Juan 14:9 - La'aqtaqa Ñim Lo'onatac 'Enauacna 2013

⁹ Nache So Jesús 'enapego' somaye, 'eeta': –Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a?

Nuevo Testamento Toba Sur

⁹ Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Nuevo Testamento Toba Sombrero Negro

⁹ Qama'le Jesús 'yateguet joñe'me: —Am Felipe, joote qayoĝode' jaa'me noloqo'ote da'me ami jouetauelo, qama'te ¿qo'li maliaĝa ja jayem 'te auatetoñi? Ga'me jo'ne joote jayem yateton, nach'ega joote yauana ñe'me Taĝadena'; qama'le ¿toqoch'e jayem anachoĝodeñetapecot da'me jetaque ami jaje'tema ta'le auañiya ñe'me Taĝadena'?

Juan 14:9 Referans Kwoze

Colosenses 1:15

So Cristo nacheso som Llalec Ñim Lo'onatac 'Enauacna, Somaye nache 'eetai' da huo'o co'ollaxa saxanaqca 'enauacna. Somaye nactaigui da lataxac Ñim Lo'onatac 'Enauacna maye saishet da qaila'a.

Juan 12:45

Qataq ca Aỹem ila'a, camaye nataqa'en ila'a ñim Aỹem namaq.

Juan 14:7

Qaq da qami' Aỹem qauauattoñi, nache nataqa'en qauauattoñi Ñim Ita'a. Qaq nagui mashe sogote da qauauattoñi, cha'aye mashe qauloito'ot Namaye.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Juan 10:30

Aỹem, qataq Ñim Ita'a, 'oonolec da qarataxac.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Filipenses 2:6

Cha'aye So Cristo na'aictaxa co'ollaxa da 'eeta'am da lataxac Ñim Lo'onatac 'Enauacna, qalaxaye saishet da ỹectega da 'eeta'am Ñimaye.

Juan 14:20

Nache que'eca na'a'q qami' qauaỹachiñi da Ñim Ita'a qataq Aỹem 'oonolec da qarataxac. Qataq nataqa'en qami' qataq Aỹem 'oonolec da qarataxac.

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Lucas 12:56

Qaq ¡qami' maye qoñiỹapec da qami' 'eesora! Qami' qauaỹaañi da qaua'axache na la'anaxatpi na piguem qataq ana 'alhua, qalaq ¿ta'ainco' ye saishet da qaua'axache da lataxac naua souaqtaiguilo na'axa'te nagui?

1 Corintios 15:12

Qaq 'era da no'on na'axaỹaxac maye sa'axataqtac 'eeta': Ñim Lo'onatac 'Enauacna nca'alaxatec co'ollaxa So Cristo. Qaq ¿Ta'ainco' ye huo'o da qoñiita na 'eetega da saishet da qaltaq ỹe'eguelaxalec da nca'alec na leuaxaicpi?

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Salmos 11:1

Ñim Nataxala' nacheñi Ñim ỹe'eguenaxala'. Qaq ỹoqo'oye qaica ca aỹem 'enapega, 'eeta': «'Aue, 'avi'iguena añi qasoxonaxa qoneta'am qome ca qoỹo.

Génesis 26:9

Qaq huaña nache damaxasoxoneuga so Isaac, nache 'enapego', 'eeta': «¿Qache 'arhua peta'a aramaye?, qaq ¿ta'ainco' ye qonetega 'arqaỹa?» Nache so Isaac 'enapeco': «Qomye aỹem tachigui iuel da aỹem qaỹalauat souaxat aramaye.»

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.