Juan 15:12 - La'aqtaqa Ñim Lo'onatac 'Enauacna 2013

¹² Qaq dam ỹamaxasoxonaxac maye qami' sanema 'eeta': Ñi 'oonolec da qoñiita ỹataqta ỹauotec ca lỹa, 'eeta'am da 'eetec da ỹataqta qami' sauoteque.

Nuevo Testamento Toba Sur

¹² Qaq dam ÿamaxasoxonaxac mayi qami' sanema 'eeta': Ñi 'oonolec da qoñiita ÿataqta ÿauotec ca lÿa, 'eeta'am da 'eetec da ÿataqta qami' sauoteque.

Nuevo Testamento Toba Sombrero Negro

¹² Jenjo' mach'e yamaĝajoĝonaĝac jo'ne ami janema nayi: queda'me jalcote da'me ami joqopitalo, 'noota qom nach'e naq'aeta da'me anoqopichiyapega't da'me ami.

Juan 15:12 Referans Kwoze

1 Juan 4:21

Qaq So Jesucristo qomi' ỹanema de'era lamaxasoxonaxac, 'eeta': «¡Qauauochec Ñim Lo'onatac 'Enauacna, qataq ñi 'oonolec ỹauotec ca lqaỹa!»

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

1 Pedro 4:8

Qalaxaye ỹataqta ỹactec qanqa'eñi da qarauotaxanaqtaiqui ca qarỹai, cha'aye da nsoxoyec nachera da ỹapalaxat na nasouaxashetpi.

1 Juan 3:23

Qaq dam lamaxasoxonaxac Ñimaye qomi' 'enapegalo da sa'amaqtenaq So Llalec Jesucristo, qataq ñi 'oonolec da shenaqta ỹataqta ỹauotec ca lỹa, ipagaqchiichigui dam qomi' ỹamaxaleguete So Jesús.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

1 Pedro 3:8

Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

1 Ts 4:9

Qaq da lataxac da qanauote' ca na'amqaanataxanaxaua, sa iuen da shiyiñi, cha'aye Ñim Lo'onatac 'Enauacna mashe qami' ỹapaxagueneque da 'eetec da qaỹauotec ca nỹa.

1 Ts 3:12

Nataqa'en seỹaxanaqtacot Som Qarataxala' Jesús da qami' ỹo'oteque da qanauochiỹa't qataq nataqa'en qauauochec 'enauac na laỹepi shiỹaxauapi. 'Eeta'ama qomi' da ỹataqta qami' sauotaxaque.

2 Ts 1:3

Qami' qarqaỹa't, ỹataqta nache 'eetai' naxa da sanaqtacot da qana'achecỹaxac Ñim Lo'onatac 'Enauacna souaxat da qoñiita. Qaq damaye nache lataxac, qaq ỹoqo'oye qami' ỹataqta nquictasheguem da qarpi'iỹaxaqui Ñimaye qataq ñi 'oonolec ỹataqta nquictasheguem da lauotaxanaqtaic ñi lỹa.

Malaquías 1:2

Ñim Nataxala' 'eeta' da la'aqtac: «Aỹem qami' sauoteque.» Qalaxaye qami' qoñiỹapec naxa: «¿Ca 'eeteco' da saỹatenaq da qomi' 'auauoteque?» Nache Ñim Nataxala' ỹasat naxa 'eeta': «Aỹem qami' sauoteque, 'eeta'am da 'eetec soua nqaỹa't Esaú qataq so Jacob, qalaxaye Aỹem ỹactec da sauotec so Jacob

Juan 15:17

Qaq 'era da qami' samaxaleguete, 'eeta': Ñi 'oonolec da qoñiita ỹataqta ỹauotec ca lỹa.

2 Juan 1:5

Qaq nagui qami' seỹaxanoto da ñi 'oonolec da shenaqta ỹataqta ỹauotec ca lỹa. Qaq de'era namaxasoxonaxac saishet da dalaxaic: cha'aye nacherata dam qomi' qoỹanema co'ollaq cheta'ague da sa'amaqtenaq So Cristo.