Juan 12:13 - La'aqtaqa Ñim Lo'onatac 'Enauacna 2013

¹³ Nache so shiỹaxauapi, iquesoq ana laue ana chaic, nache qata'aguet So Jesús. Nache ỹa'alaqtalec, 'eeta': –¡Sho'oxorenaq Ñim Lo'onatac 'Enauacna! ¡Ỹataqta ỹo'oxoraq da llecỹaxac, nam nactaigui da lamaxasoxonaxac Ñim Nataxala'! ¡Ỹataqta ỹo'oxoraq da llecỹaxac nam Lta'a na Israel le'ecpi!

Nuevo Testamento Toba Sur

¹³ Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita': –¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!

Nuevo Testamento Toba Sombrero Negro

¹³ qama'le qonequejoĝoñe jaga'me chaic layoqote qama'le qodique'taguet joñe'me Jesús qaedi yacoteguet jogaa'me, qama'le 'nalaĝajeguem ena'uac: —¡Qo'nonaĝachigui ñe'me Qadejaliaĝanec! ¡'Ñonaĝataĝaye ñe'me jo'ne naequena nayi! ¡Nach'eñe Lamaĝajec ñe'me Jaliaĝanec, Joñe'me jo'ne nejaliaĝatelo'te jo' qomle jena'me Israel laje'pi!

Juan 12:13 Referans Kwoze

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Apocalipsis 7:9

Qaq can ime de'era, nache aỹem sela'a so qalota shiỹaxauapi maye ỹotta'a't na chegaqa'a 'alhuapi, qataq ỹotta'a't da lo'oxoỹaxac, qataq ỹotta'a't naua la'aqtaqa. ¡Somayepi ỹataqta qalota, qaica ca ishet da naloqten! Qaq somayepi nachattaua'a ye hueta'a aso so'onaxaqui qataq So Qagueta Llalec, ỹaatrañi naua alogo lapagaxaiqa, qataq lasoqta'a ana chaic laue.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Mateo 23:39

Cha'aye ỹoqta 'eesa de'era qami' sa'aqtaxanema da chegoqchiguiña nagui da saishet da ỹoltaq Aỹem qauloỹa'a, choche ivita'a qome da qoñiita': «Ỹataqta no'on da llecỹaxac nam Lca'aguishec Ñim Lo'onatac 'Enauacna, maye nactaigui da le'enaxat Ñimaye.»

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Juan 19:15

Qalaxaye somayepi ỹa'alaqtagui, 'eeta': –¡Qaỹalauat qome damaye! ¡Qaỹalauat qome damaye! Qataq ¡qaiuaxaneuo qome! Nache so Pilato 'enapeco': –¿Peta'a isheto' da aỹem seuaxaneuo dam qarta'ai? Qalaxaye som lataxala'pi na ntaxaỹaxanaxanecpi 'enapeco': –Qomi' qaica ca lỹa qarta'a, nachaqñita ñim lta'a na nta'alpi maye neta'ague da Roma.

Sofonías 3:15

Cha'aye Ñim Nataxala' mashe ỹa'axaneguet da 'am nmittac, qataq mashe ỹo'orauec so 'ampa'aguenaxauapi. Ñim Nataxala', maye Nta'a na Israel, Ñimaye qami' netanguilo: qaq ỹoqo'oye saishet qome da 'añe'etaique ca camachaqca qauem.

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.

Levítico 23:40

Nache que'eca la'auaxanec na'a'q qanqache aca ỹataqta no'on ala ana qo'oipaqpi, qataq qauchiquiiuec aca lcoue aca chaic, qataq aca lcoue aca qo'oipaq maye late'el naua laue, qataq aca lcoue aca ma'aic maye neto'ot na loigue ca tala, qaq nache 'enauaque caua siete na'axa'te da huaigui que'eca qantonaxaqui, qataq huaña ye lanataqa' Ñim Nataxala' maye Qanatamnaxala'ai.

Juan 12:15

Saishet da qayi'i, qami' maye qoñiitaigui na nỹecpi na Jerusalén; ña 'aulo'oguet na 'Arta'a, 'ena cha'aguet, netalec na 'ashena.

Mateo 27:42

«Nca'alaxatec naxa ca lỹa, qalaq Ñimaye saishet da maiche nca'alaxaala't. Qataq 'eetega da nacheñi ñi lta'a na Israel le'ecpi. ¡Qaq Ñimaye iuen da huenoteeguesop ñi npe'enaxaqui, yaqto' ishet da sa'amaqtenaq Ñimaye!

Juan 12:14

Qaq So Jesús natenalec so 'ashenolec, nache nelec somaye. Qaq 'era da 'eetec da ipacchiguilo dam 'ena'ape naua nanettrañi la'aqtaqa Ñim Lo'onatac 'Enauacna, 'eeta':