Juan 15:18 - La'aqtaqa Ñim Lo'onatac 'Enauacna 2013

¹⁸ Nam shiỹaxauapi maye imatalec da lqopitaxanaqtaic na huetalec ana 'alhua, da qami' nquiỹalo, nache qauaỹaañi da Aỹem maye Aỹem nquiỹatega.

Nuevo Testamento Toba Sur

¹⁸ Nam shiÿaxauapi mayi huetalec ana 'alhua da qami' nquiÿalo, qalaq qami' qauaÿajñi da aÿim mayi aÿim l'auaxanec da aÿim nquiÿa.

Nuevo Testamento Toba Sombrero Negro

¹⁸ “Qom ga'me aleua laje'pi ami niquiya'alo, qama'le auayachiñe da'me naqayem jo'ne je'uaechiñe da'me jayem niquiyata.

Juan 15:18 Referans Kwoze

1 Juan 3:13

Qami' ñauochaxauapi, saishet qome da qarhualliỹa'a da nam 'etaxaloxoicpi maye huetalec ana 'alhua da qami' nquiỹalo.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Juan 3:20

'Enauac nam ỹo'ottac na qauem, namayepi ỹataqta nquiỹa na yo'oqchiguiñi, nache namayepi netaigui na napalaxa, cha'aye nshetaique da saishet da ya'aqaleguete naua ỹo'otta'ape qauema.

Marcos 13:13

Qaq 'enauac qome na shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam qaica ca iqocha'a, choche ivitta'a ca loga't da nachaalataxac, qaq nacheca ca qanca'alaxatec.

Lucas 6:22

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

Mateo 5:11

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da sa qami' iyacna'ape qataq qami' ỹasaxaleguete naua la'aqtaqa qauema maye saq 'e'n souaxat Aỹem. ¡Ỹataqta qauamaichiguiñi! ¡Qataq qantoñiitapigui'! Cha'aye ỹataqta lta'araic qome ca qansheetenaguiiqui da piguem. Cha'aye nachera da 'eetec da ncanaguec som hua'au la'aqtaxanaxanecpi Ñim Lo'onatac 'Enauacna co'ollaq saxanaqcaua qami'.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

1 Reyes 22:8

Nache som nta'a ye Israel, ỹasateguet so Josafat, 'eeta': Aja', ñaq huo'o so lỹa, maye ishet da senataq ca 'eetec ca la'aqtac Ñim Nataxala', qaq somaye le'enaxat Micaía, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't na qauem da ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

1 Juan 3:3

'Enauac nam iuattaique qataq huo'o da lpi'iỹaxac da 'enauac ipacchigui de'era, nache ỹataqta ỹauo'o da na'añaxataxac da ỹo'ot ca ỹaỹamaqchiguiñi, 'eeta'am da 'eetec co'ollaxa So Jesús.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Mateo 24:9

Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'.

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Proverbios 29:27

Na ỹalleppi maye no'on da lataxac saisheteguet na qauemaicpi, qataq na qauemaicpi nataqa'en saisheteguet na no'on da lataxac.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Juan 16:1

Qaq qami' sa'axatema nagui de'era, yaqto' saishet da qaỹa'axañiiuec da qarpi'iỹaxaqui Aỹem.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.