Juan 14:23 - La'aqtaqa Ñim Lo'onatac 'Enauacna 2013

²³ Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

Nuevo Testamento Toba Sur

²³ Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Nuevo Testamento Toba Sombrero Negro

²³ Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

Juan 14:23 Referans Kwoze

Juan 14:21

Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

1 Juan 2:24

Qaq ỹoqo'oye saishet da qaỹa'axañiiñi da qauo'ocheetac nam qami' qaỹapaxagueneque co'ollaq cheta'ague da qaua'amaqchiñi So Cristo. Da qoquiito'ot da qauo'ocheetac damaye, nache qami' nache 'eetai' da qana'ayeetaua'a Som Ñalec qataq Ñim Nta'a,

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Salmos 91:1

Ca shiỹaxaua maye huetaigui da ltelaqtaxanaxac Ñim Nataỹaña 'enauacna, nache Ñim Qaica ca Ỹaqalanapec ipelteetalec camaye.

Juan 10:30

Aỹem, qataq Ñim Ita'a, 'oonolec da qarataxac.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Juan 6:56

Ca chec da ỹo'ocỹaxac qataq ca nỹomguilo naua itago'q, nache camaye nache 'eetai' da Aỹem na'attaua'a, qaq nache 'ena'am Aỹem soota'aguet camaye.

Juan 14:17

Qataq camaye qami' ỹapaxagueneque cam ỹoqta 'eesa lataxac. Qaq nam shiỹaxauapi maye sa ỹa'amaqten Ñim Lo'onatac 'Enauacna, namayepi saishet da ỹaconeguet camaye, cha'aye saishet da ila'a, qataq saishet da ỹauatton. Qami' qalaxaye qauauattoñi, cha'aye qami' hueta'agueta, qataq camaye nache 'eetai' da qami' netaiguilo.

Génesis 1:26

Ime, nache Ñimaye 'enapeco': Nagui so'otaq ca shiỹaxaua, 'eeta'ama qomi'. Qataq huo'o da 'enec da ilo'ogue na nỹaq, maỹo, shiguiỹacpi, nlopi qataq na huauecpi, qataq nam hualectapigui'pi.

Apocalipsis 21:22

Qalaxaye saishet da huo'o aca sela'a no'onaxanaxaqui se'eso nỹecpi, cha'aye Ñim Lo'onatac 'Enauacna maye Nataxala' maye qaica ca ỹaqalanapec, Ñimaye nacheñi ñi 'eeta'am da no'onaxanaxaqui, nataqa'en Ñim Qagueta Llalec.

Génesis 11:7

Qaq no'on da senotaxauec, nache ỹotta'a't ñaqa'enaq na la'aqtacpi, yaqto' ñi 'oonolec saishet hua'axaiguet ca lỹa.»

Apocalipsis 22:3

Qaq yi'iye nỹecpi qaica da hueta'a ca sa ỹaỹamaxaren Ñim Lo'onatac 'Enauacna. Yemaye, nache hueta'a añi nso'onaxaqui Ñim Lo'onatac 'Enauacna qataq Ñim Qagueta Llalec, qaq nam lo'onataxanaxanecpi Ñimaye, nache ỹo'oxoreetac.

Salmos 90:1

'Am Nataxala', nache 'am da qomi' 'ampaxattaleguete, 'enauaque naua vi'iye.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

Juan 14:24

Qaq cam saishet da Aỹem ỹauotec, camaye nataqa'en saishet da Aỹem ỹalaxaguet. Qaq de'era ỹa'aqtaxanaxac maye qana'axaỹaxañeetega, damaye saishet da ỹalamaxat; damaye chegoqo'ot Ñim Ita'a maye Aỹem namaq.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Juan 16:27

Ñimaye qami' ỹauoteque, souaxat da Aỹem qauauochec, qataq qaua'amaqchiñi Ñim Ita'a maye Aỹem namaq.

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

1 Juan 2:5

Qalaxaye cam ỹo'ot ca damaxasoxoolec Ñim Lo'onatac 'Enauacna, qaq nacheca ca ỹaỹaten da lauotaxanaqtaic, 'eeta'am da lauotaxanaqtaic Ñim Lo'onatac 'Enauacna qataq ỹataqta ỹaỹateeta da nauochaxaua Ñimaye.

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

2 Juan 1:6

Ca ỹoqta 'eesa da lauotaxanaqtaic, nache nataqa'en ỹalaxaguet na lamaxasoxonaxacpi Ñim Lo'onatac 'Enauacna. Qaq qami' ye nache 'eetai' da qauaỹachiñi yem chegoqchiguiña de'era, da Ñim Lo'onatac 'Enauacna qomi' ỹamaxaleguete da nache 'eetai' da sauotaxac na qaraỹepi.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.