Juan 13:38 - La'aqtaqa Ñim Lo'onatac 'Enauacna 2013

³⁸ Nache So Jesús 'enapego' somaye, 'eeta': –¿Ỹoqta 'eesa peta'a da 'am lhuotta da Aỹem 'aỹa'aalec da 'anachaalataxac? Qalaxaye Aỹem ỹoqta 'eesa de'era 'am sa'aqtaxanem nagui, da qom yaqta'a da nỹen ca 'olgaxa, qaq mashe sogote da ivi' tres da 'avi'eguelaxalec da qonetega Aỹem sa 'auauatton.

Nuevo Testamento Toba Sur

³⁸ Nachi so Jesús 'enapego' somayi, 'eeta': –¿Ÿoqta 'eesa peta'a da 'am ishit da aÿim 'ai'aalec da 'anachaalataxac? Ÿoqta 'eesa de'eda 'am sa'axatem nagui, da qom yaqta'a da noÿin ca 'olgaxa, qaq mashi sogote qome da ivi' tres da 'avi'iguelaxalec da qonetega aÿim sa 'auauatton.

Nuevo Testamento Toba Sombrero Negro

³⁸ Jesús yitaĝa 'yateguet: —¿Qo'li yataqata am eja da'me jetaque auanegue da'me at'oyaĝac qaedi jayem oquegue? Qalaĝaja qom taya'a da'me noyen ñe'me olegaĝa, qama'le joote yovida'alo qomle tres da'me a'viyelaĝalegue da'me jayem anemanec, da'me aueetapega ja jayem 'te auateton.

Juan 13:38 Referans Kwoze

Lucas 22:34

Qalaxaye So Jesús 'enapego' somaye, 'eeta': –Pedro, nagui 'am sa'aqtaxanem da ne'ena pe qom yaqta'a da nỹen ca 'olgaxa, nache 'am mashe tres qome da 'avi'eguelaxalec da 'anqoleguet da qonetega Aỹem sa 'auauatton.

Mateo 26:34

Nache So Jesús 'enapeco': –Pedro, 'am saishet da 'eesa de'era 'ara'aqtac; cha'aye qom yaqta'a da nỹen ca 'olgaxa, qaq mashe tres qome da 'avi'eguelaxalec da qonetega Aỹem sa 'auauatton.

Marcos 14:30

Nache So Jesús ỹasategueto' somaye, 'eeta': –Pedro, 'am saishet da 'eesa de'era 'ara'aqtac; cha'aye qom yaqta'a da qaltaq ỹe'eguelaxalec da nỹen ca 'olgaxa, nache 'am mashe tres qome da 'avi'eguelaxalec da qonetega Aỹem sa 'auauatton.

Proverbios 16:18

Da 'amqaanaxac, nca'atalec da nlaguiñi naqa'en ca qaỹo'ot, qataq da ime da pagaqaanaxac nache qataq anac da que'eenaxac.

1 Corintios 10:12

Qaq ỹoqo'oye qaica qome ca 'eetega da qaica ca lasouaxashet, cha'aye saiuena'a da nacheca ca la'auaxanec da huo'o ca lasouaxashet.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Proverbios 28:26

Qataq ca pe'etegalo naua maiche lhuennataxaco camaye qaica ca ỹaỹaanapec, qaq ca ỹaỹamaqchiyiñi naua laỹaanataxanaxaco qalaq huo'o da lca'alaxa.

Lucas 22:33

Nache so Simón 'enapeco': –'Am Ỹataxala', aỹem qaica ca shega da 'am iỹateuo aca ncoñetaxanaxaqui, ivitta'a da 'am seleetañi'.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Juan 16:31

Nache So Jesús 'enapeco': –Qaq ¿'eesa peta'a da qami' qaua'amqaanataxañi nagui?

Hechos 11:10

Qaq se'eso na'aqtac tres da ỹe'eguelaxalec da aỹem 'enapega. Huaña, nache Ñim Lo'onatac 'Enauacna 'enauac ỹe'egueloqot naqa'en na piguem.