Juan 15:15 - La'aqtaqa Ñim Lo'onatac 'Enauacna 2013

¹⁵ Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Nuevo Testamento Toba Sur

¹⁵ Nagui sa ishit da qami' samata'aque da qami' nlataqa, cha'ayi ca chochi nlatac sa ishit da ÿaÿaten cam i'ot ca n'aco'. Qaq nagui qami' samata'aque da qami' ñauochaxa'u, cha'ayi qami' sauattonaxanaxanque 'enauac nam l'aqtacpi ñi ita'a mayi aÿim ÿami'.

Nuevo Testamento Toba Sombrero Negro

¹⁵ Ja yitaĝa ami jiyaĝanaĝaneque da'me ami ñejoĝonaqa, qa'a ga'me ch'e nejoĝonec ja yayaten ga'me mach'e ye'tetac joga'me lejaliaĝanec. Ami jiyaĝanaĝaneque nayi da'me ami yaqaya', qa'a joote ami jayatenaĝanaĝaneque yema da'me jo'ne jayem 'yaĝatem ñe'me Taĝadena'.

Juan 15:15 Referans Kwoze

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Mateo 13:11

Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Santiago 2:23

Qaq nache ipacchigui dam 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «So Abraham ỹa'amaqten da ỹachaxanapec Ñim Lo'onatac 'Enauacna, qaq ỹoqo'oye Ñimaye ỹaỹamaxareeta somaye.» Qaq nache chegoqchigui de'era, da so Abraham ivira'a da nauochaxaua Ñim Lo'onatac 'Enauacna.

Colosenses 1:26

de'era la'aqtac maye saishet co'ollaq da huo'o ca ỹaỹaanaxanaxanec som shiỹaxauapi soua hua'au' vi'iye. Qalaxaye nagui Ñimaye ỹaỹaanaxanaxanec nam lalamaxatpi.

Apocalipsis 1:1

Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.

Efesios 3:5

De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

Efesios 1:9

da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

Gálatas 4:6

Qaq nagui da mashe qami' llalqa, nache Ñim Lo'onatac 'Enauacna qami' namaxalo So Saqcha'a La'añaxac So Llalec da yaqto' qami' hueta'agueta. Qaq ỹoqo'oye da ñeqouagaxaunaqot Ñim Lo'onatac 'Enauacna, nache So Saqcha'a La'añaxac qomi' ỹanema da seỹaxanaxa Ñimaye, shenaqta': «Ita'a, 'am ỹauotaxat ito'olec.»

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Juan 8:26

Aỹem ỹataqta qalota na ỹa'aqtacpi da sa'axat 'enauac nam qauemsat maye qauo'ocheetac. Qaq Ñim Aỹem namaq, Ñimaye ỹataqta 'eesa dam la'aqtac, qaq 'enauac nam sa'axatem nam huetalec ana 'alhua, nachena na sa'aqchigui la'aqtacpi Ñimaye.

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

1 Pedro 1:11

Co'ollaq saxanaxa da naỹa ana 'alhua So Cristo, nache So Saqcha'a La'añaxac da'aqtaxanem som la'aqtaxanaxanecpi Ñim Lo'onatac 'Enauacna dam taỹa'aguet nque'eenaxac Somaye da huaña ana 'alhua, qataq nataqa'en da'aqtaxanem 'enauac da nca'attauo lyac. Qaq som la'aqtaxanaxanecpi Ñimaye huotaique da ỹaỹaten chaq negue't que'eca Lca'aguishec Ñim Lo'onatac 'Enauacna qataq chaq lagui da naỹa ana 'alhua.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Filemón 1:16

Qaq nagui namaye saishet da 'arlatac. Chaqrata da 'ena'am ca 'arqaỹa maye ỹataqta 'arauotaxat, cha'aye qaica ca 'ena'am. Aỹem ỹataqta ỹauotaxat namaye, qalaxaye 'am qome ỹataqta ỹactec da 'arauoche namaye. Da 'arauotaxanaqtaic 'aue'enaxattem da 'arauoche nam lalamaxatpi So Qarataxala', cha'aye namaye saishet da 'ena'am ca camachaqca shiỹaxaua.

Juan 17:26

Aỹem mashe saỹaanaxanaxaneque naamaye da qoneta, qalaxaye ñaqaiyeta Aỹem ñaq shecto'ot da 'am sa'axattac, yaqto' naamaye nache queto'oto da Aỹem na'attaua'alo qataq ỹauotec na laỹepi, 'eeta'am 'am qataq Aỹem da ỹataqta ñauotaxa't.

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Juan 13:16

Qaq ỹataqta 'eesa de'era qami' sa'axatema, da qaica ca nlatac da napacalec da la'amaqchec ca na'aco', qataq qaica ca namaxashec da ishet da napacalec cam ỹamaqtac camaye.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Juan 4:19

Qaq co'ollaq hua'axaỹa de'era aso 'alo, nache 'enapeco': –'Am Nataxala', aỹem sela'a da ỹoqta 'eesa da 'am la'aqtaxanaxanec Ñim Lo'onatac 'Enauacna.

Lucas 10:23

Qaq So Jesús co'ollaq nda'ato soua lapaxaguenataqa, nache 'enapegalo, 'eeta': «Ỹataqta qauamaichiguiñi qami' maye qauloỹa'a 'enauac nam yo'oq nagui.

Proverbios 18:24

Huo'o ca auochaxaua maye ỹauecta'a da nlaguiñi ca nauochaxaua, qalaxaye huo'o ca auochaxaua maye napacalec da lauotaxanaqtaic ca nqaỹa.

Juan 16:12

Qaq Aỹem qalota na ỹa'aqtacpi da qami' sa'axatema, qalaxaye saishet da qauaỹaañi nagui.

Romanos 7:15

Qaq ỹoqta 'eesa da sa saỹaten nam so'ottacpi, souaxat da saishet da so'ot cam ỹataqta sheetapeguec. Nda'a't nam qauem maye sa saỹamaxaren da so'ot.

1 Corintios 2:16

Cha'aye nache 'ena'ape naua nanettraleguete ana nere maye huetalec na la'aqtacpi Ñim Lo'onatac 'Enauacna maye 'eeta': «¿Negue'tom ca ishet da ỹaỹaten ca lhuennataxac Ñim Nataxala'? Qaltaq ¿negue'tom ca ishet da ỹapaxaguen Ñimaye?» Qalaxaye qomi' mashe qomi' hueto'oto So Saqcha'a La'añaxac Ñimaye, qaq ỹoqo'oye da qarhuennataxac 'eeta'am da lhuennataxac So Cristo.