Juan 14:24 - La'aqtaqa Ñim Lo'onatac 'Enauacna 2013

²⁴ Qaq cam saishet da Aỹem ỹauotec, camaye nataqa'en saishet da Aỹem ỹalaxaguet. Qaq de'era ỹa'aqtaxanaxac maye qana'axaỹaxañeetega, damaye saishet da ỹalamaxat; damaye chegoqo'ot Ñim Ita'a maye Aỹem namaq.

Nuevo Testamento Toba Sur

²⁴ Qaq cam sa ishit da aÿim ÿauotec, camayi sa ishit da ÿalaxaguet cam shinapec. Qaq de'eda i'aqtaxanaxac mayi qan'axaÿaxañiitega, damayi sa ishit da ÿalamaxat; damayi chigoqo'ot ñi ita'a mayi aÿim namaq.

Nuevo Testamento Toba Sombrero Negro

²⁴ Ga'me jo'ne ja jayem 'te noqopita, nach'ega jo'ne ja yoqocha'alo naa'me 'yaqataqa. Nach'ena na'me 'yaqataĝanaĝac jo'ne joote auomachiya; ja mach'e yelnataĝac, dite da'me chiyoqo'ot joñe'me Taĝadena' jo'ne jayem namaĝaquena.

Juan 14:24 Referans Kwoze

Juan 7:16

Nache So Jesús 'enapeco': –Da ỹapaxaguenataxanaxac, damaye saishet da ỹalamaxat, damaye chegoqo'ot Ñim Aỹem namaq.

Juan 14:10

Qataq ¿saisheto' peta'a da 'aua'amaqten da Ñim Ita'a qataq Aỹem da 'oonolec da qarataxac? Naua ỹa'aqtaqa maye ñasaxarec, naamaye saishet da maiche ñallegoxottela't. Aỹem nachaqrata da so'ot ca Aỹem ỹamaxalec Ñim Ita'a, qaq Ñimaye ỹo'ot ca maiche 'eetapeguec ỹachegoxotchigui Aỹem.

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Juan 5:19

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Juan 5:38

Qaq naua nanettrañi la'aqtaqa Ñimaye nataqa'en saishet da qami' taiguilo, cha'aye qami' saishet da qaua'amaqchiñi Aỹem maye Aỹem namaq Ñimaye.

Juan 8:38

Aỹem nachaqrata da sa'axatta'ape naua Aỹem ỹapaxagueneque Ñim Ita'a. Qalaxaye qami' qauo'ocheeta'ape naua lapaxaguenataxanaxaco so qarta'ai.

Juan 8:26

Aỹem ỹataqta qalota na ỹa'aqtacpi da sa'axat 'enauac nam qauemsat maye qauo'ocheetac. Qaq Ñim Aỹem namaq, Ñimaye ỹataqta 'eesa dam la'aqtac, qaq 'enauac nam sa'axatem nam huetalec ana 'alhua, nachena na sa'aqchigui la'aqtacpi Ñimaye.

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

Juan 7:28

Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.

Mateo 19:21

Nache So Jesús 'enapeco': –Da 'anshetaique da ỹataqta nalochiguiñi da 'arataxac, qaq no'on da qojec, nache 'aumen 'enauac na 'am hueto'ot, qaq aca lasheue nache 'aỹa'anem na choxoraqpi, yaqto' Ñim Lo'onatac 'Enauacna maye imattalecna 'am ỹami' ca 'araueguec. Qaq da ime, nache 'auanac da Aỹem 'auca'ategue.

Juan 3:11

Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Juan 14:25

Qaq qami' sa'axatema 'enauac de'era, nagui da ñaq qami' soota'agueta.