Juan 15:14 - La'aqtaqa Ñim Lo'onatac 'Enauacna 2013

¹⁴ Qaq qami' nacheqami' ñauochaxau', da qauo'oche dam qami' samaxaleguete.

Nuevo Testamento Toba Sur

¹⁴ Qaq qami' nachiqami' ñauochaxa'u, da qau'ochi dam qami' samaxalguete.

Nuevo Testamento Toba Sombrero Negro

¹⁴ Qama'le naqa'ami jo'ne ami yaqaya', qom a'vichi ga'me jo'ne ami jamaĝalo'te.

Juan 15:14 Referans Kwoze

Mateo 12:50

'Ena nam 'eeta'am aca ỹate'e qataq ca ỹaqaỹañicpi. Cha'aye camachaqca ca ỹalaxaguet na lamaxasoxonaxacpi ñi Ita'a maye neta'ague da piguem, qaq nacheca cam ỹaqaỹañicpi qataq ỹate'e.

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

Santiago 2:23

Qaq nache ipacchigui dam 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «So Abraham ỹa'amaqten da ỹachaxanapec Ñim Lo'onatac 'Enauacna, qaq ỹoqo'oye Ñimaye ỹaỹamaxareeta somaye.» Qaq nache chegoqchigui de'era, da so Abraham ivira'a da nauochaxaua Ñim Lo'onatac 'Enauacna.

Juan 14:21

Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Lucas 12:4

Qami' ñauochaxau' ỹaqaỹa't, saishet da qayi'iitega na shiỹaxauapi maye ishet da nqat da qanachaalataxaqui, qalaxaye saishet da huo'o ca lỹa ỹo'ot.

Juan 13:17

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Isaías 41:8

«Qalaxaye 'am Israel, maye 'am ỹamaxashec, 'am Jacob maye 'am ica'aguishec, maye 'auachegoxoguet so ñauochaxaua Abraham.

Juan 2:5

Qalaxaye asomaye 'enapega som huetapecpi, 'eeta': –Qauo'oche qome 'enauac cam 'enapec Damaye.

Juan 14:28

Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am.

2 Crónicas 20:7

'Am Qanatamnaxala', ỹauaachigui co'ollaxa 'anqa'en ne'ena 'aralamaxat nhuo' Israel le'ecpi da 'auo'orauec som shiỹaxauapi maye netalec co'ollaxa ne'ena 'alhua, nache 'aỹa'anem co'ollaxa nam chegoxoguetpi so 'anauochaxaua Abraham, da yaqto' nache 'eetai' da lalamaxat 'anqa'en.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Proverbios 18:24

Huo'o ca auochaxaua maye ỹauecta'a da nlaguiñi ca nauochaxaua, qalaxaye huo'o ca auochaxaua maye napacalec da lauotaxanaqtaic ca nqaỹa.

Éxodo 7:6

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'.

Rut 3:6

Nache aso Rut jec, tauga so nchegoxosoxonqa', nache ỹo'ot 'enauac nam ỹamaxalec aso lachoro.

1 Reyes 4:5

Qataq so Azarías, som llalec so Natán, maye lataxala' na nta'alpi, qataq so Zabud, som llalec so Natán, maye ntaxaỹaxanaxanec qataq ỹanem naxa na lqataxacpi so nta'a,

2 Reyes 18:6

Qaq somaye ỹataqta ỹalaxaguet Ñim Nataxala', qataq saishet da ca'ai Ñimaye, nacherata da ỹataqta ipacchiguilo naua lamaxasoxonaxaco Ñim Nataxala', maye ỹanema co'ollaxa so Moisés.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.

Ezequiel 12:7

Nache aỹem saỹamaxaañi so ỹogoxoshetpi nache so'ot dam aỹem ỹamaxalec Ñim Nataxala', qaq so laiñi so na'a'q nache senoxonec iỹatec som ỹogoxoshetpi, sheeta'am cam qaỹauega ca ncoñetaqa'. Qaq so avit nache so'ot so lauac so mpaqtaxanaxat, nache so mashe napalñi, nache ỹauaachigui ñaqa'en 'enauac so shiỹaxauapi da sasaxalec na ỹallac so ỹogoxoshetpi nache ashec.