Juan 14:16 - La'aqtaqa Ñim Lo'onatac 'Enauacna 2013

¹⁶ Qaq Aỹem ñachoxonnot Ñim Ita'a, da yaqto' qami' namaxalo ca Saqcha'a Na'añaxac Qui'itta da qami' itaua'n, qataq nache 'eetai' da qami' hueta'agueta,

Nuevo Testamento Toba Sur

¹⁶ Nachi aÿim ñachoxonnot ñi ita'a, da yaqto' qami' namaxalo cam lÿa mayi qami' itaua'n qataq qami' i'añaqchi't, yaqto' camayi nachi 'eetai' da qami' hueta'agueta,

Nuevo Testamento Toba Sombrero Negro

¹⁶ Qama'le jajelaĝanot ñe'me Taĝadena' qaedi namaĝaquena ga'me laqaya jo'ne necochaĝaua, qaedi nach'e eta't ami uetauelo.

Juan 14:16 Referans Kwoze

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Juan 15:26

Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat.

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Romanos 14:17

Da lo'onataxanaxac Ñim Lo'onatac 'Enauacna da ilo'ogue 'enauacna, damaye saishet da ỹectega cam qanallec qataq cam qanỹomgui. Nachaqrata da iuen da qaỹo'ot cam ỹaỹamaqchiguiñi qataq qanayeetaigui da nlagaxayec qataq tonaxac. Qaq 'enauac de'era ishet da qaỹo'ot chegoqchigui So Saqcha'a Na'añaxac Qui'itta.

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Filipenses 2:1

Aỹem saỹateeta da So Cristo qami' ỹanema da na'añaxac da yaqto' qaua'añaqchichi na qaraỹepi. De'era qarsoxoyiqui maye qami' hueto'oto, damaye qami' ỹauegalo da ishet da qaua'añaqchichi ca qarỹai, qataq saỹaten da 'enauac da qoñiita qami' hueto'oto So Saqcha'a Na'añaxac, ỹoqo'oye qami' choxonnataxanaxaiqa.

Hechos 13:52

Qalaxaye nam da'amqaanataxanpi maye no'onaña ye nỹecpi ye Antioquía ỹataqta huo'o da ntonaxac qataq nlaqchigui So Saqcha'a Na'añaxac Qui'itta.

Juan 17:15

Qaq Aỹem saishet da 'am seỹaxaatacot da yaqto' 'anqateeguesop naamaye ana 'alhua, nachaqrata da 'anpaxattaleguete qataq saishet da 'auasheneguet so pa'aguenataxanaxaic.

Juan 14:18

Aỹem saishet da qami' sala't; Aỹem ñe'eguelaq qome da yaqto' qami' soota'agueta.

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

Romanos 8:34

Qataq ¿ishet peta'a da huo'o ca ỹañoxot da ỹauo'o ca nhuaxanaguec? ¡'A'i, qaica, cha'aye So Jesucristo mashe ileualec namayepi! Qataq huo'o da lỹa, So Jesucristo nca'aleeguesop da nleuaxa, qaq nagui neta'ague na aloic Ñim Lo'onatac 'Enauacna, nache nachoxoreetapeguelec da shenaqta.

Juan 14:14

Nache Aỹem so'ot 'enauac cam qauỹaxañiỹaique da qoviilec da ỹe'enaxat.

Juan 17:20

Qaq saishet da nachaqnauate' naamaye da ñachoxoreetapegueleguete, nataqa'en cam Aỹem ỹa'amaqtenpi qome, qom hua'axaỹa ca la'aqtaxanaxa'c naamaye.

Juan 16:22

Qaq nache 'eetec nataqa'en da qoñiita nagui huo'o da qarachetataiqui, qalaxaye Aỹem qami' ñe'eguelaxalo qome, nache da qarquiyaqteỹaxaqui ỹataqta nlaqchigui da qantonaxaqui, qaq que'eca qantonaxaqui saishet da huo'o ca nqat.

2 Ts 2:16

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto,

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Hechos 1:4

Qaq co'ollaq ñaq hueta'agueta soua lamaxa'she, nache So Jesús huaqattegalo soomaye da saishet da quera'ai ye Jerusalén, 'eeta': –Qauachiỹa'aguet qome cam ỹachaxanapec Ñim Ita'a maye qami' ỹanema, dam mashe qami' sa'aqtaxaateguema.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

2 Juan 1:2

dam qomi' ỹaueegueta da qarauotaxanaqtaic.