Juan 15:27 - La'aqtaqa Ñim Lo'onatac 'Enauacna 2013

²⁷ Qataq qami' nataqa'en Aỹem qaua'axache, cha'aye nache 'eetai' da Aỹem qoviita'aguet co'ollaq cheta'ague da so'onataxan.

Nuevo Testamento Toba Sur

²⁷ Qataq qami' nataq'en aÿim qau'axachi, cha'ayi nachi 'eetai' da aÿim qoviita'aguet co'ollaq chita'ague da so'onataxan.

Nuevo Testamento Toba Sombrero Negro

²⁷ Qama'le nach'e ena'am da'me naqa'ami jo'ne ami 'yaqataĝanaĝanaqa, qa'a joote jayem ovi'tajop ca'li da'me jo'ne 'uaechiñe.

Juan 15:27 Referans Kwoze

1 Juan 4:14

Qomi' ỹataqta sauanaqchigui da Ñim Nta'a namaxalec ana 'alhua So Llalec, da yaqto' nca'alaxatec 'enauac nam huetalec anamaye, qaq damaye sa'axataqtac saishet da huo'o ca sho'oqtaique.

Juan 21:24

Qaq nacheso se'eso napaxaguenatac, som ỹa'axattac 'enauac de'era, qataq maiche ỹiyiñi. Qaq qomi' saỹaanaq da ỹoqta 'eesa de'era 'enapec.

Lucas 24:48

da qami' qaua'axacheeuec 'enauac de'era qarauanaqchiqui.

Hechos 23:11

Qaq se'eso pe, nache So Qarataxala' nachaxana so Pablo, nache 'eetega, 'eeta': –Pablo, 'ana'añaxat qome, cha'aye de'era qonetec da Aỹem 'aua'axattac da huaña, na Jerusalén, qaq nataqa'en nachera qome da qonetec da Aỹem 'aua'axat, qom huaña ye Roma.

1 Pedro 5:12

Ñi Silvano maye aỹem itauaatac da ỹiyiñi ana'ana saq aloc ỹere. Ñimaye samata'ac da ỹataqta sa naralaxat da lataxac da quetague' So Cristo, qataq taiguet da qaipi'iỹa'a. Qami' samaxalo ana ỹere da qami' seqatalo qataq ỹataqta 'eesa da 'enauac nam 'onaxaic maye qami' ỹanema Ñim Lo'onatac 'Enauacna ỹachaxan Ñimaye da ỹataqta lta'araic da lauoche da qoñiita. ¡Qaq ỹoqo'oye saishet qome da qauqolliguichi da lsoxoyec Ñim Lo'onatac 'Enauacna!

1 Pedro 5:1

Sauotaique da sami' da iqataxac na lataxala'pi na 'amqaanataxanaxaicpi. Cha'aye aỹem nataqa'en aỹem nataxala' shena'am namayepi qataq sauaachigui da 'eetec da nque'eenaguec So Cristo. Nataqa'en qom ñe'eguelaq So Cristo da ỹachaxan dam qaica ca 'ena'am llo'oxoyec, nache aỹem ñeuanaua'a da llo'oxoyec Somaye. Qaq da iqataxac 'eeta':

Hechos 4:20

Cha'aye qomi' saishet da saxanaxañi da sa'axataqtac 'enauac nam sauanaqchigui qataq nam sa'axasoqchigui.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Hechos 18:5

Qaq co'ollaq nvilye' so Silas qataq so Timoteo, chegoqra'a ye 'alhua Macedonia, nache so Pablo ỹataqta nalemaqteguet da ỹa'axattac da la'aqtac Ñim Lo'onatac 'Enauacna, da ỹataqta da'aqtaxaatem na judiopi da So Jesús, Somaye nacheso So Lca'aguishec Ñim Lo'onatac 'Enauacna maye qaiuattaique.

Hechos 13:31

Nache ỹataqta huo'oi soua na'axa'te da nachaxaategalo soua lapaxaguenataqa maye ỹataqta nnaigaxau' co'ollaq chegoqchiguiña ye 'alhua Galilea, choche ivitta'a ye nỹecpi ye Jerusalén. Qaq nagui nachesoua soomaye som da'aqtaxaatapeguema na shiỹaxauapi de'era.

Hechos 4:33

Qaq soua namaxa'she ỹataqta nlaqchiguilo da lta'araic na'añaxac, qataq dapaxaguenataxaategue'c da So Jesús mashe qaltaq nca'alec. Qaq Ñim Lo'onatac 'Enauacna ỹataqta ỹauo'o da nqouagaxa 'enauac so qalota shiỹaxauapi.

Juan 19:35

Qaq som ỹa'axat de'era, somaye co'ollaxa ỹauaachigui qataq ỹataqta 'eesa de'era 'enapec. Cha'aye somaye ỹaỹateeta da ỹataqta 'eesa de'era la'aqtac, yaqto' qami' nataqa'en ishet da qaua'amqaanataxañi.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

Marcos 1:1

'Era da 'eetec da na'aqtaguec co'ollaq cheta'ague da qaỹa'axat da no'on na'axaỹaxac maye ỹa'axat da llec So Qarataxala' Jesucristo maye Llalec Ñim Lo'onatac 'Enauacna, qataq Lca'aguishec Ñimaye.