Juan 12:40 - La'aqtaqa Ñim Lo'onatac 'Enauacna 2013

⁴⁰ Ñim Lo'onatac 'Enauacna ỹo'otec naqa'en namayepi da sanauaañi qataq ỹataqta qaramchiguilo naqa'en naua lquiyaqtel, yaqto' namayepi saishet da nauaayiñi naua yo'oqchiguilo la'ai'te, qataq qaica ca ỹaỹaten da lquiyaqteỹaxac, qataq da saishet da Aỹem ñe'eguelaxa, da yaqto' ñataren.

Nuevo Testamento Toba Sur

⁴⁰ Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte, yaqto' namayipi sa ishit da nauaayiñi naua yi'oqchiguilo l'ai'te, qataq qaica ca ÿaÿaten da lquiyaqteÿaxac, qataq da sa ishit da aÿim ñi'iguelaxa, da yaqto' ñataden.

Nuevo Testamento Toba Sombrero Negro

⁴⁰ “'Laqatac ñe'me Dios, enaac: japadelo'te naa'me 'lae'te jogaa'me qaedi ja yaqanate't ta'le yauata, Nataq'aen da'me ja jen 'te damichiguilo naa'me lai'li, qaedi qaya'te ta'le yayaten; Qaedi ja jayem 'te 'niyelaĝadeta, qama'le ja jen 'te yemedegue.”

Juan 12:40 Referans Kwoze

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Lucas 8:10

Nache So Jesús 'enapeco': –Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna. Qalaxaye nam laỹepi shiỹaxauapi, namayepi da sapaxaguen qalaq sauo'o na saloqnaxana. Qaq ỹoqo'oye na'aictaxa da demeenaxatac qalaq 'eeta'am da sanauaañi, qataq na'aictaxa da hua'aqtac, qalaxaye 'eeta'am da saishet da hua'aqa.

Marcos 4:12

Yaqto' na'aictaxa da nlotauec, qalaq saishet da ila'a, qataq da hua'aqtac, qalaq saishet da ỹaỹaten. Nachaqrata da ntouen, nache iỹaxanot Ñim Lo'onatac 'Enauacna da ỹapalaxat na lasouaxashetpi.»

Isaías 29:10

Cha'aye Ñim Nataxala' qami' taleguete naqa'en ca sansatta no'ochaxa. Qataq ỹapoguilo naua la'ai'te na na'aqtaxanaxanecpi, qataq ỹauo'o ca lapoxot na lqaic nam huo'oi naua l-loxoco.

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Juan 9:39

Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Ezequiel 12:2

«'Am shiỹaxaua, 'am qonetangui na nhuo' le'ecpi maye ỹataqta qauemaicpi. Huo'oi naua la'ai'te, qalaxaye sanauaañi, qataq huo'oi naua ltela lauaco qalaxaye sa hua'aqa, cha'aye ne'ena nhuo' le'ecpi ỹataqta qauemaicpi.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Salmos 147:3

Ñimaye nataren na dolata da lquiyaqteỹaxac, qataq ỹauo'o na laxataxat da ỹapolec na lque'emaxapi.

Salmos 41:4

Qaq aỹem shenapec: «'Am Nataxala', ñaq aỹem 'auchoxoren qome, aỹem 'anataren na'aictaxa da huo'o da ỹasouaxashet 'am hueto'ot.»

Salmos 6:2

'Am Nataxala', aỹem 'auchoxoren qome cha'aye qaica ca ỹa'añaxac. 'Am Nataxala', aỹem 'anataren qome cha'aye mashe iviloxol da ỹo'ocỹaxac.

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Deuteronómio 29:4

Qalaxaye ivitta'a nagui da Ñim Nataxala', saxanaxa da ỹo'ot da lauattonaxanaxac naua qarquiyaqchilli', qataq saxanaxa da nauaayiñi naqa'en naua qara'ai'chilli', qataq saxanaxa da hua'axai' naua qartelai.

Romanos 9:18

Qaq 'era da 'eetec Ñim Lo'onatac 'Enauacna da maiche ỹoiqueetac cam huotaique da ỹo'ot. Ñimaye nqouaguec cam taalec da nqouaguec qataq qaramchigui naqa'en añi lquiyaqte cam taalec da qaramchigui naqa'en.

Hechos 28:26

‹'Asoma, 'aua'aqtaxanem qome ne'ena shiỹaxauapi, qoneta': Qami' na'aictaxa da qaua'aqaitac, qalaxaye saishet da qauaỹaañi cam qaỹa'axattac. Qataq na'aictaxa da qanloitauec, qalaxaye saishet da huo'o ca qauloỹa'a.

