Juan 12:3 - La'aqtaqa Ñim Lo'onatac 'Enauacna 2013

³ Nache aso María maye lqaỹa't soomaye, asomaye ndouo so ivi' na medio litro na coraxat maye le'enaxat nardo. Somaye ỹataqta late'erai añi lasheue, nache icoreleguete naua lapia'ate So Jesús. Ime, nache deqaxaỹaqtaxana na laue. Qaq 'enauac se'eso nỹec ỹataqta ỹe'eguelaxaigui na laita so coraxat.

Nuevo Testamento Toba Sur

³ Nachi aso María ndouo so ivi' na medio litro na codaxat mayi l'enaxat nardo. Somayi ÿataqta qaÿoqteu'a. Nachi icodelguete naua lapia'te so Jesús. Ime, nachi deÿoxona na laue da ÿaqaxaÿaxa't. Qaq 'enauac se'eso noÿic ÿataqta ÿi'iguelaxaÿi na laita so codaxat.

Nuevo Testamento Toba Sombrero Negro

³ María 'uo ga'me jo'ne nachetac 'me trescientos gramos ga'me yoĝoqui jo'ne jalcote da'me lajo'viyaĝac, qama'le yiyoĝolo'te naa'me lapia'te ñe'me Jesús. Da'me yoma't qama'le en daqaqa'y q'ae'n naa'me lapia'te jo'me layoĝot. Qama'le yema ga'me emec da'me yemiye ga'me laetayaĝac ga'me yoĝoqui.

Juan 12:3 Referans Kwoze

Juan 11:2

Qaq asa'aso María, maye lqaỹa so Lázaro som sa no'on, nachaso asom icoreleguete co'ollaxa naua lapia'ate So Jesús, so ỹataqta no'on coraxat, qataq deqaxaỹaqtaxana na laue.

Juan 11:32

Nache aso María co'ollaq ivireuga ca hueta'a So Jesús, nache ỹa'aroto naua l-llectel, nache 'eetega, 'eeta': –'Am Nataxala', da 'am qoueta'actaxa ne'ena, nache saishettaxa da ileu ye ỹaqaỹa.

Lucas 7:46

Nataqa'en saishet da 'aucorelec na ỹaqaic ca coraxat, qalaxaye añimaye icoreleguete naua ichel so coraxat ama na laita.

Juan 11:28

Qaq co'ollaq ime de'era la'aqtac aso Marta, nache asomaye jec da iỹaxana aso lqaỹa María. Nache isoxootot da 'enapega, 'eeta': –Dam Napaxaguenataxanaq hueta'a ne'ena, qaq damaye 'am nỹaxaneua'a.

Cantares 1:3

Ỹataqta ama da laitaỹaxac na 'ancoraxat, qataq da qanasaxauec da 'are'enaxat nache 'eeta'am na coraxat da huaỹoxon na ama laitaỹaxac. ¡Ỹoqo'oye ỹataqta 'am nqopita na qa'ampiolec!

Cantares 1:12

So nta'a da ñaq hua'aqtalec so la'axasoxola', nache na ñecoraxat huaỹoxon da ama laitaỹaxac.

Salmos 132:2

Qataq da la'aqtac maye 'am ỹanot co'ollaxa, 'am maye 'am la'añaxanec so Jacob co'ollaq 'eeta':

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Juan 19:39

Qaq nataqa'en so Nicodemo, maye huo'o so pe co'ollaq naua'a da detaxaỹapegue' So Jesús, somaye nachetac so treinta kilos na qaỹalecna't qo'oipaq lcha'q, le'enaxat mirra qataq áloe.

Proverbios 27:16

Qataq da qanshetaique da qanllañi acamaye qalaq 'eeta'am da qanshetaique da qaỹa'axaneguet na la'at, huo'otaq da qaỹachalec na nhuaq lauel da qanshetaique da qanllañi na aceite.