Biblia Todo Logo
Bib sou entènèt

- Piblisite -




Juan 12:45 - La'aqtaqa Ñim Lo'onatac 'Enauacna 2013

45 Qataq ca Aỹem ila'a, camaye nataqa'en ila'a ñim Aỹem namaq.

Gade chapit la Kopi

Nuevo Testamento Toba Sur

45 Qataq ca aÿim ila'a, camayi nataq'en ila'a ñim aÿim namaq.

Gade chapit la Kopi

Nuevo Testamento Toba Sombrero Negro

45 Nataq'aen ga'me jo'ne jayem yauana nach'e ena'am yauana ñe'me jo'ne jayem namaĝaquena.

Gade chapit la Kopi




Juan 12:45
8 Referans Kwoze  

So Cristo nacheso som Llalec Ñim Lo'onatac 'Enauacna, Somaye nache 'eetai' da huo'o co'ollaxa saxanaqca 'enauacna. Somaye nactaigui da lataxac Ñim Lo'onatac 'Enauacna maye saishet da qaila'a.


Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.


So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.


Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.


Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.


Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.


Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.


Swiv nou:

Piblisite


Piblisite