Juan 15:22 - La'aqtaqa Ñim Lo'onatac 'Enauacna 2013

²² Na shiỹaxauapi saishettaxa da huo'o ca lasouaxashet, da huo'otaq sa ñanac da setaxaỹot. Qalaxaye namayepi nagui saishet da iqoleguet da huo'o da lasouaxashet,

Nuevo Testamento Toba Sur

²² Namayipíctaxa sa ishit da huo'o ca lasouaxashit, da huo'otaq sa ñanac da setaxaÿot. Qalaxayi namayipi nagui sa ishit da ÿoqolguet da huo'o da lasouaxashit,

Nuevo Testamento Toba Sombrero Negro

²² “Jogaa'me te'me qaya'te ta'le laviyaĝajet, da'me ta'le ja ñanaequena da'me jojapegue'to. Qalaĝaja nayi qaya'te nichoĝodenataguec queda'me yajouaĝat jonaa'me mach'e loeco;

Juan 15:22 Referans Kwoze

Juan 9:41

Nache So Jesús 'enapegalo' soomaye 'eeta': –Qami'ctaxa da qanauattoñeetela't da sa qanauañiiñi, nache qaicactaxa ca qarasouaxashechi. Qalaxaye qami' ye qoñiitega da qanauañiichiguiñi, qaq ỹoqo'oye Ñim Lo'onatac 'Enauacna qami' ỹasaxaleguete da qarasouaxashechi.

Santiago 4:17

Da qami' qauaỹachiñi da qauo'oche ca ỹaỹamaqchiguiñi, qalaxaye saishet da qauo'oche, nache qami' huo'o da qarasouaxashechi.

Hechos 17:30

Qaq Ñim Lo'onatac 'Enauacna saishet co'ollaxa da iloguilo naua ne'enaxaco na shiỹaxauapi soua hua'au' vi'iye. Qalaxaye nagui Ñimaye 'enapega na shiỹaxauapi maye netaleguete naua ỹotta'a't 'aleu', da yaqto' ỹaxaare'c naua no'onataxaco.

Romanos 1:20

Cha'aye chegoqchigui nam yo'oqchigui lo'onatacpi Ñim Lo'onatac 'Enauacna da ishet da sauattonaq qataq nataqa'en ishet da selaqa'a da la'añaxac. Qaq ỹoqo'oye 'enauac na shiỹaxauapi saishet da huo'o ca nmaxa,

Juan 12:48

Qaq ca Aỹem ỹo'otan, qataq saishet da ỹo'o't naua ỹa'aqtaqa, camaye sogote da huo'o qome ñim ỹo'ot ca nhuaxanaguec. Cha'aye naua ỹa'aqtaqa maye ñasaxarec, nachenaua qome naua ỹo'o't ca nhuaxanaguec na shiỹaxauapi ca pa'atec na'a'q.

1 Pedro 2:16

Qami' huesochiyiñi cha'aye qauo'onataxañiitacot Ñim Lo'onatac 'Enauacna. Qalaxaye saishet da souaxat da qami' huesochiyiñi, nache ishet da qauo'oche ca qauem.

Romanos 2:1

Da huo'o ca 'oonolec da qoñiita da ỹauo'o ca lasouaxashet ca lỹa, nache camaye maiche ỹo'ottac nataqa'en ca lasouaxashet, cha'aye nataqa'en ỹo'ottac damaye. Qaq ỹoqo'oye camaye sa ỹaỹamaxañi da ỹauo'o ca lasouaxashet ca lỹa huo'otaq da nmittac,

Lucas 12:46

Qaq so na'aco' da ñe'eguelaq da huetoigui ca na'a'q qataq cam laloqo' da huo'otaq se'eso namaxashec saishet da huotaique, ime, qaq qaỹauo'o ca nhuaxanaguec, 'eeta'am qanqa'en da nhuaxanaguec nam namaxashecpi maye sa ỹalaq.

Ezequiel 2:5

Saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq, qalaxaye dam choche ỹaỹaten da huo'o na na'aqtaxanaxanec da netangui namayepi.

Juan 19:11

Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Juan 15:23

cha'aye ca Aỹem nquiỹa, camaye nataqa'en nquiỹa Ñim Ita'a.

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.