Juan 13:21 - La'aqtaqa Ñim Lo'onatac 'Enauacna 2013

²¹ Qaq co'ollaq ime da nasaxauec de'era la'aqtac, nache So Jesús ỹataqta sa nalo'oguet da 'eeta. Huaña, nache ỹataqta ỹa'axatta de'era, 'eeta': –Ỹataqta 'eesa de'era qami' sa'axatema, da 'oonolec da qoñiita ñi Aỹem ỹaneuo qome.

Nuevo Testamento Toba Sur

²¹ Qaq co'ollaq ime da nasaxauec de'eda l'aqtac, nachi so Jesús nomteguet da sa nalo'oguet da lquiyaqteÿaxac. Huaña, nachi ÿataqta i'axatta de'eda, 'eeta': –Ÿataqta 'eesa de'eda qami' sa'axatema, da 'oonolec da qoñiita ñi aÿim ÿaneuo qome.

Nuevo Testamento Toba Sombrero Negro

²¹ Ca'li yomat da'me nenaĝatedegue naa'me naajo' 'laqataqa, Jesús male nomeguet joda'me yataqata ja machiñe, qa'a yajouaĝat joda'me yataqata 'yaĝatetelegue joda'me dojo': —Yataqata eja da'me dojo': da'me 'uo ñe'me ami uetauelo jo'ne jayem yaneuo qomle.

Juan 13:21 Referans Kwoze

Mateo 26:21

nache Somaye 'enapeco': –Huo'o ñi 'oonolec da qoñiita ñi Aỹem ỹaneua'a qome nam Aỹem ipa'agueetacpi.

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Marcos 14:18

Qaq co'ollaq ñaq deque'eta'ape, nache So Jesús 'enapeco': –Ñim Aỹem ỹaneua'a nam Aỹem ipa'agueetacpi, ñimaye hueta'a ne'ena Aỹem lquia'axaua.

Juan 12:27

Qaq nagui ỹataqta lta'araic da ñeque'eenaxac, qataq sa saỹaten ca sheetec. Qaq Aỹem huo'o da iyaxa da shenapega Ñim Ita'a da saishet da Aỹem ỹasheneguet de'era ñeque'eenaxac. Qalaxaye Aỹem saishet da sheetec de'era, cha'aye Aỹem ñanaỹa ana 'alhua da so'ot ca 'eetapeguec Ñimaye.

Juan 11:33

Nache So Jesús co'ollaq ila'a da nỹeetac aso María qataq so judiopi maye nnaictague', nache Somaye ỹataqta huo'o da laquicoxo, qataq nomteguet da 'eeta lta'araic da lquiyaqteỹaxac.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Hechos 17:16

Qaq so Pablo co'ollaq hueta'a ye nỹecpi ye Atenas da iuattrapigui so Silas qataq so Timoteo, nache ỹataqta qaica ca lama' souaxat da imeteetac se'eso nỹecpi da ỹataqta nlaqchigui na ne'enaqtacpi maye qanatameetacot.

Juan 13:2

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Juan 11:38

Qaq So Jesús qaltaq nomteguet da 'eeta lta'araic, nache nqocheneua'a aso huachiqui maye no'onata naigui so coma' lta'araic, asomaye huo'o so lapoxot coma' som ñegueuo.

Juan 11:35

Nache So Jesús nỹeetac.

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Mateo 26:38

nache 'enapegalo' soomaye, 'eeta': «Aỹem ỹataqta ỹaguec da ỹaquicoxo, qataq ñanomteguet da saỹa'a da seleu, qoviita'a qome ne'ena, qataq saishet qome da qauo'oche.»

Juan 13:22

Nache soua lapaxaguenataqa namatapega't, cha'aye sa ỹaỹate'n chaq negue't cam qoỹeetega soomaye.