Juan 14:12 - La'aqtaqa Ñim Lo'onatac 'Enauacna 2013

¹² Qaq ỹataqta 'eesa de'era qami' sa'aqtaxanema, da ca Aỹem ỹa'amaqten, nache camaye ishet nataqa'en da ỹo'ot nam so'otpi, qaq cha'aye Aỹem nagui saỹa ye netaña Ñim Ita'a, nache qami' ishet da ỹactec ca qauo'oche, napacalec nam so'otpi.

Nuevo Testamento Toba Sur

¹² Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

Nuevo Testamento Toba Sombrero Negro

¹² Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Juan 14:12 Referans Kwoze

Mateo 21:21

Nache So Jesús 'enapeco': –Ỹataqta 'eesa de'era qami' sa'axatema, da ỹoqta 'eesa da huo'o ca qarpi'iỹaxaqui qataq saishet da qauqolliguichi da la'añaxac Ñim Lo'onatac 'Enauacna, nache 'enauac cam qauỹaxañiỹaique da qauoita'a da qanqouagaxaunaxaqui, nache ishet da huo'o. Nataqa'en ishet da ivira'a da qauo'oche dam so'otec ara higo lcheyec, qataq ishet da ỹactec ca qauo'oche da huo'otaq qoñiỹapega ana qaỹoqotcheguemec 'alhua da, qoñiita': «Qoca'ai ne'ena qonetaña, ime, qaq 'angui aso auaxai», qaq de'era qara'aqtaqui ỹataqta ipacchigui.

Marcos 16:17

Qaq nam Aỹem pi'iỹa'a qataq do'onataxana da ỹe'enaxat, nache ishet da huo'o ca ỹo'ot na'anec maye sa qaỹauanapega, cam ỹo'ot da na'aalaxa: Ishet da ỹo'orauec na saqcha'a na'añaxac leguemaxaicpi, qataq ishet da da'aqtaxanguilo naua dalaxaiqa na'aqtaqa qataq sa qaỹauanapegalo,

Hechos 16:18

Qaq ỹataqta huo'oi soua na'axa'te da nache 'eeta'ac de'era. Qaq choche ivitta'a da ỹataqta sa ỹaỹamaxaren so Pablo. Nache somaye ỹe'eguelaxaguet asomaye, nache 'enapego' som saqcha'a na'añaxac leguemaxaic maye netaigui asomaye, 'eeta': –'Am serolec da le'enaxat So Jesucristo da qoca'ai ana'ana qa'añole. Nache som saqcha'a na'añaxac ca'ai asomaye.

Hechos 9:34

Nache so Pedro 'enapego' somaye, 'eeta': –Eneas, 'am nataren So Jesucristo, qoñisheguem, nache 'anana't na 'aracanec. Nache so Eneas ñesheguem.

Hechos 19:12

ivira'a da huo'otaq qairoua'a somaye ca camachaqca, copaxa huo'otaq ca lỹa nogoxot da ipoteua'a qanqa'en somaye. Qaq da ime, nache qalapaxalec ca sa no'on, nache ishet da no'oita, qataq ỹo'orauec na saqcha'a na'añaxac leguemaxaicpi.

Hechos 9:40

Qaq co'ollaq ime, nache so Pedro ipa'axanec 'enauac somayepi, nache ỹa'alyiñi naua l-llectel da nqouagaxaunot Ñim Qarataxala'. Qaq co'ollaq ime, nache ỹamatalec asom leuaxai, nache 'enapega, 'eeta': –Tabitá, qoñisheguem. Nache asomaye nlouec. Qaq co'ollaq ila'a so Pedro, nache ñesheguem, nache nso'ooñi.

Hechos 8:7

Cha'aye qalota na shiỹaxauapi maye nqo'oneua'a somaye, huo'o na netaigui saqcha'a na'añaxac leguemaxaic, nache so Felipe ỹo'orauec, nache ne'ena saqcha'a na'añaxac leguemaxaic huenoxonec, ỹa'alaqtagui. Nache nataqa'en qalota na nataren nam ñi'iỹauo na lche lỹa qataq nam sa da'añiigue, nache namayepi ỹe'eguelaxalec da queuoỹapigui'.

Hechos 5:15

Qaq ỹoqo'oye ivira'a da qanqatec na dalolaxaicpi, qaỹachetaleguete naua lmala'ate da qairougalo na nqa'aico, yaqto' da huo'o ca nateuga so Pedro. Nache na'aictaxa da huo'otaq choche lpaqal ca taalec ca 'oonolec namayepi, nache no'oita.

