Juan 12:35 - La'aqtaqa Ñim Lo'onatac 'Enauacna 2013

³⁵ Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Nuevo Testamento Toba Sur

³⁵ Nachi so Jesús 'enapega somayipi, 'eeta': –Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague.

Nuevo Testamento Toba Sombrero Negro

³⁵ Jesús 'yategueta jogaa'me: —Maliaĝa cha'li cada'ac ami uetauelo da'me yoqochiñe. Chane'eja 'noota qom aueuoitac yatemaliaĝa ami uetauelo jenjo' yoqochiñe, qaedi ja ami 'te yepelaĝa't ga'me 'lalaĝa, qa'a ga'me yeuotapiye ga'me 'lalaĝa ja yayaten ga'me ta'ya.

Juan 12:35 Referans Kwoze

Juan 12:46

Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.

Juan 16:16

Qaq mashe yaqta'a da qami' saishet da Aỹem qauloỹa'a. Qalaxaye saqaỹaloq da qaltaq Aỹem qauloỹa'a.

Efesios 5:8

Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Juan 11:10

Qalaxaye ca queuotapigui' ye pe, nache camaye ishet da huo'o ca ỹe'egueneguet, cha'aye qaica na yo'oqchiguiñi.

Juan 12:36

Qaq nagui da ña qami' hueta'agueta nam chegoqchigui nam yo'oqchiguiñi, nache qaua'amaqchiñi Namaye, yaqto' qami' ishet da qoñiita'am na yo'oqchiguiñi. Qaq co'ollaq ime de'era 'enapec So Jesús, nache jec da nqañoxocheesop somayepi.

Juan 7:33

Nache So Jesús 'enapeco': –Aỹem ñaq cara'acolec da qami' soota'agueta. Qaq qom ime, nache Aỹem she'eguelaxa Ñim Aỹem namaq.

Isaías 2:5

¡Qolaq, qami' Jacob llalaqpi, qolaqtaigui qome da lcoỹaraxanaxac Ñim Nataxala'!

2 Corintios 3:14

Somayepi saishet da ivira da ỹaỹateeteguet. Ỹoqo'oye choche ivitta'a nagui da itaxaỹaxan na lereguishecpi so Moisés, nache saishet da ỹaỹaten. 'Eeta'am da qaỹapotalec da ntoonaxac. Nachaqsota So Cristo da ishet da itaunec da yaqto' ishet da ỹaỹaten.

Proverbios 4:19

Qaq so nqa'aic na qauemaicpi qalaq napalñi, qataq saishet da ỹaỹaten ca quia'aqaisop.

Jeremías 23:12

Qaq ỹoqo'oye da nqa'aicỹaxac namayepi, ỹataqta napalñi qome qataq salvi, qataq Aỹem so'otec qome da qaỹamaxañi nache huañi. Qom ñimit na lasouaxashetpi namayepi nache talec ñaqa'en ca qauem. Qaq 'era da ỹa'aqtac Aỹem Nataxala'.»

Juan 11:9

Nache So Jesús 'enapeco': –¿Saisheto' da ye 'oonolec na'a'q, ivi' naua doce hora? Ye ñi 'oonolec shiỹaxaua da huo'otaq queuotapigui' ye na'a'q, qalaq saishet da huo'o ca ỹe'egueneguet, cha'aye na le'eraxa añi nala' yo'oqtegue naqa'en ca llec camaye.

Gálatas 6:10

Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.

Lucas 18:37

Nache qaỹa'aqtaxanem somaye da Jesús Nazaret le'ec, som nateuga yem hueta'a somaye.