Juan 12:17 - La'aqtaqa Ñim Lo'onatac 'Enauacna 2013

¹⁷ Nache so shiỹaxauapi maye hueta'aguet So Jesús co'ollaq iỹaxaneua'a so Lázaro co'ollaq huetaigui aso huachiqui da nca'alec naqa'en, namayepi ỹa'axattac dam lauanaqchec.

Nuevo Testamento Toba Sur

¹⁷ Nachi na shiÿaxauapi mayi hueta'aguet so Jesús, co'ollaq iÿaxaneu'a so Lázaro, co'ollaq huetaigui aso huachiqui da nca'aleec naq'en, namayipi i'axattac dam lauanaqchic.

Nuevo Testamento Toba Sombrero Negro

¹⁷ Qama'le ga'me jiyaĝadipi jo'ne ueteda'ajop ñe'me Jesús joca'li nec'alaĝadijeguem ñe'me Lázaro, da'me yiyaĝaneuo joca'li uetaue jaga'me napa'l lae't, joga'me jiyaĝadipi male 'yaĝatetedac da'me jo'ne yauata ca'li.

Juan 12:17 Referans Kwoze

Hechos 5:32

Qomi' ỹataqta saỹatenaqta de'era sa'axataqtac, qataq So Saqcha'a Na'añaxac Qui'itta nataqa'en ỹa'axattac, cha'aye Ñim Lo'onatac 'Enauacna ỹanem 'enauac So Saqcha'a Na'añaxac Qui'itta 'enauac nam ỹalaxaguet Ñimaye.

Hechos 1:22

chegoqchiguiña co'ollaq cheta'ague da nachelaxan so Juan qataq ivitta'a co'ollaq Somaye da taigue da piguem. Qaq ỹoqo'oye no'on da huo'o ca qalca'aua'a da qomi' qaỹalecnoiguilo, da yaqto' nataqa'en ỹa'axat da So Jesús mashe qaltaq qanca'alaxatec.»

Juan 19:35

Qaq som ỹa'axat de'era, somaye co'ollaxa ỹauaachigui qataq ỹataqta 'eesa de'era 'enapec. Cha'aye somaye ỹaỹateeta da ỹataqta 'eesa de'era la'aqtac, yaqto' qami' nataqa'en ishet da qaua'amqaanataxañi.

Juan 12:9

Qaq ỹataqta qalota na judiopi maye lma' ye Jerusalén, da la'axaỹaxac So Jesús da hueta'a ye Betania. Nache nqo'ona yemaye. Qaq saishet da nachaqsota So Jesús da qaỹauotaique da qanauane', cha'aye nataqa'en so Lázaro som qaltaq nca'alaxatec co'ollaxa Somaye.

Juan 21:24

Qaq nacheso se'eso napaxaguenatac, som ỹa'axattac 'enauac de'era, qataq maiche ỹiyiñi. Qaq qomi' saỹaanaq da ỹoqta 'eesa de'era 'enapec.

Juan 11:42

Qaq Aỹem saỹaten da 'am, nache 'eetai' naxa da Aỹem 'aua'aqtega. Qalaxaye Aỹem shenapec de'era souaxat nam shiỹaxauapi maye hueta'a ne'ena, yaqto' namayepi ishet da ỹa'amaqten da 'eesa da Aỹem 'aramaxashec.

Juan 11:31

Qaq na shiỹaxauapi maye hueta'a ca lma' aso María da ỹa'añaqchettac, co'ollaq ila'a da sa naỹaloxon da ñesheguem qataq jec asomaye, nache somayepi ca'attaueegue, cha'aye ipi'itaxaatega da asomaye tauga aso huachiqui da yaqto' huaña da nỹen.

Juan 1:34

Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Juan 1:32

Nataqa'en so Juan 'enapeco': –Aỹem sauaateguet So Saqcha'a Na'añaxac Qui'itta da chegoqtot na piguem, 'eeta'am na qoto', nache talec Namaye.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.