Juan 14:27 - La'aqtaqa Ñim Lo'onatac 'Enauacna 2013

²⁷ Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Nuevo Testamento Toba Sur

²⁷ Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Nuevo Testamento Toba Sombrero Negro

²⁷ “Ami jepotajopa da'me 'nemaĝac. 'Yemaĝac ami janema nayi, qalaĝaja da'me dojo' jo'ne ja'uo nayi, ja ena'am da'me yauotedac nale jena'me aleua laje'pi. Ena'te lichiguilo naa'me adai'lidi', uotaĝa ta'le at'oyiyi.

Juan 14:27 Referans Kwoze

Filipenses 4:7

Yaqto' Ñim Lo'onatac 'Enauacna qami' ỹanema da l-lagaxayec, qaq de'era nlagaxayec damaye sa ivi' da ỹaỹaten na shiỹaxauapi maye huetalec ana 'alhua, qaq damaye npaxattalec da lquiyaqteỹaxac, qataq da lhuennataxac nam mashe lalamaxatpi So Cristo Jesús.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

2 Ts 3:16

Qaq So Qarataxala' Jesús maye chegoqo'ot da nlagaxayec, Somaye qami' ỹanema qome da l-lagaxayec 'enauaque naua na'axa'te qataq, nache 'eetai' da qami' nnaictagueto.

Colosenses 3:15

Qami' qaiỹaxanalo da qana'ayeetaua'a da 'oonolec no'ocỹaxac, dam lo'ocỹaxac So Cristo. Qauaqaita'a da nlagaxayec maye chegoqo'ot So Cristo da ilo'ogue da qarquiyaqteỹaxaqui, qataq qantoñiitapeguec.

2 Timoteo 1:7

Cha'aye So Saqcha'a La'añaxac Ñim Lo'onatac 'Enauacna saishet da qomi' colanqaiqa naqa'en. Nachaqrata da qomi' ỹanema da qara'añaxac da sauotaxac 'enauac na laỹepi shiỹaxauapi, qataq qomi' ỹa'añaqche't da yaqto' seshetaq da souaqtaigui da no'on achaalataxac maye chegoqo'ot So Cristo.

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

Números 6:26

qataq Ñim Nataxala' 'am ỹaỹamaxareeta da 'am ilota'a, qataq ỹauo'o da 'arlagaxayec›.

Romanos 8:6

Cha'aye da seuennaqtega 'enauac nam qauem maye 'eetapeguec da qarapachiỹaxac, nache ỹataqta qaỹoqtalo qome qomi' Ñim Lo'onatac 'Enauacna. Qaq da nda'a't da seuennaqtega cam 'eetapeguec So Saqcha'a Na'añaxac Qui'itta, nache qomi' taỹoto ca qarca'alaxa chochaq tatec qataq ca nlagaxayec.

Jeremías 1:8

Qaq saishet qome da huo'o ca 'aye'etega, cha'aye Aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Salmos 29:11

Ñim Nataxala' ỹanem da la'añaxac na lalamaxat nhuo' le'ecpi, qataq ỹanem da nqouagaxa na lalamaxatpi qataq lactapiguiñi naqa'en.

Romanos 5:1

Ñim Lo'onatac 'Enauacna qomi' ỹaỹamaxareete' cha'aye souaxat da huo'o da qarpi'iỹaxac Ñimaye. Qaq damaye chegoqchigui So Qarataxala' Jesucristo. Qaq ỹoqo'oye nagui huo'o da qarlagaxayec da sonaqto'ot Ñim Lo'onatac 'Enauacna.

Juan 14:1

Saishet da huo'o ca tatapigui qarvilli. Nachaqrata da qaupi'iỹa'ai Ñim Lo'onatac 'Enauacna, nataqa'en Aỹem.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Salmos 112:7

Qataq saishet da ñe'etaique ca qauem na'aqtaxanaxac, cha'aye da lquiyaqteỹaxac saishet da deraỹapigui', cha'aye pi'iỹa'a Ñim Nataxala'.

Romanos 5:10

Cha'aye co'ollaq ñaq souaqtaigui da sepa'aguenaqtac Ñim Lo'onatac 'Enauacna, nache Ñimaye ỹachegoxotchigui da l-leuaxa So Llalec da ỹauo'o da qarlagaxayec, qaq nache ỹoqta 'itchiguiñi qone' da qomi' nca'alaxatre'c nagui da So Llalec nca'altauec qaq qomi' huo'o da qarlagaxayec da sonaqto'ot Ñimaye.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Salmos 56:11

Ỹataqta sepi'iỹa'a Ñim Lo'onatac 'Enauacna qataq qaica da huo'o ca icolanaxa, cha'aye ¿negue'tom ca ishet da aỹem ỹo'otec ca choche shiỹaxauatto?

