Juan 12:50 - La'aqtaqa Ñim Lo'onatac 'Enauacna 2013

⁵⁰ Qaq Aỹem saỹaten da lamaxasoxonaxac Ñim Ita'a, damaye chegaqaigui da nca'alaxa maye chochaq tatec. Qaq 'era da 'eetec da cam ñasaxauec qalaq nacheca ca Aỹem ỹamaxalec Ñim Ita'a.

Nuevo Testamento Toba Sur

⁵⁰ Qaq aÿim saÿaten da lamaxasoxonaxac ñi ita'a, damayi chigaqaigui da nca'alaxa mayi chochaq tateec. Qaq 'eda da 'eetec da cam ñanodeec, qalaq nachica ca aÿim ÿamaxalec ñi ita'a.

Nuevo Testamento Toba Sombrero Negro

⁵⁰ Nataq'aen jayaten da'me jo'ne mach'e lamaĝajoĝonaĝac ñe'me Taĝadena', nach'eda chiyaqayi da'me qat'oyaĝac 'me ja 'naidena'a. Chane'eja naq'aeta da'me ñenaĝategue nale, japaĝaguenataĝanec da'me jo'ne jayem 'yaĝatem ñe'me Taĝadena'.”

Juan 12:50 Referans Kwoze

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 6:68

Qalaxaye so Simón Pedro 'enapeco': –¿Negue'tom ca lỹa seca'ataxague, 'am Qarataxala'? Ye nache'amta maye naua 'ara'aqtaqa naamaye ỹa'n da achaalataxac maye chochaq tatec.

Juan 6:63

Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

1 Juan 2:25

cha'aye So Cristo qomi' ỹachaxanapecoto ca nca'alaxa maye chochaq tatec.

1 Timoteo 1:16

Qalaxaye ñaqaiyeta Ñim Lo'onatac 'Enauacna aỹem ichoxoren, cha'aye Ñimaye nshetaique da aỹem la'auaxanec da do'onataxana naqa'en So Jesucristo da ỹachaxana na shiỹaxauapi da lhualaxavic lta'araic. Cha'aye ỹauotaique da aỹem naloqnaxanaxat, yaqto' ca shiỹaxaua ishet da ỹa'amaqten So Jesús, qataq ỹaconeguet da nca'alaxa maye choche tatec.

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Deuteronómio 18:18

Qaq Aỹem, sachegoxottoigui qome namayepi ca ỹa'aqtaxanaxanec maye 'am 'eeta'am, qaq camaye nache ỹa'axat qome ca samaxalec ỹa'aqtac da da'aqtaxanem namayepi.

Juan 5:19

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot.

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.