Juan 12:31 - La'aqtaqa Ñim Lo'onatac 'Enauacna 2013

³¹ Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Nuevo Testamento Toba Sur

³¹ Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua.

Nuevo Testamento Toba Sombrero Negro

³¹ Nayi male 'uo da'me nec'ateneguec jena'me aleua laje'pi, male qoyamaĝaye ñe'me jo'ne damaĝajoĝonac jena'me aleua chayovida'a nayi.

Juan 12:31 Referans Kwoze

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

1 Juan 5:19

Saỹatenaqta da qomi' lalamaqa'ate Ñim Lo'onatac 'Enauacna. Qaq nam laỹepi shiỹaxauapi maye huetalec ana 'alhua qalaq 'enauac hueto'ot da la'añaxac so pa'aguenataxanaxaic.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.

Efesios 6:12

Cha'aye qomi' saishet da seloquiaqtapegue' ca shenaqta'am shiỹaxaua, nachaqnata nam saq cha'api maye qauemaicpi hueto'ot na piguem, nam damaxasoxonapecpi, 'añaxaicpi maye ỹamaqpec nam huetaigui na napalaxa.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Hebreos 2:14

Qomi' sachegoxosoxoigui ca shiỹaxaua maye huo'oi naua ltago'q qataq naua lpi'ineqa. Ỹoqo'oye So Jesús maiche lhuennataxac da shenaqta'am naqa'en. Cha'aye da nache 'eetec de'era, nache ishet da ileu da yaqto' nauec so pa'aguenataxanaxaic maye huo'o da la'añaxac da ỹalauat ca ỹale qataq aca 'alo.

Colosenses 2:15

Ñim Lo'onatac 'Enauacna deuotaxanec da la'añaxac nam saq cha'api maye damaxasoxonapecpi chegoqchigui So Cristo da loxonec namayepi, ỹataqta qaica ca 'enec naqa'en co'ollaq ỹauec da 'eeta'am da lcoñeteguishecpi co'ollaq dauegaxan Somaye.

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

Mateo 12:28

Qaq Aỹem da so'orauec na saqcha'a na'añaxac leguemaxaicpi da so'otaxaatega da Saqcha'a La'añaxac Ñim Lo'onatac 'Enauacna. Qaq damaye ỹachaxan da lo'onataxanaxac Ñim Lo'onatac 'Enauacna da mashe hueta'a ne'ena.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Isaías 49:24

¿Ishet peta'a da qaiuotaxanec cam hueto'ot nogoxoshet cam ỹale 'añaxaic maye ỹachegoxotaigui ca alaataxac? Qataq ¿ishet peta'a ca ncoñeteguishec da no'otaiguesop cam ỹale maye qaica ca iren?

Juan 3:19

Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Juan 9:39

Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

1 Corintios 1:20

Qaq nagui ¿hua'ague ca hueta'ague ca ỹaanaxanaxaic, huo'otaq ca dapaxaguenataxaateguec ana la'aqtac lmalate Ñim Nataxala' maye Lo'onatac 'Enauacna? Cha'aye da naỹaanec maye lma'na, damaye choche 'eco' 'oopashec naqa'en Ñim Lo'onatac 'Enauacna.

1 Corintios 1:21

Qaq Ñim Lo'onatac 'Enauacna maye ỹataqta ỹaanaxanaxaic Ñimaye saishet da ỹashenem na shiỹaxauapi ana'ana 'alhua da ỹauatton Ñimaye da ỹachegoxotchigui da maiche lauattonaxanaxac. Nachaqrata da lhuennataxac da nca'alaxatec na ỹa'amaqten de'era qara'aqtaxanaxac maye sa'axataqtac na'aictaxa da qoỹeetega choche 'oopashec.