Salmos 91:5

Nache saishet qome da 'aye'etega na lcheeguesat ye pe, qataq ana checnapi maye huaỹotega't ye na'a'q,

Colosenses 1:20

Qataq nataqa'en ỹachegoxotchigui So Cristo da 'enauac nam huetalec ana 'alhua huo'o da l-lagaxayec. Qaq ỹo'ot de'era nlagaxayec, ỹachegoxotchigui naqa'en da l-leuaxa Somaye co'ollaq qaiuaxaneguet so npe'enaxaqui.

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Salmos 85:10

Da nauotaxanaqtaic qataq da 'eesa lataxac nauana't qome, da nlagaxayec qataq da nalochiguiñi lataxac qalaq napigoqtega't qome.

Salmos 56:3

Qaq naxa da huo'o de'era icolanaxa, nache ỹataqta 'am sacheto'ot da ipi'iỹaxac.

Juan 20:19

Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Lucas 1:79

Camaye nca'alaxatec nam huotaique da lo'oxonec da nleuaxa. 'Eeta'am aca ncoỹaraxanaxaqui da icoỹarelec ca napalaxa, yaqto' qomi' ỹachaxaneguelo ca nqa'aic maye hueta'ague da nlagaxayec.»

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Hechos 18:9

Qaq huo'o so pe, nache So Qarataxala' 'enapego' so Pablo co'ollaq huaigui so lo'ochaxa, 'eeta': –Saishet da 'añe'etac, nache qoqueto'ot da 'ara'aqtaxanaxac, saishet da 'anañaxaañi.

Mateo 10:26

Qaica qome ca qayi'iitega. Cha'aye qaica ca qoỹoxottañi da huo'otaq sa qaỹanata, qataq 'enauac nam saqcha'api ivira'a da qaỹaỹaten.

Isaías 55:12

Qami' qoquiỹa'ai qome yemaye qauachiitec da qaramaicỹaxaqui, qataq nache qavi'iguelaqaỹa yem qana'alhuai qauachiitec da qarlagaxayiqui. Qaq qom qami' ỹauaachiguilo ana qasoxonaxapi qataq ana lcomaraxalatepi, nache ỹataqta na'axannec da lo'onaxanaxac souaxat da ntonaxac, qataq 'enauac ana qo'oipaqpi maye huetalec na no'onaxa iuaxana't qome naua lhuaxaye.

Salmos 27:1

Ñim Nataxala', nacheñi ñi aỹem icoỹattalec qataq nacheñi ñi ica'alaxaqui, ỹoqo'oye ¿negue'tom ca she'etaique? ye Ñim Nataxala' nacheñi ñi mpaxattalec da ñachaalataxac, ỹoqo'oye ¿negue'tom ca aỹem icolanaqchet?

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Hebreos 7:2

Nache so Abraham ỹanem so Melquisedec aso ndiezmo maye ỹachegoxotaigui nam lhuotaxanaxatpi maye ỹachegoxotaigui se'eso alaataxac. Qaq de'era ne'enaxat Melquisedec, da hua'auchiguiñi naigui 'eeta': «Nta'a maye no'on da lataxac.» Qalaxaye nataqa'en da qaiỹaxana qalaq lta'a nam netaña ye nỹecpi ye Salén, qaq damaye naigui da «Lta'a da nlagaxayec.»

Juan 20:26

Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Ezequiel 2:6

'Am shiỹaxaua, saishet qome da 'añe'eỹa namayepi, qataq naua la'aqtac maye 'am ỹasaxaleguete, na'aictaxa da 'eco' 'am coleesop ana ỹaxat, huo'otaq da 'eco' qonetangui na pe'elaqtoicpi. Saishet da 'añe'eỹa nam la'aqtacpi, qataq saishet da 'am icolanaqchet da lasheguiỹaxac na'aictaxa da ỹataqta chaqaic.

Salmos 28:3

Saishet qome da aỹem 'auauecta'a da aỹem 'aualecnoigui na qauemaicpi, qataq na ỹo'ottac na qauemsat nam choche ỹachaxaatac naxa da lauotaxanaqtaic, qalaxaye choche ỹoxottañi 'enauac na qauemsat.

