Juan 15:7 - La'aqtaqa Ñim Lo'onatac 'Enauacna 2013

⁷ Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Nuevo Testamento Toba Sur

⁷ Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Nuevo Testamento Toba Sombrero Negro

⁷ “Qom nach'e eta't adaloi'ta't da'me jayem auoqochiyeguet, queda'me nach'e eta't ami uetauelo naa'me 'yaqataqa, qama'le gamachaqaega aviyaĝañiyaque ami qoyanema.

Juan 15:7 Referans Kwoze

Salmos 37:4

Ỹataqta 'auauotec Ñim Nataxala', nache Ñimaye ipacchigui qome ca qonetapeguec.

1 Juan 5:14

Qomi' huo'o da qarpi'iỹaxac Ñim Lo'onatac 'Enauacna, cha'aye saỹatenaq da qomi' hua'axaỹalo da seỹaxanaqot Ñimaye da seỹaxanaqaique ca ỹaỹamaxareeta.

Juan 14:13

Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a.

1 Juan 3:22

Nache qomi' ỹanema cam seỹaxanaqaique, cha'aye salaxasoxoguet nam lamaxasoxonaxacpi, qataq so'otaq cam ỹaỹamaxareeta Ñimaye.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Mateo 7:7

Qauỹaxañiỹot Ñim Lo'onatac 'Enauacna, qaq Ñimaye qami' ỹanema ca qauỹaxañiỹaique; qautaqỹapegue' Ñimaye, yaqto' qauanachiỹa ca qanmichiitaique; qataq qauaxañiỹa't naua qarhuaxayilli', yaqto' qami' ilo'ogueta.

Juan 16:23

Qaq que'eca na'a'q qome, nache saishet da huo'o ca Aỹem inattac da qoñiita. Qaq ỹataqta 'eesa de'era qami' sa'axatema, da Ñim Ita'a qami' ỹanema 'enauac ca qauỹaxañiỹaique, souaxat da qami' ỹapaxaguenataqa.

Gálatas 5:16

Qaq ỹoqo'oye qami' shenapegalo: Qaualaqaiguet So Saqcha'a La'añaxac Ñim Lo'onatac 'Enauacna, yaqto' saishet da qauyaqỹa'a da qauo'oche ca qauem.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Jeremías 15:16

Co'ollaq aỹem 'autaqtacot, nache aỹem seuoxoorañi naua 'ara'aqtaqa, naamaye nachenaua naua ỹo'o't da ntonaxac qataq da lamaicỹaxac añi iquiyaqte, cha'aye aỹem 'am ña'attaua'a, 'Am Nataxala' qataq Ñatamnaxala' maye Qaica ca 'Auqalanapec.

Proverbios 10:24

Cam ñe'etapeeguet ca qauemaic qaq nacheca ca naỹa'a camaye, qaq ca no'on da lataxac qalaq ipacchiguilo naua no'o'n lhuennataxaco.

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

Isaías 58:8

Qaq da qonetec de'era, nache 'eroigui aca 'arcoỹaraxanaxaqui 'eeta'am da mashe nvi' na yo'oxoñi, qataq nam 'arque'emaxapi sa qaỹaloq qome da no'oita. Dam no'on 'arataxac qalaq hua'auta'ague da 'ata'ague, qataq da ỹo'oxoyec 'am ca'attaueegue qome.

Deuteronómio 6:6

Qaq ne'ena ỹa'aqtacpi maye 'am sanem nagui, ỹataqta 'aỹa'anaigui qome da 'arquiyaqteỹaxac,

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Proverbios 4:4

so ita'a naxa da aỹem ỹapaxagueetac nache, 'eeta': «ỹataqta 'oxotoiguilo qome añi 'arquiyaqte naua ỹa'aqtaqa, qataq 'aualaxagueta naua ỹamaxasoxonaxaco yaqto' nache 'eetai' da 'anca'altauec.

Da na'aqtaguec so Job 22:26

Qaq Ñimaye, nacheñi ñi ỹo'ot da 'aramaicỹaxac qataq ishet da 'auamato'ot Ñimaye.

Juan 8:37

Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

1 Reyes 3:5

Qaq huo'o so pe, co'ollaq huaña ye Gabaón, nache Ñim Nataxala' nachaxana so Salomón, huaigui so lchoxonaxac, nache 'eeta': «Ñaq aỹem 'auỹaxanot nagui, qaq Aỹem, 'am sanem qome cam 'auỹaxanaique.»

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.