Juan 14:31 - La'aqtaqa Ñim Lo'onatac 'Enauacna 2013

³¹ Qalaxaye, iuen da salaxaguet Ñim Ita'a yaqto' 'enauac da qaỹaỹaten da ỹataqta sauotec Ñimaye. Nache huaña, nache So Jesús, 'enapeco': –Qoñiisheguem. Qolqa'ai ne'ena.

Nuevo Testamento Toba Sur

³¹ Qalaxayi damayi nachi lliquiaxac, yaqto' nam huetalec ana 'alhua ishit da ÿaÿaten da aÿim ÿataqta sauotec ñi ita'a, qataq da salaxaguet da so'ot ca aÿim ÿamaxalec ñimayi. Qaq qoñiishiguem qome. Qolqa'ai ne'ena.

Nuevo Testamento Toba Sombrero Negro

³¹ qalaĝaja 'noota ta'le naq'aeta da'me ja'uo, qaedi jenjo' aleua laje'pi yataqata yayate'n da'me joqopita ñe'me Taĝadena', qama'le ja'uo yema ga'me jo'ne jayem yamaĝalegue. “Nayi oñiijeguem, qolaqa'e jenjo'.”

Juan 14:31 Referans Kwoze

Juan 10:18

Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.

Filipenses 2:8

Qataq co'ollaq mashe ỹaatañi da lataxac ca shiỹaxaua, nache ỹacona da saishet da huo'o ca la'amaqchec. Qataq souaxat da ỹalaxaguet Ñim Lo'onatac 'Enauacna, nache ivitta'a da qaỹalauat, qaiuaxaneguet so npe'enaxaqui.

Juan 12:49

Cha'aye Aỹem nam ỹa'aqtaqa saishet da maiche ñallegoxottela't; cha'aye Ñim Ita'a maye Aỹem namaq, Ñimaye chegoqtot cam ỹa'aqtac qataq cam sapaxaguenataxanec.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Lucas 12:50

Qalaxaye hua'auñi qome da Aỹem saigui ca lta'araic lqalaic qataq lta'araic ca ñeque'eenaxac, choche ivitta'a da nvi' que'eca na'a'q.

Juan 15:9

Qaq da 'eetec Ñim Ita'a da ỹataqta Aỹem ỹauotec, qaq nache sheetec nataqa'en da ỹataqta qami' sauoteque. Qaq qami' qome ỹataqta qoquiitegue da 'eetec de'era ỹauotaxanaqtaic.

Salmos 40:8

Qaq aỹem ỹataqta saỹamaxareeta da so'ot ca qonetapeguec 'Am Ñatamnaxala', qataq naua 'arapaxaguenataxanaxaco ỹataqta huetaiguilo ñaqa'en añi iquiyaqte.»

Juan 18:11

Qalaxaye So Jesús 'enapego' so Pedro, 'eeta': –'Avi'eguelaxaañi na 'ainec, 'anshiiñi. Ñim Ita'a da Aỹem ipagaqaana'aguet da ñeque'eenaxac maye 'eeta'am da qanỹomigui ca deshenataxan, qaq ¿peta'a saisheto' da saigui damaxa?

Juan 12:27

Qaq nagui ỹataqta lta'araic da ñeque'eenaxac, qataq sa saỹaten ca sheetec. Qaq Aỹem huo'o da iyaxa da shenapega Ñim Ita'a da saishet da Aỹem ỹasheneguet de'era ñeque'eenaxac. Qalaxaye Aỹem saishet da sheetec de'era, cha'aye Aỹem ñanaỹa ana 'alhua da so'ot ca 'eetapeguec Ñimaye.

Mateo 26:39

Nache So Jesús taỹa ca qaỹata'a soomaye, nache ỹa'alyiñi naua l-llectel qataq iviraxata'aguet na latap na 'alhua, nache nqouagaxaunot Ñim Lo'onatac 'Enauacna, 'eeta': «'Am Ita'a, ¡ỹataqta huo'o da iyaxa da Aỹem 'antelaqna'aguet de'era que'eenaxac! Qalaxaye saishet da ipacchigui qome da maiche sheetapeguec, nachaqrata dam maiche qonetapeguec.»

Mateo 26:46

¡Qoñiisheguem qome, qolaq, mashe nvi' nam Aỹem ỹaneuo!»

Isaías 50:5

Ñim Nataxala' aỹem ỹanem da naỹaanataxanaxac qaq aỹem saishet da sataỹa'aguet qataq saishet da sa seqocha'a.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.