Juan 12:34 - La'aqtaqa Ñim Lo'onatac 'Enauacna 2013

³⁴ Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?

Nuevo Testamento Toba Sur

³⁴ Nachi na shiÿaxauapi 'enapega somayi, 'eeta': –Qomi' sa'axasoqtega naxa da qaitaxaÿaxaatac ana nede mayi lmalate naua nqataxaco da que'eca nta'a nca'alaxaqui qoÿinapec yi nachi 'eetai' da nca'altauec. Qalaq ¿tá'ainco' yi 'am qonapec da que'eca shiÿaxaua llalec, camayi qananotshiguem? Qaq ¿chaq négue'to' que'eca shiÿaxaua llalec?

Nuevo Testamento Toba Sombrero Negro

³⁴ Ga'me jiyaĝadipi 'yadeteguet joñe'me: —Naa'me nedii's jo'ne Dios 'laqatac lae't 'yaĝat ñe'me Dios Liquiyac da'me nach'e eta't nec'aletaye. Chane'eja, ¿toqoch'e aueetapega ñe'me jo'ne Jiyaĝaua Lec'oĝot qoyanajeguem qomle? ¿Jach'e jogamaĝa da'me dojo' Jiyaĝaua Lec'oĝot?

Juan 12:34 Referans Kwoze

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Daniel 7:14

Nache somaye qoỹanem da la'añaxac, llo'oxoyec, qataq da no'onataxanaxac, nache na ỹotta'a't shiỹaxauapi, qataq nam ỹotta'a't naua la'aqtaqa do'onataxanot somaye. Qaq dam la'añaxac somaye qalaq nache 'eetai' qome, qataq dam lo'onataxanaxac saishet qome da nlaguiñi.

Salmos 110:4

Ñim Nataxala' mashe ỹan co'ollaxa so la'aqtac, qaq saishet qome da ỹe'eguelaxa da ntogottac, «Da 'am, nache 'eetai' qome da 'am ntaxaỹaxanaxanec, nache qoneta'am da lataxac so Melquisedec.»

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

2 Samuel 7:13

Nache camaye nacheca qome ca no'oxoosheguem que'eca nỹec da yaqto' huaña da Aỹem qanatamnot, qaq camaye sanagui da nache 'eetai' qome da nta'a.

Romanos 5:18

Chegoqchigui da lasouaxashet so Adán, da Ñim Lo'onatac 'Enauacna ỹa'axat da 'enauac da shenaqta saỹaqa'aguet da seleuaq. Qalaxaye qana'achec da chegoqchigui So Jesucristo da qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi qataq qomi' ỹanema ca achaalataxac maye chochaq tatec.

Miqueas 4:7

Qaq anamayepi nache sauaxaỹaxaneguet anam no'onañi co'ollaxa, qaq nache sachegoxotchigui qome ca shiỹaxauapi maye ỹataqta 'añaxaicpi. Qaq aỹem Nataxala' selo'ogue qome namayepi, qom huaña añi qasoxonaxa Sión, nagui qataq nache 'eetai' qome.

Salmos 72:7

Qataq caua na'axa'te maye huaiguilo da lo'onataxanaxac, da nta'a ỹataqta no'on qome da lataxac, qataq chochaq huañi da nlagaxayec, choche ivitta'a da qaica so ca'agoxoic.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Juan 15:25

Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Juan 12:32

Qaq qom ivita da Aỹem qaiuaxaneguet ca ñepe'enaxaqui, nache huaña qome, nache so'otec da 'enauac Aỹem qaỹa'amaqten.

Juan 10:34

Nache So Jesús 'enapega somayepi, 'eeta': –Na namaxasoxonaxacpi maye qami' qoỹanema co'ollaxa, nanettañi da la'aqtac Ñim Lo'onatac 'Enauacna maye 'eeta': «Qami' sa'axatema da qami' piguem le'ecpi.»

Isaías 53:8

Co'ollaq qaỹaconeua'a qalaq ỹataqta saqairen qataq qaica co'ollaxa ca iueelec, qataq qaica ca qochetega somaye. Qataq qanqateeguesop ana 'alhua, nache qaỹalauat souaxat na lasouaxashetpi na ỹalamaxat nhuo' le'ecpi.

Mateo 21:10

Nache So Jesús co'ollaq mashe inoxoneua'a ye nỹecpi ye Jerusalén, nache 'enauac nam shiỹaxauapi maye netaigui yemaye ỹataqta huo'o da le'elaxa. Nache qalota na denataxaatac, 'eeta': –¿Negue't de'era ỹale?

Mateo 16:13

Qaq co'ollaq mashe saqaỹapeque so nỹecpi ye Cesarea maye ilotague' co'ollaxa so Filipo, nache So Jesús inatta'ape soua lapaxaguenataqa, 'eeta': –Na shiỹaxauapi nagui ¿Chaq 'eetec naxa ca la'aqtac da detaqtega Aỹem, maye Aỹem Shiỹaxaua Llalec?

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

Hebreos 7:24

Qalaxaye So Jesús ye saishet da huo'o ca loga't da lca'alaxa. Nache saishet da iuen da huo'o ca lỹa da talec da lo'onataxanaxac da ntaxaỹaxanaxanec da qaitaxaỹapegue' Ñim Lo'onatac 'Enauacna.