Juan 14:30 - La'aqtaqa Ñim Lo'onatac 'Enauacna 2013

³⁰ Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Nuevo Testamento Toba Sur

³⁰ Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

Nuevo Testamento Toba Sombrero Negro

³⁰ “Nayi male ja jalcote ta'le ami jojapegue'to, qa'a male novitequena ga'me jo'ne damaĝajoĝolegue jenjo' aleua. Te'me qaya'te ta'le lañoqotaĝanaĝac da'me jayem nejaliaĝatelegue,

Juan 14:30 Referans Kwoze

1 Juan 5:19

Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Juan 12:31

Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Efesios 6:12

Cha'aye qomi' saishet da seloquiaqtapegue' ca shenaqta'am shiỹaxaua, nachaqnata nam saq cha'api maye qauemaicpi hueto'ot na piguem, nam damaxasoxonapecpi, 'añaxaicpi maye ỹamaqpec nam huetaigui na napalaxa.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Hechos 1:3

Qaq co'ollaq ime da l-leuaxa, nache So Jesús qaltaq nachaxanalo soua lamaxa'she, qaq ivi' naua cuarenta na'axa'te da jec da nachaxanaxac. Qaq de'era nachaxanaxac ỹa'axat da Somaye ỹoqta 'eesa da nca'altauec. Nache Somaye da'aqtaxaatapeguema soomaye da lo'onataxanaxac Ñim Lo'onatac 'enauacna.

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

1 Juan 5:18

Saỹatenaq da nam llalaqpi Ñim Lo'onatac 'Enauacna saishet da ỹo'ot ca lasouaxashet, cha'aye So Jesucristo maye Llalec Ñim Lo'onatac 'Enauacna ntela'a namayepi, qaq som pa'aguenataxanaxaic saishet da ishet da huo'o ca ỹo'otec qauem namayepi.