Juan 13:18 - La'aqtaqa Ñim Lo'onatac 'Enauacna 2013

¹⁸ Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Nuevo Testamento Toba Sur

¹⁸ Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

Nuevo Testamento Toba Sombrero Negro

¹⁸ “Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Juan 13:18 Referans Kwoze

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Mateo 26:23

Nache So Jesús 'enapeco': –Ñim ỹauoltenaxanaxaua ne'ena iquia'axaqui, nacheñi qome ñim Aỹem ỹaneuo.

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Marcos 14:20

Nache So Jesús 'enapeco': –Ñimaye nacheñi ñi 'oonolec da qoñiita, ñim ỹauoltenaxanaxaua nagui ne'ena qarquia'axaqui.

Juan 13:26

Nache So Jesús 'enapeco': –Aỹem qome ñauolchiiñi ca laỹe ana nauole 'ayiiña, qaq cam sami', qaq nacheca camaye. Ime, nache Somaye nauolchiiñi so laỹe aso nauole, nache ỹami' so Judas Iscariote.

Juan 6:70

Nache So Jesús 'enapeco': –¿Saisheto' da qami' doce da qami' ica'agui'she? Ñi 'oonolec da qoñiita netaigui ñi pa'aguenataxanaxaic.

Juan 15:19

Na shiỹaxauapi qami' ỹauoteque da qoñiita'am namayepi da lataxac. Qalaxaye qami' saishet da qoñiita'am namayepi, cha'aye qami' lleca'aua'alo da yaqto' saishet da qoñiita'am da lataxac namayepi, ỹoqo'oye ỹataqta saishet da qami' iuote'n.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Mateo 10:36

Cam ỹataqta qanpa'aguenaxauai, nacheca ca maiche qaralamaxache qarhuo'oi le'ec.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

2 Corintios 4:5

Qataq da sa'aqtaxanaqtac, qalaq saishet da maiche ña'aqtaxanaqtapeguela't. Chaqrata da qomi' sa'axataqtac So Jesucristo da nacheso So Qarataxala'. Qataq qami' souaqtegueto, souaxat da qarauoche So Jesucristo.

Jeremías 41:2

nache so Ismael qataq soua diez ỹale't maye nnaictagueto nachaayiñi nache iroleguete so ỹeelonec da ỹalaua't so Gedalías, maye so nta'a ye Babilonia co'ollaxa da ỹanagui da nta'a da ilo'ogue na lma' ye Judá.

Mateo 26:21

nache Somaye 'enapeco': –Huo'o ñi 'oonolec da qoñiita ñi Aỹem ỹaneua'a qome nam Aỹem ipa'agueetacpi.

Marcos 14:17

Qaq co'ollaq mashe pe, nache ivireuo So Jesús qataq soua doce lapaxaguenataqa.

Marcos 14:18

Qaq co'ollaq ñaq deque'eta'ape, nache So Jesús 'enapeco': –Ñim Aỹem ỹaneua'a nam Aỹem ipa'agueetacpi, ñimaye hueta'a ne'ena Aỹem lquia'axaua.

Lucas 22:21

Qaq nagui qami' iuen da qauaỹaañi da ñi Aỹem ỹaneuo qome, ñimaye nataqa'en ñeso'onaqta'ai', datatalec ne'ena qarquia'axala'.

Juan 13:21

Qaq co'ollaq ime da nasaxauec de'era la'aqtac, nache So Jesús ỹataqta sa nalo'oguet da 'eeta. Huaña, nache ỹataqta ỹa'axatta de'era, 'eeta': –Ỹataqta 'eesa de'era qami' sa'axatema, da 'oonolec da qoñiita ñi Aỹem ỹaneuo qome.

Juan 13:22

Nache soua lapaxaguenataqa namatapega't, cha'aye sa ỹaỹate'n chaq negue't cam qoỹeetega soomaye.

Juan 15:25

Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Juan 18:32

Huaña, nache ỹataqta ipacchigui da 'enapec So Jesús co'ollaq ỹa'axata'a da 'eetec qome da nalaataguec.

Juan 19:24

nache soua huataxanaq lashe' 'ena'apo': –Saishet qome da secolaxataqa'ague anamaye. Nachaqrata da ñalletaxagui, yaqto' saỹaanaq chaq negue't ca talec. Huaña, nache ỹataqta ipacchiguilo da 'ena'ape naua nanettrañi la'aqtaqa Ñim Lo'onatac 'Enauacna maye 'eeta': «Qanaloguilo qome naua aỹogo, qanallichiguilo da yaqto' huo'o ca talec.»

Juan 19:36

Cha'aye de'era qanayeuaigui, damaye yo'oq, yaqto' ishet da ipacchigui da 'enapec naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Saishet qome da huo'o ca qainoxon naua lpi'ineqa.»

Hechos 1:2

choche ivitta'a so na'a'q co'ollaq taigue da piguem. Qaq Somaye co'ollaq saxanaxa da taigue da piguem, nache ỹachegoxotchigui So Saqcha'a Na'añaxac Qui'itta da ỹanema da lapaxaguenataxanaxac soua lamaxa'she maye lca'agui'she, dam iuen da ỹo'o't soomaye.

Hechos 1:16

«Qami' ỹaqaỹa't, ỹataqta ipacchigui co'ollaxa da la'aqtac So Saqcha'a Na'añaxac Qui'itta maye nanettañi co'ollaq ỹa'aqtaxanaxan so David, da ỹa'axata'a da so Judas nacheso som ỹaueca'aguet co'ollaxa som ỹaconeua'a So Jesús da icoñi'.