Juan 15:20 - La'aqtaqa Ñim Lo'onatac 'Enauacna 2013

²⁰ Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Nuevo Testamento Toba Sur

²⁰ Qaq qauennachiÿa'a qome da i'aqtac mayi qami' sanema co'ollaq shiita': “Qaica ca nlatac da huo'otaq ishit da napacalec ca n'aco'.” Qaq da huo'otaq aÿim qaicaatac co'ollaxa, qaq nataq'en da qoñiita huo'o da qancanaguiiqui. Qaq da ÿataqta qaÿalaxalec da ÿapaxaguenataxanaxac, qaq nataq'en qome ÿataqta qaÿalaxaguet da qadapaxaguenataxanaxaqui.

Nuevo Testamento Toba Sombrero Negro

²⁰ Anetoviñetac da'me jo'ne joote ami ja'aĝatema: «Qaya'te namaĝajec ta'le napacalegue joga'me lejaliaĝanec.» Qom naqayem da'me 'uo da'me ñecanaguec, qama'le nach'e ena'am ami 'uo da'me anecanaguequi, nataq'aen qom qoyoqocha'alo naa'me 'yaqataqa qama'le nach'e ena'am qoyoqocha'alo naa'me mach'e at'aqataqadi'.

Juan 15:20 Referans Kwoze

2 Timoteo 3:12

Qaq ỹataqta 'eesa da 'enauac na nshetaique da nañanot da quetague' So Cristo Jesús, nataqa'en nque'etaxangui qome da ncanaguec.

Juan 13:16

Qaq ỹataqta 'eesa de'era qami' sa'axatema, da qaica ca nlatac da napacalec da la'amaqchec ca na'aco', qataq qaica ca namaxashec da ishet da napacalec cam ỹamaqtac camaye.

Mateo 10:24

Ca napaxaguenatac saishet da napacalec da la'amaqchec ca napaxaguenaxala', nataqa'en ca namaxashec saishet da napacalec da la'amaqchec ca na'aco'.

Ezequiel 3:7

Qalaxaye na Israel le'ecpi saishet da huotaique da 'am ỹalaxaguet, cha'aye namayepi saishet da Aỹem ỹalaxaguet. 'Enauac na Israel le'ecpi qaramchigui qataq sana'axaỹaxan.

2 Corintios 4:9

Na shiỹaxauapi qomi' icaata'ape, qalaxaye Ñim Lo'onatac 'Enauacna saishet da qomi' ỹala't. Qataq na'aictaxa da souaqañi qanqa'en, qalaxaye saishet da qomi' qaỹalaua't.

1 Corintios 4:12

Ñasamaxañi souaxat na yo'oqchigui qaro'onatac. Na shiỹaxauapi qomi' isheueetaleguete, qalaq qomi' seroxoleguete naua qartaxaỹaxaco ỹaỹamaqchiyiñi. Qomi' qaicaata'ape, qalaq ña'añaxataxaguet da qancanaguec.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Lucas 6:40

Ca napaxaguenatac saishet da napacalec na ỹaỹaten ca napaxaguenaxala'. Qalaxaye da huo'otaq mashe inoxonaqchetec nam qaỹapaxaguenecpi, nache ishet da 'eeta'am cam napaxaguenaxala'.

1 Ts 2:15

Ne'ena judiopi nachena na ỹalauat co'ollaxa So Qarataxala' Jesús, 'eeta'am so hua'au lta'alpi co'ollaq ỹalauat so lalamaxat la'aqtaxanaxanecpi Ñim Lo'onatac 'Enauacna. Qataq nachena na qomi' ỹamaqrauec co'olloxocheye. Namayepi ỹataqta sa ỹaỹamaxaren nam 'eetapeguecpi Ñim Lo'onatac 'Enauacna, nachaqrata da ỹataqta dataỹa'aguet Ñimaye.

Juan 10:31

Nache na lataxala'pi na judiopi qaltaq ỹacona na coma' da huotaique da ỹasaq Somaye.

Juan 11:57

Na fariseopi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi ỹan da la'aqtac co'ollaxa da huo'otaq huo'o ca ỹaỹaten ca hueta'a So Jesús, nache ishet da ỹa'axat, da yaqto' ỹaconeua'a da qaicoñe'.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Juan 7:32

Na fariseopi co'ollaq hua'aqtapogoigui na shiỹaxauapi da 'eetega So Jesús, nache namayepi qataq nam lataxala'pi na ntaxaỹaxanaxanecpi nama'q soua huataxanaq lashe' maye ilotegueto aso no'onaxanaxaqui late'erai, da yaqto' ỹaconeua'alo Somaye da icoñe't.

Juan 5:16

Qaq ỹoqo'oye soomaye icaatrac So Jesús, souaxat Somaye da datannaxangui so na'a'q mataxaqui.

Lucas 2:34

Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.

1 Samuel 8:7

qalaxaye Ñim Nataxala' 'enapego' somaye, 'eeta': «'Auauo'o qome ca iỹaxaataique ne'ena shiỹaxauapi, cha'aye saishet da nache 'am da 'am ỹo'otan namayepi, maye nachaỹem maye aỹem ỹo'otan da yaqto' saishet da selotague'.

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Marcos 10:39

Nache soomaye 'ena'apo': –Aja', seshetaq. Nache So Jesús 'enapeco': –Ỹataqta 'eesa qome da qami' lta'araic da qanque'eenaxaqui, qoñiỹa'am Aỹem.