Juan 12:26 - La'aqtaqa Ñim Lo'onatac 'Enauacna 2013

²⁶ Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Nuevo Testamento Toba Sur

²⁶ Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Nuevo Testamento Toba Sombrero Negro

²⁶ Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 12:26 Referans Kwoze

Gálatas 1:10

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Colosenses 3:24

Cha'aye qami' mashe qauaỹaañi da Ñim Lo'onatac 'Enauacna ỹami' ca lsheetenaxanaxat maye iqataxaatapigui' nam lalamaxatpi, camaye nacheca ca nca'alaxa maye qaica ca loga't. Qataq qantooñita'ac da qauo'onataxañiitacot So Cristo maye ỹoqta 'eesa da qami' lalamaqa'ate.

Romanos 1:1

Qami' ñauochaxau' ỹaqaỹa't, maye qoñiitaña na Roma: Aỹem lo'onataxanaxanec So Jesucristo qataq aỹem lamaxashec, cha'aye Ñim Lo'onatac 'Enauacna aỹem lca'aguishec da yaqto' sa'axatec da no'on na'axaỹaxac maye iqataxaatai' da qaralamaxat.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

2 Corintios 5:8

Qataq saishet da saquicoqtac, na'aictaxa da huo'o da qaryaxa da qolaqa'ai de'era qaro'ocỹaxac da qolaq da souaqta'aguet So Qarataxala'.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

2 Corintios 4:5

Qataq da sa'aqtaxanaqtac, qalaq saishet da maiche ña'aqtaxanaqtapeguela't. Chaqrata da qomi' sa'axataqtac So Jesucristo da nacheso So Qarataxala'. Qataq qami' souaqtegueto, souaxat da qarauoche So Jesucristo.

Romanos 14:18

Qaq da nache shenaqtec de'era da so'onataxanaqot So Jesucristo, nache Ñim Lo'onatac 'Enauacna qomi' ỹaỹamaxareete', qataq huo'o naq 'enec naqa'en da shenaqta 'enauac na shiỹaxauapi.

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Lucas 6:46

So Jesús queto'ot da da'aqtaxaatac 'eeta': «Qami' qoñiitega naxa da Aỹem Qarataxala'ai qataq qami' ỹalamaqa'ate, qalaxaye saishet da qauo'oche da qami' samaxaleguete.

Proverbios 27:18

Ca ntela'a aca higo lcheyec camaye chec qome ana ala acamaye, qataq ca ntela'a ca na'aco' camaye huo'o da ño'oxonnataguec.

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Filipenses 1:23

Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

Juan 14:3

Qaq qom mashe ime da ashec da seqataxanai' ca qarmaye, nache qaltaq ñe'eguelaq da qami' saue'c, yaqto' qami' nache 'eetai' da Aỹem qoviita'aguet que'eca soota'a.

Juan 13:16

Qaq ỹataqta 'eesa de'era qami' sa'axatema, da qaica ca nlatac da napacalec da la'amaqchec ca na'aco', qataq qaica ca namaxashec da ishet da napacalec cam ỹamaqtac camaye.

Lucas 9:23

Ime, nache So Jesús 'enapega 'enauac so hueta'a yi'iye, 'eeta': «Ca nshetaique da ỹapaxaguenatac, nache camaye iuen da icoua'ai da ỹo'ot ca maiche 'eetapeguec. Qataq iuen da lhuotta da Aỹem ileualec qataq da ỹo'ot ca samaxalec.

Mateo 25:21

Nache so ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

Salmos 17:15

Qalaxaye aỹem, qom saỹaten da qaica ca sasouaxat nache samachiguiñi da selogui da 'arashiguiỹaxac, na'aictaxa da choche 'am samato'ot da ñelouec.

Números 14:24

Qalaxaye so ỹamaxashec Caleb, maye huaỹoqtec da lataxac, qataq ỹataqta Aỹem ỹalaxaguet. Nachesota qome da sasheeteua'a da inoxoneua'a yi'iye 'alhua maye taỹa co'ollaxa da imeten, qataq ca chegoxoguetpi, nache nalec qome yemaye.

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Colosenses 4:12

Nataqa'en qami' ỹamaxalo da lquinaxanaxac ñi Epafras. Ñimaye nataqa'en lamaxashec So Jesucristo, qaq ñimaye maiche qami' chegoqtoiguilo co'ollaxa. Qaq ñimaye nache 'eetai' naxa da qami' nqouagaxaueetaleguete da yaqto' qaica ca da, qataq da yaqto' ỹataqta qanañañiỹot Ñim Lo'onatac 'Enauacna qataq da qauo'oche cam 'eetapeguec Ñimaye.

Juan 21:22

Nache So Jesús 'enapeco': –Da Aỹem ñeshetaique da namaye nache 'eetai' da nca'altauec, choche ivitta'a qom Aỹem ñe'eguelaq, qaq ¡'aua'aqta'a qome namaye, saishet da 'atapegueua'a! 'Am, qalaxaye Aỹem qoquegue.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Marcos 8:34

Qaq co'ollaq ime de'era, nache So Jesús iỹaxanalo soua lapaxaguenataqa, qataq so shiỹaxauapi. Nache 'enapego', 'eeta': «Da qami' qauauoitaique da qami' ỹapaxaguenataqa, nache iuen da qaucoviỹa'ai cam maiche qoñiitapeguec. Qataq iuen da qami' lhuotte' da qanañañi da qami' qaiuaxanegueta ca qanpe'enaxaqui qataq qauo'oche cam shenapec.

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Números 32:11

'Enauac na shiỹaxauapi maye chegaqa'a ye Egipto, maye ivi' qataq napacalec naua veinte vi'iye da nachaalataxac, saishet qome da inoxoneua'a da nalec ye 'alhua maye sachaxanapecot co'ollaxa da sanem so Abraham, Isaac qataq so Jacob, souaxat da aỹem sa ỹalaxaguet.

Lucas 12:37

¡Ỹataqta huo'o qome da lta'araic lamaxayec ca camayepi qom huo'otaq ca na'aco' nvi' ca laiñi ca pe huo'otaq da mashe yo'oxoñitai', qalaxaye nache 'ena'am nlotauec camayepi! Qaq ỹataqta 'eesa qami' sa'axatema, da que'eca na'aco' 'enapega camayepi da nso'ooñi da datalec ca nquia'axala', qaq camaye qalaq huapegue' da ỹo'ot ca aloq.