referans Kwoze

Juan 16:30

Qaq nagui mashe saỹaanaq da 'am 'auaỹaten 'enauac na lataxaguesat, qaq saishet da 'auen da huo'o ca 'am inat. Qaq ỹoqo'oye sa'amaqtenaq da 'am 'auachegoqtot Ñim Lo'onatac 'Enauacna.

Juan 16:16

Qaq mashe yaqta'a da qami' saishet da Aỹem qauloỹa'a. Qalaxaye saqaỹaloq da qaltaq Aỹem qauloỹa'a.

Juan 14:19

Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec.

Juan 13:33

Qami' ỹalqolqa, mashe saqaỹapeque da qami' saq soota'agueta. Qaq qami' qome Aỹem qanmichiitaique, qalaxaye nache 'eeta'am de'era ỹa'aqtac co'ollaq sheetega na judiopi da sheeta': Saishet da qauañoxoche da qanqo'oñiỹa cam soota'a.

Juan 7:33

Nache So Jesús 'enapeco': –Aỹem ñaq cara'acolec da qami' soota'agueta. Qaq qom ime, nache Aỹem she'eguelaxa Ñim Aỹem namaq.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Mateo 9:4

Qalaxaye So Jesús co'ollaq noma da lhuennataxac somayepi, nache 'enapega, 'eeta': «¿Ta'ainco' ye ỹataqta qauema naua qarhuennataxacolli'?

Mateo 6:8

Qaq saishet qome da qaue'enaxache namayepi, cha'aye Ñim Lo'onatac 'Enauacna maye Qarta'a, Ñimaye ỹaỹaten cam qaviñiitaique, na'aictaxa da saxanaxa da qauỹaxañiỹot.

Marcos 9:32

Qaq soua lapaxaguenataqa saishet da ỹaỹate'n de'era qaỹa'aqtaxaatapeguema, qalaxaye ñi'iỹaleguete da qaltaq denataxa'n.

Juan 6:61

Nache So Jesús 'enapeco': –¿Peta'a sa qauaỹamaxayiñi de'era?

Juan 16:18

Qataq ¿negue't ca naigui de'era 'enapec maye 'eeta': «mashe saqaỹaloq»? Qomi' saishet da saỹaanaq dam ỹa'axattac.

Juan 16:23

Qaq que'eca na'a'q qome, nache saishet da huo'o ca Aỹem inattac da qoñiita. Qaq ỹataqta 'eesa de'era qami' sa'axatema, da Ñim Ita'a qami' ỹanema 'enauac ca qauỹaxañiỹaique, souaxat da qami' ỹapaxaguenataqa.

Juan 16:26

Cha'aye mashe ime da sa iuen da qami' ñachoxoreetapegueleguete da seỹaxanot Ñim Ita'a, nachaqrata da maiche qami' qauỹaxañiỹot Ñimaye, cha'aye qami' ỹapaxaguenataqa.