Hechos 2:41

Huaña, nache nam ỹalaxaguet da la'aqtaxanaxac so Pedro, nache qanachelaxan. Nache se'eso na'a'q nquiguec nam ỹa'amaqten So Jesús, qaq ivi' ye tres mil so shiỹaxauapi maye ỹa'amaqten da la'aqtaxanaxac somaye.

Hechos 4:4

Qalaxaye ỹataqta qalota na shiỹaxauapi nam na'axaỹaxaatega se'eso na'aqtaxanaxac na da'amqaanataxan. Qaq yem lcata so dalaxaic da'amqaanataxan ivi' ye cinco mil shiỹaxauapi.

Juan 16:7

Qalaxaye ỹataqta 'eesa de'era qami' sa'axatema, maye 'eeta': Aỹem ỹaỹamaqchiguiñi da ashec souaxat da qoñiita. Cha'aye da saishet da ashec, nache ca Saqcha'a Na'añaxac maye qami' itaua'n qataq qami' ỹa'añaqche't saishet da anac. Qalaxaye da Aỹem ashec, nache ñamaq Camaye.

Hechos 2:33

Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Juan 7:33

Nache So Jesús 'enapeco': –Aỹem ñaq cara'acolec da qami' soota'agueta. Qaq qom ime, nache Aỹem she'eguelaxa Ñim Aỹem namaq.

Romanos 15:19

Chegoqchigui da la'añaxac So Saqcha'a Na'añaxac Qui'itta da qalota na so'ot nam sa qaỹauanapegapi qataq nam ỹo'ot da na'aalaxa, qataq sevirapeguec da sa'axattac da no'on na'axaỹaxac, sachegoqchiguiña ye Jerusalén qataq choche sevitta'a ye Iliria.

Hechos 6:7

Nache da la'aqtac Ñim Lo'onatac 'Enauacna ỹataqta nquictasheguem. Qataq ye lcata na da'amqaanataxan ye Jerusalén ỹataqta nquictauec, ivira'a da qalota na ỹa'amaqten So Jesús nam ntaxaỹaxanaxanecpi da qaitaxaỹapegue' Ñim Lo'onatac 'Enauacna maye judiopi.

Hechos 4:16

Nache somayepi 'enapeco': –¿Ca 'eetec ca shenaqteque de'eraua ỹale't? Cha'aye daamaye sa seshetaq da sauoqo'o ca lasouaxashe't da shenaqtega da tenataxanaxaiqa, cha'aye de'era ỹo'ote'c se'eso ỹale ỹataqta sa qaỹauanapega, qataq 'enauac na hueta'a na Jerusalén ỹaỹaten de'era.

Juan 14:28

Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am.

Hechos 10:46

Cha'aye souaxat da hua'aqtrega namayepi da detaqtegoiguilo naua na'aqtaqa maye sa qaỹauanapegalo qataq ỹo'oxoreetac Ñim Lo'onatac 'Enauacna.

Hechos 4:33

Qaq soua namaxa'she ỹataqta nlaqchiguilo da lta'araic na'añaxac, qataq dapaxaguenataxaategue'c da So Jesús mashe qaltaq nca'alec. Qaq Ñim Lo'onatac 'Enauacna ỹataqta ỹauo'o da nqouagaxa 'enauac so qalota shiỹaxauapi.

Marcos 11:13

nache ñaq qaỹoqta co'ollaxa aso higo lcheyec, nache ilota'a, cha'aye ỹataqta ỹaguec ana lauepi asomaye. Qalaxaye co'ollaq maye ivirot, nache qaca aca ỹanata ala da yaqto' chec, cha'aye asomaye nda'a't ana laue, qataq saxanaxa da ivita ye laloxoqui da huo'o ana ala.

Juan 4:37

Cha'aye ỹataqta 'eesa de'era 'enapec da na'aqtac naxa maye 'eeta': «Huo'o cam danaxaatac, qataq huo'o ca deqataxaatac.»

Juan 5:20

Ñimaye ỹataqta Aỹem ỹauotec, ỹoqo'oye Aỹem ỹachaxana nam ỹo'otpi. Qataq Aỹem ỹachaxana na lta'araic ỹo'otpi, nam qami' ỹo'oteque da lta'araic da qara'aalaqai.