Juan 13:33 - La'aqtaqa Ñim Lo'onatac 'Enauacna 2013

³³ Qami' ỹalqolqa, mashe saqaỹapeque da qami' saq soota'agueta. Qaq qami' qome Aỹem qanmichiitaique, qalaxaye nache 'eeta'am de'era ỹa'aqtac co'ollaq sheetega na judiopi da sheeta': Saishet da qauañoxoche da qanqo'oñiỹa cam soota'a.

Nuevo Testamento Toba Sur

³³ Qami' ÿalqolqa, mashi sa ishit da loigui da qami' soota'agueta. Qaq qami' qome aÿim qanmichiitaique, qalaxayi nachi 'eeta'am de'eda i'aqtac co'ollaq shiitega na judiopi da shiita': Sa ishit qome da qauañoxochi da qanqo'oñiÿa cam saÿa.

Nuevo Testamento Toba Sombrero Negro

³³ “Ami yaqaya'olqa, cha'li cada'ac da'me maliaĝa ami jouetauelo. Qama'le yataqata jayem aueloyaque qomle, qalaĝaja nach'ena jenjo' 'yaqatac jo'ne janema gaa'me judiopi lajoĝola'te ca'li, nach'e ena'am da'me ami janema nayi: ja auaqanachichi ta'le auec'achiya joga'me jajoyi.

Juan 13:33 Referans Kwoze

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

Juan 14:19

Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec.

1 Juan 5:21

Maxatchaxa qome qami' ỹalqolqa, saishet da qaualaiguet nam qoỹeetega chegaqasheguempi maye 'añaxaicpi, qalaxaye saq 'en.

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

Gálatas 4:19

Aỹem ỹataqta qami' sauoteque, qalaxaye da saxanaxa da qoñiỹa'am So Cristo, nache qauo'ocheetac da ñequi'ic, 'eeta'am da nqui'ic aca 'alo da huotaique da deco'o.

Juan 7:36

¿Chaq negue't cam naigui de'era la'aqtac quiye maye 'eeta': «Aỹem qanmichiitaique qome, qalaxaye saishet da Aỹem qauanachiỹa, cha'aye saishet da qauañoxoche da qaviyiỹa'a cam soota'a?»

Juan 13:36

Nache so Simón Pedro inat So Jesús, 'eeta': –'Am Ỹataxala', ¿chaq hua'ague ca 'aigue? Nache So Jesús 'enapeco': –Cam saigue nagui, 'am saishet da 'auañoxot da 'aigue. Qalaxaye qom mashe lcopa'a, nache 'am ishet da Aỹem qoquegue.

Juan 14:2

Cha'aye ye lma' Ñim Ita'a ỹataqta qalota ye ndaqa'pi. Qaq da saishet da 'eetec taxa de'era, nache saishettaxa da qami' sa'aqtaxanema da sheeta', ashec da seqataxanai' ca qarmaye.