Juan 15:25 - La'aqtaqa Ñim Lo'onatac 'Enauacna 2013

²⁵ Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Nuevo Testamento Toba Sur

²⁵ Qalaxayi damayi nachi lliquiaxac qanqoÿin, yaqto' ishit da ipacchigui da n'aqtac mayi nanettañi nam nqataxacpi mayi qoÿami' co'ollaxa namayipi, mayi 'eeta': “Aÿim nquiÿa namayipi, qamaq qaica ca sasouaxat.”

Nuevo Testamento Toba Sombrero Negro

²⁵ Qalaĝaja jena'me jenjo' male 'uo nayi qaedi yepaquichiguilo naa'me nedii's jo'ne joote qoyedidiñe, da'me enaac: «Jayem niquiyata qalaĝaja ja di'yoq ga'me jayem yajouaĝatem.»

Juan 15:25 Referans Kwoze

Salmos 109:3

aỹem nquiỹa da aỹem detaqtega namayepi, qataq qaica ca sasouaxat qalaq aỹem iloquiaxaatac.

Salmos 69:4

Ỹataqta napacalec ye lcata na laue na iqaic na aỹem nquiỹatapega, ỹataqta qalota na choche aỹem npa'agueetega, nam huotaique da aỹem nlaxaañi, qaq ¿ca 'eeteco' da she'eguelaxat ca saishet da secachiỹa?

Salmos 35:19

Saishet qome da aỹem ntootalec na ñepa'aguenaxauapi, qataq saishet da naquiaxaatalec ana la'aite nam choche aỹem nquiỹatega.

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

2 Corintios 11:7

Qaq ¿negue't cam ỹasouaxashet? Ye nachaqrata da qami' sa'aqtaxanema da no'on na'axaỹaxac maye chegoqo'ot Ñim Lo'onatac 'Enauacna qataq saishet da qami' seỹaxaato'oto da aỹem qaushiichiñi. Qataq she'eguelaxa da qaica ca ỹa'amaqchec da yaqto' ishet da qami' qanauaxaỹaxaayishegue'm.

Apocalipsis 21:6

Ime qaq aỹem 'enapega, 'eeta': «¡Mashe sogote da ime! Aỹem maye Nachaỹem la'atchiguiñi qataq sepa'atec. Qaq cam ilem na laquip, nache Aỹem sanem ca 'etaxat maye npaxaatasheguem qataq chegaqaigui da nca'alaxa chochaq tatec. Qaq camaye qaca aca lasheue.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

2 Ts 3:8

qataq saishet da choche sacheguenaqtac ca aloq ñi 'oonolec da qoñiita da huo'otaq sa sesheetenaq. Nachaqrata da so'onataxanaqtac, ñasamaqtañi naua na'axa'te qataq naua pesa'ache, cha'aye sauoqtaique da saishet da huo'o ca ime'eguet da huetapegueto qomi'.

Gálatas 2:21

Qaq ỹoqo'oye saishet da semaqa'aguet da lauotaxanaqtaic Ñim Lo'onatac 'Enauacna. Cha'ayectaxa da qomi' ỹaconegueta souaxat da salaxasoxoguet nam namaxasoxonaxacpi, nache qaicactaxa ca naigui da l-leuaxa So Cristo.

Romanos 3:24

Qalaxaye Ñimaye ỹataqta lta'araic da lauotaxanaqtaic da shenaqta. Qaq ỹoqo'oye ỹapalaxat na qarasouaxashet qataq qaca naqa'en aca lasheue. Nachaqrata da chegoqchigui So Jesús da qomi' isoueeguesopa da qanhuaxanaguec maye qomi' taleguetectaxa souaxat da qaye'etaxaloxo.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Juan 10:34

Nache So Jesús 'enapega somayepi, 'eeta': –Na namaxasoxonaxacpi maye qami' qoỹanema co'ollaxa, nanettañi da la'aqtac Ñim Lo'onatac 'Enauacna maye 'eeta': «Qami' sa'axatema da qami' piguem le'ecpi.»

Salmos 7:4

¿Peta'a so'otec co'ollaxa ca qauem ca ñauochaxaua? ¿Qalqo' huetaiya' ñaqa'en ca ñepa'aguenaxaua maye qaica ca ỹasouaxat?

Juan 19:36

Cha'aye de'era qanayeuaigui, damaye yo'oq, yaqto' ishet da ipacchigui da 'enapec naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Saishet qome da huo'o ca qainoxon naua lpi'ineqa.»

Mateo 10:8

Qataq qanatayiñi nataqa'en na sa no'onpi. Qataq qanca'alaxacheeuec nam mashe ileupi. Qataq qanatayiñi nam nchega na lo'oc, qataq qauo'oyiỹauec na saqcha'a na'añaxac leguemaxaicpi maye netaigui na shiỹaxauapi. ¡Qataq saishet da qauỹaxañiỹaique aca lasheue nam qauo'oche, cha'aye de'era na'añaxac maye qauo'onataxañiitega damaye chegoqo'ot Ñim Lo'onatac 'Enauacna qataq choche qami' qoỹaatema!

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»