Juan 12:36 - La'aqtaqa Ñim Lo'onatac 'Enauacna 2013

³⁶ Qaq nagui da ña qami' hueta'agueta nam chegoqchigui nam yo'oqchiguiñi, nache qaua'amaqchiñi Namaye, yaqto' qami' ishet da qoñiita'am na yo'oqchiguiñi. Qaq co'ollaq ime de'era 'enapec So Jesús, nache jec da nqañoxocheesop somayepi.

Nuevo Testamento Toba Sur

³⁶ Qaq qau'amaqchiñi qome ne'ena yi'oqchiguiñi, llaxatemallaxa da ña qami' hueta'agueta, yaqto' qami' ishit da qoñiita'am na yi'oqchiguiñi. Qaq co'ollaq ime de'eda 'enapec so Jesús, nachi jec da nqañoxochiisop somayipi.

Nuevo Testamento Toba Sombrero Negro

³⁶ A'uamaqachiñe ñe'me jo'ne yoqochiñe yatemaliaĝa cha'li ami uetauelo, qaedi da'me ami male aueñiya'am da'me yoqochiñe. Joca'li yem da'me 'yaĝate'tape naa'me naajo' uo'oe, qanach'e male ec ñe'me Jesús, 'nañoĝochi'ñalo joga'me jiyaĝadipi.

Juan 12:36 Referans Kwoze

Efesios 5:8

Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

1 Ts 5:5

Cha'aye 'enauac da qoñiita huo'o da qarpi'iỹaxaqui So Qarataxala', qaq damaye 'eeta'am da qoviitaigui na le'eraxa ye na'a'q laiñi, qaq saishet da qoviitaigui na napalaxa.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Lucas 16:8

Huaña, nache so 'aco' saishet da iqoleguet da se'eso lhuataxanaxanec maye qauem, somaye ỹataqta sa nqalat da huo'o ca ỹo'ot. Qaq 'era da 'eetec nam ỹauotec nam huetalec ana 'alhua, namayepi ỹataqta sa nqalat da huo'o ca ỹo'otec ca lỹa, qaq saq 'ena'am nam huetaigui na yo'oqchiguiñi.

Juan 11:54

Qaq ỹoqo'oye So Jesús mashe saishet da ỹoqta nachaxaata da ỹalectaigui na judiopi, cha'aye sa ỹaỹamaxaren da qaỹauana ca hueta'a. Chaqrata da Somaye ca'ai ye 'alhua Judea da nqo'ona yem nỹecpiolec maye le'enaxat Efraín yem saqaỹapeque ye toolec 'alhua. Huaña, nache hua'a yemaye nnaictagueto soua lapaxaguenataqa.

Juan 1:7

Qaq somaye anac, da yaqto' ỹa'axatem na shiỹaxauapi de'era, yaqto' 'enauac na shiỹaxauapi ishet da ỹa'amaqten de'era yo'oqchiguiñi.

Isaías 60:1

'Am Jerusalén, ña qoñesheguem nache 'am 'eroigui, cha'aye mashe nvi' na 'arcoỹaraxanaxat, qaq da llo'oxoyec Ñim Nataxala' 'eroigui da 'am icoỹattalec.

1 Ts 5:8

Qalaxaye qomi' saishet da souaqtaigui na napalaxa, nachaqrata da souaqtaigui na yo'oqchiguiñi. Qaq ỹoqo'oye iuen da qolaqtot da ñeloqtec, qataq sauoqo'o da qarpi'iỹaxac Ñim Lo'onatac 'Enauacna qataq sauotaxac 'enauac na shiỹaxauapi. ¡Da qarpi'iỹaxac qataq da qarsoxoyec, damaye ishet da qomi' npaxaaleguete da npaxategueta naua qauema nhuennataxaco, 'eeta'am aca lpaqtaxanaqte ca ỹale alaataxaic! Qaq da saishet da seqoleguetaq de'era qarca'alaxa, nache damaye qomi' npaxaaleguete 'eeta'am aca aro'o alaataxaqui.

Juan 3:21

Qalaxaye nam ỹo'ottac da 'eesa lataxac, namayepi nqo'oneua'a de'era yo'oqchiguiñi, cha'aye nshetaique da qaila'a da 'enauac nam ỹo'ottacpi da ỹachaxan da ỹalaxagueta naua lamaxasoxonaxaco Ñim Lo'onatac 'Enauacna.

Mateo 21:17

Nache So Jesús ca'ai ye nỹecpi ye Jerusalén, nache taỹa ye nỹecpi ye Betania da lo'ochaqa' se'eso pe.

Mateo 5:14

Qami' nataqa'en qoñiita'am aca lcoỹaraqte nam huetalec ana 'alhua. Nataqa'en qoñiita'am ca nỹecpi maye netalec aca qaỹoqotcheguemec 'alhua, camaye 'enauac da qaila'a.

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Juan 12:37

Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

Juan 12:46

Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.