Juan 13:23 - La'aqtaqa Ñim Lo'onatac 'Enauacna 2013

²³ Qaq huo'o so 'oonolec soua lapaxaguenataqa So Jesús, som ỹataqta nauochaxaua, qaq somaye nache netaua'a na laỹe da lquia'axaua.

Nuevo Testamento Toba Sur

²³ Qaq huo'o so 'oonolec som lapaxaguenatacpi so Jesús, som ÿataqta nauochaxaua, qaq somayi nachi netau'a na laÿi da lqui'axaua.

Nuevo Testamento Toba Sombrero Negro

²³ Joñe'me napaĝaguenatac jo'ne Jesús yataqata noqopita, nach'eñe ne'tajop joñe'me Jesús da'me deque'tape joca'li,

Juan 13:23 Referans Kwoze

Juan 19:26

Nache So Jesús co'ollaq ila'a aso late'e da nachattañi, huaqta'ai' som lapaxaguenatac maye ỹataqta lauotaxat, nache 'enapego' aso late'e, 'eeta': –'Am 'alo, 'era qome da 'aỹa'alec.

Juan 21:20

Qaq co'ollaq namatapec so Pedro, nache ila'aguet so napaxaguenaxaua maye ỹataqta nauochaxaua So Jesús, som huetaua'a co'ollaxa na laỹe co'ollaq huo'o so lquia'axa'c so na'a'q le'enaxat Lapascua, som inattac somaye co'ollaq 'eeta': «'Am Ỹataxala', ¿chaq negue't cam taỹa'a da 'am ỹaneuo?»

Juan 21:7

Nache so lapaxaguenatac maye ỹataqta nauochaxaua So Jesús, somaye 'enapego' so Pedro, 'eeta': –¡Nachera da Qarataxala'! Nache co'ollaq choche hua'aqchigui de'era so Simón Pedro da nacheso So Qarataxala', nache ỹaayiñi soua alogo maye nqa't co'ollaxa da ya'aco, nache parenaxangui so 'etaxat.

Juan 20:2

Nache asomaye jec, nqalgoqtaua'a ca hueta'a so Simón Pedro qataq so lỹa napaxaguenatac som ỹataqta nauochaxaua So Jesús. Nache 'enapegalo', 'eeta': –So Qarataxala' qanqateeguesop co'ollaxa añi nhuachiqui, qaq qomi' saishet da saỹaanaq ca qaỹacha'ague camaye.

Juan 11:36

Nache so shiỹaxauapi maiche na'aqtaxaatega't, 'eeta': –Ña qauloỹa damaye ỹataqta 'eesa da lauotaxat yemaye.

Juan 11:5

Qaq So Jesús ỹataqta nauochaxaua aso Marta, qataq aso lqaỹa, qataq so Lázaro.

Juan 11:3

Nache se'esoua dos nqaỹa't, ỹamaxalo co'ollaxa da la'aqta'c So Jesús, 'eeta': –'Am Nataxala', yem 'anauochaxaua Lázaro, yemaye sa no'on.

2 Samuel 12:3

qaq so choxoraq, qalaq 'oonole asotai' lalo qagueta maye lsheenaxanaqte. Qataq maiche ỹaqchet, nache ỹeta'ai' asomaye qataq soua llalqa, qataq nache lquia'axaua naxa, qataq nỹomaxaua asomaye, qataq nsoqtauo naxa da do'ocheta, qaq se'eso ỹale ỹataqta ỹauotec asomaye, 'eeta'am aca lalamaqte llale.

Juan 21:24

Qaq nacheso se'eso napaxaguenatac, som ỹa'axattac 'enauac de'era, qataq maiche ỹiyiñi. Qaq qomi' saỹaanaq da ỹoqta 'eesa de'era 'enapec.

Juan 13:25

Nache somaye nquigueua'a So Jesús, nache inat, 'eeta': –'Am Ỹataxala', ¿chaq negue't camaxa cam 'am ỹaneuo?

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Lucas 16:22

Qaq huo'o so na'a'q, nache se'eso ỹale maye choxoraq ileu. Nache anac na lamaxashecpi Ñim Lo'onatac 'Enauacna da ỹauega ca ndaqa' maye ỹataqta ỹo'oxoraq, cam hueta'a nataqa'en so Abraham maye chegoxoguet somaye. Qaq co'ollaq qaỹata'ague, nache nataqa'en ileu so ỹale maye sallaxanec. Nache co'ollaq qailareñi,

Juan 13:24

Nache so Simón Pedro ỹo'ot so la'anec da yaqto' somaye inat So Jesús, da chaq negue't ca 'eetega Somaye.

1 Reyes 4:5

Qataq so Azarías, som llalec so Natán, maye lataxala' na nta'alpi, qataq so Zabud, som llalec so Natán, maye ntaxaỹaxanaxanec qataq ỹanem naxa na lqataxacpi so nta'a,