Juan 11:52 - La'aqtaqa Ñim Lo'onatac 'Enauacna 2013

⁵² qaq saishet da nachaqnata nam judiopi, cha'aye nataqa'en 'enauac nam llalaqpi Ñim Lo'onatac 'Enauacna maye nlagaxattac da yaqto' lapona't.

Nuevo Testamento Toba Sur

⁵² qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Nuevo Testamento Toba Sombrero Negro

⁵² Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Juan 11:52 Referans Kwoze

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

1 Pedro 1:1

Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Romanos 3:29

Qaq ¿peta'a Ñim Lo'onatac 'Enauacna nachaqnata nam judiopi da Lataxala'? ¿Saishet peta'a da Lataxala' nataqa'en na laỹepi shiỹaxauapi? Aja', namayepi nataqa'en Lataxala' Ñimaye.

Lucas 2:32

Namaye nachena na ncoỹaraxanaqte, maye icoỹarelec 'enauac na shiỹaxauapi, qataq namaye nache llo'oxoyec nam 'aralamaxatpi maye Israel le'ecpi.»

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Efesios 3:11

Qaq de'era ỹo'ot Ñim Lo'onatac 'Enauacna, damaye nateeteguet dam nale'ena lhuennataxa co'olloxocheye maye ỹachegoxotchigui naqa'en So Qarataxala' Jesucristo da ỹo'ot.

Efesios 1:5

ỹoqo'oye namaq So Jesucristo da yaqto' Ñimaye ỹauo'oi qomi' llalqa, cha'aye nachera da maiche 'eetapeguec.

Romanos 4:17

Ana nere maye huetalec na la'aqtacpi Ñim Lo'onatac 'Enauacna, 'eeta': «Ñimaye 'enapega so Abraham da somaye ivira'a da lta'a na ỹotta'a't shiỹaxauapi ana 'alhua.» Qaq de'era ỹachaxanapec Ñim Lo'onatac 'Enauacna ỹo'otec so Abraham, cha'aye somaye ỹa'amaqten da nachaqñita 'oonolec qataq huo'o da la'añaxac da nca'alaxatec na mashe ileu qataq da huo'o ca ỹo'ot dalaxaic.

Hechos 18:10

Cha'aye Aỹem 'am soota'aguet, qaq saishet qome da huo'o ca 'am ỹaconeua'a da huo'o ca 'am ỹo'otec. Cha'aye ỹataqta qalota na shiỹaxauapi na netaña ne'ena nỹecpi na ỹalamaxatpi.

Juan 12:32

Qaq qom ivita da Aỹem qaiuaxaneguet ca ñepe'enaxaqui, nache huaña qome, nache so'otec da 'enauac Aỹem qaỹa'amaqten.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Oseas 1:10

Qalaxaye ñaqaiyeta ne'ena Israel le'ecpi ỹataqta qalota qome, nache 'eeta'am na coma' lsoche maye auaxai le'ec, nache qaica ca ishet da naloqten ca tachiguiña qataq ye lcata namayepi. Qaq qom qoỹeeta': «Qami' saishet da qami' ỹalamaxatpi», qalaxaye Ñim Lo'onatac 'Enauacna qami' 'enapegalo, 'eeta': «Qami', nache qami' llalaqpi Ñim Lo'onatac 'Enauacna maye nca'altauec.»

Ezequiel 34:12

Qaq sheeta'am qome ca qagueta lo'o da huo'o da lhuogoxo da laga't aca lalo qaguetapi, qaq 'era da sheetec qome da huo'o da iuogoxo da selo'ogue ana ilopi qaguetapi, ñe'eguelaxat qome sachegoxotchiguiña cam huaña co'ollaq deqat, huaigui som napalñi na'a'q souaxat so la'at.

