Juan 15:24 - La'aqtaqa Ñim Lo'onatac 'Enauacna 2013

²⁴ Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Nuevo Testamento Toba Sur

²⁴ Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Nuevo Testamento Toba Sombrero Negro

²⁴ Te'me qaya'te ta'le laviyaĝajet, ta'le ja jauo'oe naa'me jo'ne ja yaqanate't ta'le yauo'oe jogaa'me jiyaĝa'u laqaya'. Qalaĝaja da'me joote yauata jenjo' 'uo, qama'le jayem niquiyata nataq'aen niquiyata ñe'me Taĝadena'.

Juan 15:24 Referans Kwoze

Juan 14:9

Nache So Jesús 'enapego' somaye, 'eeta': –Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a?

Juan 5:36

Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Juan 10:37

Da huo'otaq saishet da so'ot dam lo'onataxanaxac Ñimaye, nache saishettaxa da Aỹem qaua'amaqchiñi.

Juan 10:32

Nache So Jesús 'enapeco': –Aỹem ỹataqta qalota na so'ot ỹaỹamaqchiguiñipi da qami' qauauañiichigui, chegoqchigui da la'añaxac Ñim Ita'a. Qaq ¿chaq negue't cam sasoilec cam huo'omshe qansheetaique da Aỹem qauasaqai?

Juan 9:32

Cha'aye ỹataqta sa ỹauano' da huo'o ca qaỹa'axaỹapeguelec da huo'otaq nauaañi naqa'en ca shiỹaxaua da huo'otaq nacteueegue' da sanauaañi.

Juan 7:31

Qalaxaye ỹataqta qalota na ỹa'amaqten Somaye. Nache namayepi 'eeta': –Ca Lca'aguishec Ñim Lo'onatac 'Enauacna qom nvi', qalaq ivira'a sa ỹañoxot da ỹo'ot na na'anecpi maye ỹo'ot de'era ỹale.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Mateo 9:33

Qaq So Jesús co'ollaq ỹo'orauec se'eso saqcha'a na'añaxac leguemaxaic, nache se'eso ỹale maye qaicaua naua la'aqtaqa ishet da detaqa. Nache so shiỹaxauapi ỹataqta huo'o da la'aalaxa. Nache 'eeta': «¡Ỹataqta sa ỹauanega da huo'o ca qaỹauaachigui da huangui na Israel le'ecpi da huo'otaq 'eeta'am de'era!»

Deuteronómio 5:9

Qataq saishet da qaua'ayiỹoto naua qarllecchilli' qataq da qavio'oxoyiñi namayepi. Cha'aye Aỹem Nataxala' maye Qanatamnaxala'ai, So'otapecna Aỹem ca'alaxanaxaic, qataq sauo'o ca nhuaxanaguec ca llalaqpi, laualpi, qataq cam llalaqpi ca laualpi que'eca nta'a maye ỹo'ottac na qauem, qataq aỹem nquiỹa.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

2 Timoteo 3:4

Namayepi saishet da qaipi'iỹa'a, cha'aye ne'ena ño'oxonnaxaicpi, namayepi saishet da deuennataxaalec da huo'o ye ỹo'ot. Qataq saishet da ỹalaxaguet Ñim Lo'onatac 'Enauacna, nachaqrata da ỹagaqchenapeguec da ỹo'ottac ca maiche 'eetapeguec.

Romanos 1:30

Qataq da detaqtega ca lỹa qalaq sa iyacnapec, qataq nquiỹa Ñim Lo'onatac 'Enauacna, sa iren ca lỹa qataq ño'oxonnaxaic, qataq ipettega da 'amaqtaqaic. Qataq nache 'eetai' da ỹo'ottac na dalaxaic lataxacpi maye qauem qataq namayepi ỹataqta sa ỹalaxaguet na lalamaxat lta'alpi.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Juan 12:45

Qataq ca Aỹem ila'a, camaye nataqa'en ila'a ñim Aỹem namaq.

Juan 6:36

Qalaxaye Aỹem mashe ime da qami' sheetegalo, da qami' saishet da Aỹem qaua'amaqchiñi, na'aictaxa da qauloitagui na so'otpi.

Lucas 24:19

Nache Somaye 'enapeco': –¿Negue'to' camaxa? Nache soomaye 'ena'apo': –Qomye dam huaigui So Jesús maye Nazaret le'ec, som la'aqtaxanaxanec Ñim Lo'onatac 'Enauacna. Se'eso ỹale qaica ca ỹaqalanapec da huo'o ye la'aqtac, qataq da huo'o ye ỹo'ot, qaq ỹataqta ỹaỹamaxareeta Somaye Ñim Lo'onatac 'Enauacna qataq 'enauac na shiỹaxauapi.

Marcos 2:12

Nache saqaỹaloq da ñesheguem se'eso ỹale qaỹauaachigui 'enauac, nache ỹacona so lmala', nache ca'ai cam qanayeuta'a. Qaq co'ollaq qaỹauaachigui de'era, nache ỹataqta qaỹo'oxoreetac Ñim Lo'onatac 'Enauacna qoỹeeta': «¡Ỹataqta saỹauano' da sauanaqchigui ca 'eeta'am de'era!»

Mateo 21:32

Cha'aye anac so Juan maye nachelaxanataxanaq da yaqto' qami' ỹapaxagueneque ca lataxac da yaqto' no'on da qarataxaqui qataq qaualaqaiguet Ñim Lo'onatac 'Enauacna, qalaq qami' saishet da qaua'amaqchiñi somaye. Qalaxaye nam ỹacootapeeguet ana nsheetenaqte ca nta'a qataq anam quisheguetaxaipi ỹa'amaqten somaye co'ollaxa. Qalaxaye qami' na'aictaxa da qauauañiichigui 'enauac de'era, qalaxaye ñaqaiyeta saishet da qanaralaxache' naua qarhuennataxacolli', nachaqrata da nache qoquiito'ot da saishet da qaua'amaqchiñi somaye.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Proverbios 8:36

Qalaxaye ca aỹem ca'ai qalaq huetalec da lchec da nachaalataxac, ¡qaq ca aỹem nquiỹa, qache ỹauotec da nleuaxa!»

Salmos 81:15

Nache na nquiỹatapega Ñim Nataxala', ỹe'eguenot taxa Ñimaye, qalaxaye chochaq tatec taxa da nhuaxanaguec namayepi.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Juan 12:10

Nache nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi detaxaỹapigui co'ollaxa nataqa'en da ỹauotaique da ỹalauat so Lázaro,

Juan 9:41

Nache So Jesús 'enapegalo' soomaye 'eeta': –Qami'ctaxa da qanauattoñeetela't da sa qanauañiiñi, nache qaicactaxa ca qarasouaxashechi. Qalaxaye qami' ye qoñiitega da qanauañiichiguiñi, qaq ỹoqo'oye Ñim Lo'onatac 'Enauacna qami' ỹasaxaleguete da qarasouaxashechi.

Juan 15:21

Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.

Juan 15:22

Na shiỹaxauapi saishettaxa da huo'o ca lasouaxashet, da huo'otaq sa ñanac da setaxaỹot. Qalaxaye namayepi nagui saishet da iqoleguet da huo'o da lasouaxashet,

Juan 15:23

cha'aye ca Aỹem nquiỹa, camaye nataqa'en nquiỹa Ñim Ita'a.