Juan 14:26 - La'aqtaqa Ñim Lo'onatac 'Enauacna 2013

²⁶ Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Nuevo Testamento Toba Sur

²⁶ Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

Nuevo Testamento Toba Sombrero Negro

²⁶ qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Juan 14:26 Referans Kwoze

Juan 15:26

Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat.

Juan 14:16

Qaq Aỹem ñachoxonnot Ñim Ita'a, da yaqto' qami' namaxalo ca Saqcha'a Na'añaxac Qui'itta da qami' itaua'n, qataq nache 'eetai' da qami' hueta'agueta,

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Juan 16:7

Qalaxaye ỹataqta 'eesa de'era qami' sa'axatema, maye 'eeta': Aỹem ỹaỹamaqchiguiñi da ashec souaxat da qoñiita. Cha'aye da saishet da ashec, nache ca Saqcha'a Na'añaxac maye qami' itaua'n qataq qami' ỹa'añaqche't saishet da anac. Qalaxaye da Aỹem ashec, nache ñamaq Camaye.

1 Juan 2:20

Qalaxaye So Cristo maye Llalec Ñim Lo'onatac 'Enauacna qami' nqateeguesopa ana 'alhua, nache qami' ỹanema So Saqcha'a Na'añaxac Qui'itta, nache 'enauac da qoñiita, qauauattoñiita da 'eesa lataxac.

1 Corintios 6:19

Da qaro'ocỹaxaqui 'eeta'am aca no'onaxanaxaqui, qaq aca'aca no'onaxanaxaqui netaigui So Saqcha'a Na'añaxac Qui'itta maye qami' ỹanema Ñim Lo'onatac 'Enauacna. Qaq da qaro'ocỹaxaqui saishet da maiche qaralamaxache.

Hechos 2:33

Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.

Efesios 1:17

Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

Hechos 2:4

Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Juan 2:22

Qaq ỹoqo'oye So Jesús co'ollaq mashe qaltaq nca'alec, nache soua lapaxaguenataqa tachigui lauel de'era la'aqtac Somaye. Huaña, nache ỹataqta ỹa'amaqte'n naua nanettralec ana nere maye huetalec na la'aqtacpi Ñim Lo'onatac 'Enauacna, qataq naua la'aqtaqa So Jesús.

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Hechos 13:2

Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

1 Juan 5:7

Tres naua hueto'oto na piguem maye ỹa'axa't de'era: [Ñi Qarta'a qataq som le'enaxat Na'aqtac qataq so Saqcha'a Na'añaxac Qui'itta, qaq ne'enaua tres 'eeta'am da 'oonolec.

Tito 3:5

na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Lucas 24:49

Qaq Aỹem qome qami' ñamaxalo cam ỹachaxanapec co'olloxocheye Ñim Ita'a. Qalaxaye qami', nache qoviita'a qome na Jerusalén, nato' qom mashe qauacoñiiguet cam na'añaxac maye chegaqasheguem.

Judas 1:20

Qalaxaye qami' ñauochaxau' ỹaqaỹa't, qanquigaxachiitasheguem da qarpi'iỹaxaqui Ñim Lo'onatac 'Enauacna. Cha'aye de'era qarpi'iỹaxaqui ỹataqta 'onaxaic. Qataq da qanqouagaxauñi, qalaq qauaqaita'a So Saqcha'a Na'añaxac Qui'itta da qami' da'aqtaxanema cam iuen da qanasaqaiuec.

Hebreos 9:8

Qaq 'era da 'eetec So Saqcha'a Na'añaxac Qui'itta da qomi' ỹaỹaanaxanaxaneque, da co'ollaq ñaq huo'o se'eso npe'l, nache se'eso ñegueuo so Ndaqa' maye sa Qaishetapec saishet da qaỹashenem ca camachaqca se'eso na'a'q.

Hebreos 3:7

Qaq ỹoqo'oye iuen da qaỹo'ot da la'aqtac So Saqcha'a Na'añaxac Qui'itta maye 'eeta': «Nagui da qaua'aqaichigui ca 'enapec Ñim Lo'onatac 'Enauacna,

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

1 Corintios 12:3

Ỹoqo'oye ñeshetaique nagui da qauaỹaañita da qaica ca shiỹaxaua da ỹauectac So Saqcha'a Na'añaxac Qui'itta, nache ỹasaxaleguete naua qauema ltaxaỹaxaco So Jesús. Qataq nachaqnata nam ỹauectac So Saqcha'a Na'añaxac Qui'itta na ỹauatton da So Jesús, nacheso Som Nataxala'.

