Juan 14:21 - La'aqtaqa Ñim Lo'onatac 'Enauacna 2013

²¹ Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Nuevo Testamento Toba Sur

²¹ Qaq ca ÿaÿateeteguet qataq ÿalaxaguet na ÿamaxasoxonaxacpi, camayi yi'oq da ÿataqta 'eesa da aÿim ÿauotec. Qaq ñim ita'a ÿataqta ÿauotec cam aÿim ÿauotec, qaq aÿim nataq'en ÿataqta sauotec camayi, qataq ñachaxana.

Nuevo Testamento Toba Sombrero Negro

²¹ Joga'me jo'ne yaconegueta daa'me yamaĝajoĝonaĝaco nataq'aen da'me yoqo'chalo, qama'le nach'ega yaloĝon da'me yataqachiñe eja jayem noqopita. Qama'le ñe'me Taĝadena' noqopita ga'me jo'ne jayem noqopita, qama'le nach'e ena'am da'me jayem joqopita joga'me nataq'aen da'me ñaloĝoneguet.”

Juan 14:21 Referans Kwoze

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

1 Juan 2:5

Qalaxaye cam ỹo'ot ca damaxasoxoolec Ñim Lo'onatac 'Enauacna, qaq nacheca ca ỹaỹaten da lauotaxanaqtaic, 'eeta'am da lauotaxanaqtaic Ñim Lo'onatac 'Enauacna qataq ỹataqta ỹaỹateeta da nauochaxaua Ñimaye.

2 Juan 1:6

Ca ỹoqta 'eesa da lauotaxanaqtaic, nache nataqa'en ỹalaxaguet na lamaxasoxonaxacpi Ñim Lo'onatac 'Enauacna. Qaq qami' ye nache 'eetai' da qauaỹachiñi yem chegoqchiguiña de'era, da Ñim Lo'onatac 'Enauacna qomi' ỹamaxaleguete da nache 'eetai' da sauotaxac na qaraỹepi.

Deuteronómio 11:13

Ỹoqo'oye da qaupaquiichiguilo naua namaxasoxonaxaco maye qami' sanema nagui, qataq da qauauochec Ñim Nataxala' maye Qanatamnaxala'ai, qataq ỹataqta qaumachiỹo'ot da qarquiyaqteỹaxaqui qataq da qanachaalataxaqui,

Juan 16:27

Ñimaye qami' ỹauoteque, souaxat da Aỹem qauauochec, qataq qaua'amaqchiñi Ñim Ita'a maye Aỹem namaq.

Lucas 11:28

Qalaxaye So Jesús 'enapeco': –¡Ỹactec da machiguiñi na shiỹaxauapi maye na'axaỹaxaatega da la'aqtac Ñim Lo'onatac 'Enauacna qataq ỹalaxaguet!

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Salmos 35:27

Qalaxaye machiguiñi qome qataq ỹa'alaqtai' da ntonaxac nam ỹayeeta'a da aỹem ỹauaachigui da soxonaxan, qataq ỹe'eguelaxattalec da 'eeta': «¡Ñim Nataxala' ỹataqta 'amaqtaqaic, qataq ỹaỹamaxareeta da l-lagaxayec ne'ena lamaxashec!»

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

2 Ts 2:16

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto,

Jeremías 31:31

Ñim Nataxala', 'enapec: «Anacta ca na'a'q maye huaigui da so'ot ca dalaxaic ñaỹamaxataxac da ñaỹamaxate' na Israel qataq na Judá.

Juan 16:14

Nataqa'en qami' ỹaỹaanaxanaxaneque 'enauac da sheeta, cha'aye Aỹem ỹo'oxoreetac.

Juan 14:18

Aỹem saishet da qami' sala't; Aỹem ñe'eguelaq qome da yaqto' qami' soota'agueta.

2 Timoteo 4:22

Qaq So Qarataxala' Jesucristo 'am hueta'aguet qome, qataq Ñim Lo'onatac 'Enauacna qami' ỹaaleguete qome da lta'araic lqouagaxanaqtaic. Aja', nache 'eetec de'era.

Hechos 22:18

Aỹem sela'a So Qarataxala', nache aỹem 'eetega, 'eeta': «Sa 'anaỹaloxon qome da qoca'ai na Jerusalén, cha'aye saishet da qaỹaconeguet da 'ara'aqtaxanaxac da Aỹem 'aua'axattac.»

2 Corintios 12:8

Qaq ỹoqo'oye tres da she'eguelaxalec da seỹaxanot Ñim Lo'onatac 'Enauacna da yaqto' nqat de'era ñeque'eenaxac.

Éxodo 33:18

Nache so Moisés nachoxonnot Ñim Lo'onatac 'Enauacna, 'eeta': «¡Aỹem 'auachaxana da 'ayo'oxoyec!»

Deuteronómio 7:13

Nache Ñimaye ỹataqta qami' ỹauoteque, qami' ichoxore'n, qataq nquictauec naqa'en na qaỹa'alquipi. Qataq ỹanem da lchoxonnataxanaxa ca qaỹa'alquipi qataq ca qana'alhuai no'on naqa'en da 'alaỹaxac ca qorañiguishequi, qataq ca 'atetpi, huaca qataq aca qagueta da huaña yi'iye 'alhua maye ỹachaxanapeguem co'ollaxa da ỹanem so hua'au qarta'ailpi.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

2 Reyes 18:6

Qaq somaye ỹataqta ỹalaxaguet Ñim Nataxala', qataq saishet da ca'ai Ñimaye, nacherata da ỹataqta ipacchiguilo naua lamaxasoxonaxaco Ñim Nataxala', maye ỹanema co'ollaxa so Moisés.