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Ezequiel 14:9

Qaq da huo'o ca na'aqtaxanaxanec maye saq'en ca ỹa'axat, nache camaye maiche Aỹem da satenachet, qaq ñauaxaỹaxaasheguem qome na ihuaq da sauo'o ca nhuaxanaguec camaye, qataq ñeqateeguesop na ỹalamaxat nhuo' Israel le'ecpi.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Hechos 15:3

Qaq da llecỹaxa'c soomaye, nache tatrelec ye 'alhua Fenicia qataq ye 'alhua Samaria. Nache da'aqtaxaatrapeguem na 'amqaanataxanaxaicpi judiopi da qalota nam saq judiopi da ỹalat da togoshec la'amqaanataxanaxac, nache quegue Ñim Lo'onatac 'Enauacna. Qaq co'ollaq hua'aqchigui de'era nam judiopi maye ỹa'amaqteetac So Jesús, nache ỹataqta qalota da ntonaxac.

Marcos 6:52

Cha'aye da ntoonaxa'c soomaye saxanaxa da nauaayiñi, cha'aye saxanaxa da ỹoqta ỹaỹateete' ca naigui aso nauole maye nquicapeguec co'ollaxa.

Isaías 53:5

Qalaxaye somaye qaique'emaqchet co'ollaxa souaxat da sa salaxasoq, qataq qailaxatta souaxat na qarasouaxashetpi, qalaxaye da nhuaxanaguec maye nque'etaxangui co'ollaxa qomi' ỹanema da nlagaxayec, qataq na lque'emaxapi co'ollaxa somaye ỹo'ot da qomi' no'oite'.

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Éxodo 14:17

Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Éxodo 14:8

Nache Ñim Nataxala', ỹanem da ỹataqta qaramchigui añi lquiyaqte so faraón da yaqto' icaalec so Israel le'ecpi, na'aictaxa da ỹataqta lta'araic da qairolec na'añaxac somayepi da yaqto' ishet da huenoxonec.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 7:13

Qalaxaye ñaqaiyeta so faraón ñaq queta da ỹataqta qaramchigui, nache saishet da iqocha'alo soomaye, qaq ỹataqta ipacchigui da la'aqtac Ñim Nataxala'.

Éxodo 7:3

Qalaxaye aỹem, sanem da ỹataqta qaramchigui añi lquiyaqte ñi faraón, qataq so'ot na qalota na'anecpi qataq nam ỹo'ot da na'aalaxa na Egipto.

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

1 Reyes 22:20

Nache Ñim Nataxala', denataxan, 'eeta': ¿Negue't ca ishet da ỹayena'a ñi Ajab, da taỹa ye Ramot maye huaigui ye Galaad da iloquiaxan, yaqto' nache huaigui da ileu? Qaq somayepi ỹotta'a't dam la'aqtaxanaxac.

Éxodo 9:12

Qalaxaye Ñim Nataxala' ỹo'otec da ỹataqta qaramchigui naqa'en añi lquiyaqte so faraón, da yaqto' saishet da ỹoqocha'a so Moisés qataq so Aarón. Qaq ipacchigui dam la'aqtac co'olloxoche 'eetega so Moisés.

Éxodo 10:1

Nache Ñim Nataxala' 'enapega so Moisés, 'eeta': «'Anqo'oneua'a qome ñi faraón, cha'aye aỹem so'otec ñimaye qataq na ltauapi da ỹataqta qaramchigui, yaqto' sachaxana namayepi da lta'araic ỹo'oxoyec maye ishet da so'ot,

Éxodo 11:10

Nache so Moisés qataq so Aarón, ỹo'o't 'enauac de'era ño'oxoyec, ỹauaachigui naqa'en so faraón, qalaxaye so faraón saishet da ỹashen da ca'ai ye Egipto so Israel le'ecpi, cha'aye Ñim Nataxala' nache 'ena'ac da somaye ỹataqta qaramchigui añi lquiyaqte.

Isaías 6:9

Qaq huaña nache Ñim Lo'onatac 'Enauacna aỹem 'enapega, 'eeta': «'Aue, 'anqo'ona qome na shiỹaxauapi nache qoneta': ‹Na'aictaxa da hua'aqtac qalaxaye saishet qome da ỹaỹaten, qataq na'aictaxa da demeenaxatac qalaxaye sa ỹaỹaaneguet qome de'era.›

Juan 12:39

Qaq ỹoqo'oye nache saishet da huo'o ca da'amqaanataxan. Cha'aye so Isaías nataqa'en ỹiyiñi co'ollaxa da 'eeta':