Juan 12:32 - La'aqtaqa Ñim Lo'onatac 'Enauacna 2013

³² Qaq qom ivita da Aỹem qaiuaxaneguet ca ñepe'enaxaqui, nache huaña qome, nache so'otec da 'enauac Aỹem qaỹa'amaqten.

Nuevo Testamento Toba Sur

³² Qaq qom ivita da aÿim qananotshiguem ana 'alhua, nachi aÿim maichi ñaueguela't 'enauac na shiÿaxauapi.

Nuevo Testamento Toba Sombrero Negro

³² Qalaĝaja qom jayem qoyanajeguem jachiyaqa'ña jena'me aleua, qama'le mach'e jayem ñauela't ena'uac.

Juan 12:32 Referans Kwoze

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

Juan 3:14

Qaq de'era 'eetec co'ollaxa so Moisés da ỹanasheguem so le'enaqtac na'araxanaq co'ollaq hualec so toolec 'alhua, qaq nache 'eetec nataqa'en da qoỹanasheguem qome na Shiỹaxaua Llalec,

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

1 Timoteo 2:6

So Jesús ỹan co'ollaxa da lalamaxat nachaalataxac da yaqto' nca'alaxatec 'enauac na shiỹaxauapi ana 'alhua. Qaq nache chegoqchiguiña, da Ñim Lo'onatac 'Enauacna qomi' ỹachaxanalo da huotaique da nca'alaxatec 'enauac na shiỹaxauapi.

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Juan 1:7

Qaq somaye anac, da yaqto' ỹa'axatem na shiỹaxauapi de'era, yaqto' 'enauac na shiỹaxauapi ishet da ỹa'amaqten de'era yo'oqchiguiñi.

Oseas 11:4

Qaq Aỹem serolec co'ollaxa da huesotta ỹauotaxanaqtaic da ñaueguela't namayepi, qataq ñesoxouo, 'eeta'am ca nogotolec maye ñaq lleptac, nache ñeqateeguesop na qapa'atta maye npeetague' namayepi, nache sanem na aloq da sequia'axaatac.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

Juan 19:17

Qaq co'ollaq ime, nache qanayecot So Jesús, maiche ỹachetac qanqa'en so npe'enaxaqui, da nqo'oneuga so 'alhua maye qaỹamata'ac da nqaic lpi'inec lma'. Qaq nam hebreo la'aqtaqa ỹamata'ac Gólgota.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Juan 12:34

Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

2 Samuel 18:9

Qaq so Absalón, netalec co'ollaxa so lalo mola, nache nque'elaxatta da natena'aguet so nalleppi so David. Nache so lalo mola ỹe'eguenoigui aso lcouepi aso qo'oipaq late'erai le'enaxat encina, nache somaye ỹemaxauec na lqaic, nache deqapiasheguem ntaxattañi, qaq so mola nache datauec.

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Juan 18:32

Huaña, nache ỹataqta ipacchigui da 'enapec So Jesús co'ollaq ỹa'axata'a da 'eetec qome da nalaataguec.

Números 21:9

Nache so Moisés ỹo'ot so le'enaqtac na'araxanaq ỹachegoxotaigui so lcat bronce, nache ỹanasheguem ỹanagui aso lashe. Nache naxa da huo'o na inac na na'araxanaq, nache da ỹamato'ot se'eso ne'enaqtac lcat bronce nache nca'alec.