2 Pedro 1:21

cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Salmos 51:11

Saishet qome da aỹem 'auỹotec qataq saishet qome da aỹem 'anqateeguesop so ỹataqta Qui'itta Saqcha'a 'Ara'añaxac.

Romanos 15:16

qataq aỹem lca'aguishec da so'onataxanot So Jesucristo da yaqto' setauan nam saishet da judiopi. Qaq aỹem sheeta'am ca ntaxaỹaxanaxanec da sa'axatem namayepi da no'on na'axaỹaxac maye chegoqo'ot Ñim Lo'onatac 'Enauacna, qataq seroua'a Ñimaye da 'eeta'am aca nachetaqtaxanaqte maye ỹaỹamaxareeta Ñimaye, cha'aye So Saqcha'a Na'añaxac Qui'itta iỹotauga da yaqto' lalamaqte.

Lucas 1:41

Qaq aso Elisabet co'ollaq hua'axaỹa da nquinaxanaxac, nache so nogotolec maye huetaigui na lauel asomaye daỹapec da ntonaxac. Nache aso Elisabet nlaqchigui So Saqcha'a Na'añaxac Qui'itta,

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Hebreos 2:4

Ñim Lo'onatac 'Enauacna nataqa'en qomi' ỹachaxanalo de'era, ỹachegoxotchigui na qalota na'anecpi, qataq nam ỹo'otpi maye ỹo'ot da na'aalaxa qataq nam sa qaỹauanapega. Qaq co'ollaq ỹo'ot de'era, nache ỹami' So Saqcha'a Na'añaxac Qui'itta nam tatelec da ỹami'.

2 Timoteo 1:14

'Antelo'o' da no'onataxanaxac maye 'am ipataxalec Ñim Lo'onatac 'Enauacna, qaq So Saqcha'a Na'añaxac Qui'itta maye qomi' hueta'agueta 'am itauan qome.

Efesios 4:30

Qataq saishet qome da qauaquicoqchichi So Saqcha'a Na'añaxac Qui'itta maye chegoqo'ot Ñim Lo'onatac 'Enauacna. Cha'aye somaye nacheso so chegoqchigui da qami' qaỹa'a'n, da yaqto' qami' lalamaqa'ate Ñim Lo'onatac 'Enauacna, yaqto' qami' ỹataqtegueta naqa'en Ñimaye, qom ivita que'eca na'a'q qom ỹoqta ima da qami' isoueeguesopa da ñe'etaxaloxo.

Romanos 14:17

Da lo'onataxanaxac Ñim Lo'onatac 'Enauacna da ilo'ogue 'enauacna, damaye saishet da ỹectega cam qanallec qataq cam qanỹomgui. Nachaqrata da iuen da qaỹo'ot cam ỹaỹamaqchiguiñi qataq qanayeetaigui da nlagaxayec qataq tonaxac. Qaq 'enauac de'era ishet da qaỹo'ot chegoqchigui So Saqcha'a Na'añaxac Qui'itta.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Hechos 11:16

Huaña, nache aỹem seuennate co'ollaxa da la'aqtac So Qarataxala' maye 'eeta': «'Eesa so Juan da dachelaxanataxana na 'etaxat, qalaxaye da qoñiita qome qami' qanachelaxanguilo So Saqcha'a Na'añaxac Qui'itta.»

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Juan 20:22

Nache Somaye iquetetoiguilo soomaye so la'at, nache 'enapegalo, 'eeta': –Qauacoñiiguet qome na Saqcha'a Na'añaxac Qui'itta.

Juan 6:45

Naua nanettrañi la'aqtaqa som la'aqtaxanaxanecpi Ñim Lo'onatac 'Enauacna naamaye, 'eeta': «Ñim Lo'onatac 'Enauacna ỹapaxaguen 'enauac na shiỹaxauapi.» Qaq ỹoqo'oye 'enauac nam na'axaỹaxana Ñim Ita'a qataq napaxaguena Ñimaye, namayepi Aỹem naua'a da yaqto' Aỹem ca'ategue.

