Juan 12:18 - La'aqtaqa Ñim Lo'onatac 'Enauacna 2013

¹⁸ Qaq ỹoqo'oye so shiỹaxauapi huaqata'aguet So Jesús, cha'aye ỹaỹaten dam ỹo'ot na'anec maye sa qaỹauanapega.

Nuevo Testamento Toba Sur

¹⁸ Nachi na shiÿaxauapi huaqata'aguet so Jesús, cha'ayi qaÿaÿaten dam i'ot n'anec mayi sa qaÿauanapega.

Nuevo Testamento Toba Sombrero Negro

¹⁸ Qo'che' jalcote ga'me jiyaĝadipi uaqateteda'aguet ñe'me Jesús, queda'me male yayate'n jajo'me 'nanec 'me di'yoq jo'ne ya'uo ca'li.

Juan 12:18 Referans Kwoze

Juan 12:11

cha'aye lasouaxashet qanqa'en da chegoqchigui somaye da ỹataqta qalota na judiopi na ca'ai somayepi, nache ỹa'amaqten So Jesús.

Lucas 19:37

Qaq co'ollaq mashe saqaỹapeque asom saqaỹoqotcheguemec 'alhua maye nanqa' ana Olivo, co'ollaq mashe quiguingui so ca'amegue soomaye da nqo'ootra ye Jerusalén, nache huaña da 'enauac nam ỹa'amaqteetac Somaye qataq quetague' ỹa'alaqtagui, souaxat da ntonaxac. Nache ỹo'oxoreetac Ñim Lo'onatac 'Enauacna, souaxat 'enauac nam sa qaỹauanapigui maye ỹo'ot So Jesús da ỹauaachigui somayepi.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 6:2

Qaq ỹataqta qalota na shiỹaxauapi ca'attague' Somaye, souaxat da ỹauaachigui na ỹo'ottac na'anecpi maye sa qaỹauanapega, qataq natareetac na sa no'onpi.

Juan 12:12

Qaq ỹataqta qalota na shiỹaxauapi na mashe nvita ye Jerusalén da ỹalegueua'alo soua na'axa'te maye laloxoqui' da qaiuennate so na'a'q le'enaxat Lapascua. Qaq se'eso lỹa na'a'q, nache qaỹaỹaten So Jesús da mashe nayeetaua'a ye Jerusalén.

Juan 12:19

Qalaxaye nam fariseopi maiche detaqtega't, 'eeta': –Ña qauloỹa Namaye, 'enauac na shiỹaxauapi ca'attague'. Qaq qomi' nagui sa sañoxotaq da huo'o ca so'otaq.