Daniel 4:1

Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.

Proverbios 3:25

Qataq saishet da 'aye'etega ca nque'elaxatta lchec, qataq cam ñaq naỹa'a da nlaxaañi na qauemaicpi,

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Gálatas 6:16

Qaq Ñim Lo'onatac 'Enauacna ỹami' qome da nlagaxayec nam lataxac de'era, qataq ỹachaxana da lchoxonnataxanaxa nam lalamaxatpi Ñimaye.

Lucas 10:5

Qaq da huo'o ca qaviyeeua'a nỹec, qalaq qauquiñi 'enauac ca hueta'a que'eca nỹec, qauachaxañi da qaryaqai da que'eca nỹec no'on da taỹa'ague.

Zacarías 6:13

Ñimaye qaltaq no'oxoosheguem qome añi ỹalamaqte atamnaxaqui, nache ỹaconeguet qome da llo'oxoyec da nta'a. Qataq nso'ongui qome aca nso'onaxaqui da damaxasoxon, qaq na laỹe aca nso'onaxaqui nache nso'ootaña qome ca ntaxaỹaxanaxanec, qaq caamaye nache huetraigui qome da l-lagaxayec.›

Isaías 57:19

nache ỹo'on ñaqa'en namayepi da no'onec maye, 'eeta': ‹¡Huo'o da l-lagaxayec nam hueta'a ca qaỹoqta, qataq huo'o da l-lagaxayec nam hueta'a ca saqaỹapeque! ¡Aỹem ñataren qome na ỹalamaxat nhuo' le'ecpi!›

Salmos 72:7

Qataq caua na'axa'te maye huaiguilo da lo'onataxanaxac, da nta'a ỹataqta no'on qome da lataxac, qataq chochaq huañi da nlagaxayec, choche ivitta'a da qaica so ca'agoxoic.

Colosenses 1:2

samaxasoq da qarquinaxanaxac taỹa'a na 'amqaanataxanaxaicpi maye netaña ye nỹecpi ye Colosas. Qaq Ñim Lo'onatac 'Enauacna maye Qarta'a qami' icoreleguete da lqouagaxanaqtaic qataq da nlagaxayec.

Lucas 12:4

Qami' ñauochaxau' ỹaqaỹa't, saishet da qayi'iitega na shiỹaxauapi maye ishet da nqat da qanachaalataxaqui, qalaxaye saishet da huo'o ca lỹa ỹo'ot.

Isaías 41:14

Ñim Nataxala' da la'aqtac, 'eeta': 'Am Israel, maye 'auachegoxoguet so Jacob, na'aictaxa da qaica ca 'ara'amaqchec qataq ca 'ara'añaxac, qalaxaye saishet qome da 'añe'etac, Aỹem 'am setauan qome. Aỹem, maye Aỹem Qui'itta Natamnaxala' na Israel le'ecpi, Aỹem, 'am ñeca'alaxatec.

Daniel 6:25

Qaq huaña nache so nta'a Darío, ỹauo'o so lerec da taỹa'a naqa'en na ỹotta'a't shiỹaxauapi, qataq nam ỹotta'a't naua la'aqtaqa maye netalec se'eso 'alhua, nache 'eeta': «Huo'o qome da qarlagaxayiqui, qataq qaica ca qaviñiitaique,

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Salmos 11:1

Ñim Nataxala' nacheñi Ñim ỹe'eguenaxala'. Qaq ỹoqo'oye qaica ca aỹem 'enapega, 'eeta': «'Aue, 'avi'iguena añi qasoxonaxa qoneta'am qome ca qoỹo.

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Lamentaciones 3:17

Nache aỹem ca'ai da nlagaxayec, qataq secoua'ai dam ỹaỹamaqchiguiñi.

Salmos 72:2

Yaqto' da nmit na 'aralamaxat nhuo' le'ecpi qataq na choxoraqpi, qalaq ỹo'otec da ỹaỹamaqchiguiñi qataq nalochiguiñi lataxac.

2 Crónicas 20:30

Qaq ỹoqo'oye da lo'onataxanaxac so Josafat, ỹataqta huo'o da nlagaxayec, cha'aye Ñim Lo'onatac 'Enauacna ỹanem da qaica cara somaye, qataq da nhuoteete' so shiỹaxauapi maye lauoreuapi.