Marcos 13:11

Qaq qom ivita da qami' qoỹaneua'alo na lta'alpi na shiỹaxauapi da qami' nmi't, nache saishet qome da leetapigui ye qarvilỹaxaqui da qoñiitega sa qauaỹachiñi ca qartaxaỹaxaqui. Cha'aye Ñim Lo'onatac 'Enauacna qami' ỹanema qome ca qara'aqtaqui, saishet da nache qami' da qautaqai, cha'aye nacheso So Saqcha'a Na'añaxac Qui'itta so qami' detaqleguete.

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Hebreos 10:15

Qaq 'era dam ỹataqta 'eesa maye ỹa'axattac So Saqcha'a Na'añaxac Qui'itta co'ollaq 'eeta':

Juan 12:16

Qaq co'ollaq cheta'ague, nache soua lapaxaguenataqa saishet da ỹaỹate'n ca llec de'era. Qalaxaye co'ollaq qaỹata'ague de'era, co'ollaq mashe ime da ileu qataq da nca'alec So Jesús, nache cheta'ague da tachiguilo ye lauel da 'enauac nam qaỹo'otec So Jesús, mashe ỹa'axata'alo co'ollaxa naua nanettrañi la'aqtaqa Ñim Lo'onatac 'Enauacna.

Marcos 12:36

Qantooñita'ac peta'a co'ollaq da So Saqcha'a Na'añaxac Qui'itta ỹa'aqtaxanaxan so David, nache 'enapeco': ‹Ñim Lo'onatac 'Enauacna 'enapega Ñi Ỹataxala' maye Lca'aguishec, 'eeta': 'Anso'oota'ague qome da aỹoic, nato' qom mashe ñauec na 'am ipa'agueetacpi.›

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Efesios 1:13

Qataq nataqa'en da qoñiita co'ollaq choche qana'axaỹaxañiỹa da no'on na'axaỹaxac maye chegaqaigui da qarca'alaqai, huaña, nache qaua'amaqchiñi So Cristo, qataq chegoqchigui Somaye da qana'ayeeua'a nam lalamaxatpi Ñim Lo'onatac 'Enauacna, qataq qauacoñiiguet So Saqcha'a Na'añaxac Qui'itta maye qomi' ỹachaxanapeguema Ñimaye.

2 Corintios 6:6

Nataqa'en ichoxot da qomi' so'onataxanaqtacot Ñim Lo'onatac 'Enauacna souaxat da no'on qarataxac, qataq da qarauattonaxanaxac maye 'eesa qataq da qarhualaxavic, qataq da qarauotaxanaqtaic, qataq da nache 'eetai' da qomi' hueta'agueta So Saqcha'a Na'añaxac Qui'itta, qataq dam 'eesa qarsoxoyec,

Hechos 20:35

Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Hechos 15:8

Qaq Ñim Lo'onatac 'Enauacna maye maiche ỹauatton da qarhuennataxac ỹachaxanalo qomi' da nataqa'en na saishet da judiopi da ỹauotec, nache nataqa'en ỹanem So Saqcha'a Na'añaxac Qui'itta, 'eeta'ama qomi'.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Hechos 1:4

Qaq co'ollaq ñaq hueta'agueta soua lamaxa'she, nache So Jesús huaqattegalo soomaye da saishet da quera'ai ye Jerusalén, 'eeta': –Qauachiỹa'aguet qome cam ỹachaxanapec Ñim Ita'a maye qami' ỹanema, dam mashe qami' sa'aqtaxaateguema.

Hechos 1:2

choche ivitta'a so na'a'q co'ollaq taigue da piguem. Qaq Somaye co'ollaq saxanaxa da taigue da piguem, nache ỹachegoxotchigui So Saqcha'a Na'añaxac Qui'itta da ỹanema da lapaxaguenataxanaxac soua lamaxa'she maye lca'agui'she, dam iuen da ỹo'o't soomaye.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Lucas 3:22

qaq So Saqcha'a Na'añaxac Qui'itta naỹaña Somaye, 'eeta'am na qoto' ỹataqta yo'oqta. Ime, nache chemqot na piguem so na'aqtac, 'eeta': «'Am maye nache 'am ỹalamaxat Ỹalec, 'am ỹauotaxat, Aỹem ỹataqta 'am ñetootapeguec.»

