Juan 12:46 - La'aqtaqa Ñim Lo'onatac 'Enauacna 2013

⁴⁶ Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.

Nuevo Testamento Toba Sur

⁴⁶ Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa.

Nuevo Testamento Toba Sombrero Negro

⁴⁶ Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Juan 12:46 Referans Kwoze

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Salmos 36:9

cha'aye nache 'am hueto'ot da nca'alaxa, qataq na 'are'eraxa ỹo'ot da seloqtaigui na yo'oqchiguiñi.

Juan 9:5

Nagui da Aỹem ñaq soota'a ana 'alhua, qalaq Aỹem maye Nachaỹem lcoỹaraqte 'enauac ana 'alhua.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Isaías 42:7

Sauotaique da nauaañi 'anqa'en na qanamaicpi, qataq 'ausoueeguesop ana ncoñetaxanaxaquipi na ncoñeteguishecpi, qataq na ncoñeteguishecpi maye huetaigui na napalaxa.

Juan 3:19

Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Juan 1:9

Qaq som ỹoqta 'eesa da yo'oqchiguiñi mashe nvira ana 'alhua, nacheso nagui so icoỹarelec 'enauac na shiỹaxauapi.

Mateo 4:16

Na'aictaxa da nam shiỹaxauapi maye 'am huetalec da huetaigui na napalaxa, qalaq namayepi ila'a aca late'erai ncoỹaraxanaxaqui. Ncoỹaraxanaxaqui maye icoỹarelec nam mashe huetaigui qataq huotaique da loxonec da nleuaxa.»

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Lucas 2:32

Namaye nachena na ncoỹaraxanaqte, maye icoỹarelec 'enauac na shiỹaxauapi, qataq namaye nache llo'oxoyec nam 'aralamaxatpi maye Israel le'ecpi.»

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Isaías 42:15

Aỹem ñelaxaañi qome ana qasoxonaxapi qataq ana lcomaraxalatepi, nache deqaqa ñaqa'en 'enauac na huetalec qataq nam talapi ỹe'eguelaxa da toolec 'alhua, qataq deqaqa ñaqa'en ana lapelpi.

Juan 9:39

Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

Isaías 40:1

Ñim Lo'onatac 'Enauacna maye Qanatamnaxala'ai, 'eeta': «Qaua'añaqchichi, qaua'añaqchichi nam ỹalamaxat nhuo' le'ecpi,