Isaías 60:4

Ña 'anamatasheguem nache 'auamata'alo naua laỹel nam qoueta'a, cha'aye 'enauac namayepi laỹona't nache 'am naỹa. Na 'aỹa'alaqpi qalaq chegoqta'a qome ca qaỹoqta da anac, ana 'aỹa'alepi qalaq qanachetasheguem qome da qandoi'.

Isaías 56:8

Qaq 'era da la'aqtac Ñim Nataxala', ñim laỹona't nam qaỹauec co'ollaxa Israel le'ecpi, 'eeta': «Aỹem llaỹona't qome nam ỹalamaxat nhuo' le'ecpi, qataq nam laỹe nhuo' le'ecpi da yaqto' huaxaiguet ñaqa'en nam mashe llaỹona't co'ollaxa».

Isaías 55:5

Qaq 'Am nagui, 'aỹaxana qome na shiỹaxauapi maye sa 'auauatton, qaq nam shiỹaxauapi maye saishet da 'am ỹauatton co'ollaxa qalaq 'am nqalgoqta'a qome, cha'aye Aỹem 'Arataxala' qataq Aỹem Qui'itta natamnaxala' na Israel le'ecpi, huo'o naq 'enec ñaqa'en 'am.

Isaías 49:18

Ñaq 'anamatasheguem, qataq 'ameenaxanapiguiñi, ñaq 'aumeten da 'eetec da laỹootega't 'enauac namayepi nache 'am ỹe'eguelaxa. Aỹem ñeca'altauec 'enapec Ñim Nataxala', qaq san da ỹa'aqtac da 'enauac namayepi, 'eeta'am qome aca nqola da 'am qoỹanaxanaxangui, qataq 'eeta'am aca llo'oxoraqte aca auonaxaua.

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Salmos 22:15

Qaq na aỹap qalaq ỹataqta daqaqta, 'eeta'am ca chaic maye nhuo' lapo', ñi ỹachaxat qalaq lapaqot na ñaquiaq. Qataq ỹataqta aỹem 'alaroigui na 'alhua da seleu.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Salmos 22:27

Qaq tachigui lauel qome Ñim Nataxala' nache ỹe'eguelaxa Ñimaye 'enauac na ỹotta'a't shiỹaxauapi maye neta'alo naua loga'te ana 'alhua. Qataq 'enauac na llalaqpi na ỹotta'a't shiỹaxauapi da ỹa'aldoto qome naua l-llecte Ñimaye.

Juan 1:12

Qalaxaye nam ỹaconeguet qataq ỹa'amaqten, qaq nachena na ỹoqta 'itchiguiñi da llalaqpi Ñim Lo'onatac 'Enauacna.

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

1 Juan 3:2

Qami' ñauochaxau' ỹaqaỹa't, ¡qomi' mashe qomi' llalqa Ñim Lo'onatac 'Enauacna! Qaq na'aictaxa da saxanaxa da saỹatenaqta cam 'eeteque qomi' cam ñaq natauo na'a'q, nachaqrata da saỹatenaq da So Jesucristo qom ỹoltaq nachaxan, nache shenaqta'am Somaye, cha'aye ỹataqta ñimaqa'ai' da seloqto'ot qome.

1 Juan 3:10

Qaq qomi' ishet da sauattonaq negue't ca llalec Ñim Lo'onatac 'Enauacna, qataq negue't ca llalec so pa'aguenataxanaxaic: nam llalaqpi so pa'aguenataxanaxaic, nachena nam saishet da ỹaỹamaxaren da ỹo'ot ca ỹaỹamaqchiguiñi qataq saishet da ỹauotec ca lỹa.

Lucas 15:8

Qataq aca 'alo da huo'otaq hueto'oto caua diez anomio'ole lca'achole da huo'otaq deqat aca 'oonole, qaq ¿peta'a saisheto' da ỹegueua'a aca lcoỹaraxanaxaqui, ime, qaq ỹataqta huo'o da ltelaxa da iqueloc ca lma', choche ivitta'a da ỹanata?