Lucas 1:67

So Zacarías ỹataqta nlaqchigui So Saqcha'a Na'añaxac Qui'itta. Nache ỹan da la'aqtac, 'eeta':

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Mateo 28:19

Qaq ỹoqo'oye nagui qami' qanqo'oñiỹa qome na ỹotta'a't shiỹaxauapi 'enauac ana 'alhua da qanquigaxachiiuec na ỹapaxaguenatacpi. Qauachelaxanataxañiỹa qome da le'enaxat ñi Qarta'a, qataq na Llalec, qataq So Saqcha'a Na'añaxac Qui'itta.

Isaías 63:10

Qalaxaye namayepi sa ỹalaxaguet co'ollaxa Ñim Nataxala', qataq inogoqchet Ñim qui'itta Nataxala', qaq ỹoqo'oye Ñimaye ỹe'eguelaxa da mpa'aguene' namayepi nache delogui'.

Hechos 28:25

Qaq cha'aye saishet da 'eeta'a't somayepi, nache huo'o na jec. Nache so Pablo 'enapeco': «Ỹataqta tachigui da la'aqtaxanaxac So Saqcha'a Na'añaxac Qui'itta co'ollaq ỹachegoxotchigui so Isaías da 'enapega naqa'en so hua'au qarta'alpi, 'eeta':

Hechos 16:6

So Pablo qataq soua lỹa't huotraique da ỹa'axa't da la'aqtac Ñim Lo'onatac 'Enauacna co'ollaq huaña ye 'alhua Asia, qalaxaye So Saqcha'a Na'añaxac Qui'itta sa ỹashenema soomaye. Qaq ỹoqo'oye soomaye napactralec ye 'alhua Frigia qataq ye Galacia,

Hechos 15:28

Cha'aye So Saqcha'a Na'añaxac Qui'itta ỹaỹamaxareeta damaye, qataq qomi', da saishet da huo'o ca lỹa qami' samaxasoxoleguete, nachaqrata da iuen da qauaỹaañi de'era maye 'eeta':

Hechos 13:4

Qaq co'ollaq ime de'era, nache So Saqcha'a Na'añaxac Qui'itta ỹama'q so Bernabé qataq so Saulo, nache soomaye taregue da Seleucia. Qaq huaña yemaye, nache huenotreuo da nqo'ootra añi ỹaqa'ata 'alhuole, le'enaxat Chipre.

Hechos 7:55

Qalaxaye so Esteban, somaye ye ỹataqta nlaqchigui So Saqcha'a Na'añaxac Qui'itta, nache ỹamato'ot na piguem, nache somaye ila'a da llo'oxoyec Ñim Lo'onatac 'Enauacna, qataq ila'a So Jesús nachattañi, hueta'ague na aloic Ñimaye.

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Lucas 2:25

Qaq se'eso na'a'q hueta'a ye nỹecpi le'enaxat Jerusalén so ỹale le'enaxat Simeón. Somaye ỹataqta no'on da lataxac qataq ỹalaxaguet Ñim Lo'onatac 'Enauacna. Somaye iuattaique da Ñim Lo'onatac 'Enauacna nca'alaxatec na Israel le'ecpi. Qaq So Saqcha'a Na'añaxac Qui'itta, nache hueta'aguet somaye.

Mateo 1:18

Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Juan 1:33

Qaq aỹem ñaq saxanaxa da sauatton co'ollaxa Namaye. Qalaxaye Ñim aỹem namaq da yaqto' sachelaxanataxana na 'etaxat, Ñimaye aỹem 'enapega co'ollaxa, 'eeta': «Qom 'am 'auauaachigui So Saqcha'a Na'añaxac Qui'itta da huo'otaq anac, nache talec ca shiỹaxaua, qaq que'eca shiỹaxaua, nacheca ca dachelaxanataxana So Saqcha'a Na'añaxac Qui'itta.»

Juan 14:25

Qaq qami' sa'axatema 'enauac de'era, nagui da ñaq qami' soota'agueta.